' نِـسْيـان '

صِراعَ

شروط البارت: ٢٠٠ كومنت ٤٠ فوت
قراءة ممتعة

•••••••••••

وسرعان ما توسعت عيوني بصدمة وضربت دقات قلبي
وفي لحظة وكأن عقارب الساعة وقفت !
صار كل شيء بسرعة ! وطول حياتي كلها
ماتوقعت اني بنحط في هالموقف ذا !

وفي سرعة البرق ركض صالح بأتجاهي وانا ماقدرت اتحرك انش واحد وماهي الا وثواني وطحت على ورا وراسي صك على الارض ! فتحت عيوني وانصدمت لما كان فوقي وبيده سكينة !! من وين جابها !! مامداني افكر الا وبلمح البصر رفعها فوق ثم هوى فيها لفوق وبثواني غرزها بكتفي !!

شهقت بقوة وتوسعت عيوني بوجع وبصدمة ! وانا احس بحرارة السكين بكتفي وحسيت بالدم سرعان ماتسرب بكل مكان !! ضيقت عيوني بألم فضيع ومديت يدي ومسكت يده اللي كانت بوسطها السكين ! يدي تغرقت بدمي وانا احاول ابعد السكين عن كتفي ! كنت احاول ابعده ولازالت السكين بكتفي مخترقتني لنهايتها !! ماكنت حول احد ولا كنت اسمع اصوات بدر ولا يوسف ولا احد حرفياً وكل تركيزي مع صالح اللي كان يناظرني بحدة ويتنفس بقوة !!

ماقدر بموت !!

حاولت اوخره عني لكن باللحظة هذي سحب السكين من كتفي بقوة خلى عيوني تتوسع اكثر وبحرقة اليمة حسيت فيها كأنه ساحبها من احشائي !! ناظرت فيه بحقد عظيم وحاولت ارفع رجلي عشان ارفسه وابعده عني لكنه مثبتني تحته !! رفع السكين ثاني مرة وهالمرة لفووق اعلى ثم هوى فيها على مكان الطعنة الاولى !! صاارخت بوجع ماقدرت اتحمله ولا قد حسيت فيه بحياتي !! مسكت كتفي بقوة وتسللت دمائي من بين اصابعي !! سحب السكين ثاني مرة وجاء يطعني فيها للمرة الثالثة لكن في هذي اللحظة جاء بدر ورفسه عني !! تنفست بقوة وزحفت على ورا !

كانت عيوني مثبته عليه وبحقد يتغلغل فيني وانا ماسك كتفي اللي غرق بالدم !! حسيت بيوسف لما كان يصارخ علي ويناديني وهو يمسك كتفي ويسند ظهري على صدره ويضفط على الطعنة وانا ما كانت منتبه له بل لصالح اللي كان لازال ماسك السكين ويتفلت علي بس بدر كان يقيد حركته !!

حسيت بثوبي اللي تبلل دم ! حسيت بالدم ينزف من الطعنات بشكل مهول !! حسيت بحركتي صارت بطيئة ! اختفت الاصوات وصرت بس اسمع تنفسي وضربات دقات قلبي !!!

اخر شيء وقبل ما ماتقفل عيني لشدة الالم..
واخر ماشفت قبل ما السواد يحتل جفوني..
شفت بدر يلكم صالح بقوة وقامت بينهم معركة !!
حاولت اسمع لكن الصمت والسواد سيد الموقف..

.........

توني طالع من الشقة ، نسيت مفتاح سيارة عساف الثانية بغرفة ماجد والحين مضطر اني اروح واجيبه بعد ما درى عساف وعطاني محاضرة وبغى يصفقني ..مع انه مفتاح احتياطي لكنه يكبرها ..بس انحشت منه والان متجه لبيت ماجد ، عسى ما احد نام بس ..وقتي غلط بس شسوي من النفسية اللي عندي !؟ وصلت للبيت ونزلت ، دقيت الجرس بس ما احد جاني ، اصلاً الباب كان مفتوح !؟ شفيهم ؟ نسوه ؟ لان غريب يخلون الباب فاتح بذا الوقت؟ مافكرت كثير وانا اطق الجرس ثاني مرة ونفس الشيء ماحد عطاني وجه !