' نِـسْيـان '

إِهْتِيَاج

شروط البارت: ٢٠٠ كومنت ٤٠ فوت
قراءة ممتعة

•••••••••••

-" سلمان السبب !! طلع توقعي صح !! "

نطقتها بصدمة وانا اطالع للاسلاك المقطعة والتفت لرايد لما نطق بحزم وبثقة

-" هو المتهم الوحيد حالياً لكن لازم دليل مرئي "

عقدت حواجبي ونطقت

-" كيف ؟ ما كفاك ذا الدليل ؟ "

-" بيتكم فيه كامرات صح ؟ "

هزيت رأسي ب ايه' وعرفت وش مقصده ..قلت

-" معقولة كان يهندس في سيارة صالح عيني عينك ؟ وقدام البيت بعد ! "

-" اكيد ولا كيف بيوصل لها ؟ "

-" وش هالثقة ذي ؟ ما خاف احد يقفطه ؟ بعدين شدراه اني كنت بروح المجمعة ؟ "

تكى رايد على السيارة ورد

-" شكله كان يراقبك ، تتوقع هو نفسه اللي تقول انه يراقبك ؟ "

-" ويين ذاك حفيد باتمان يساعدني وذا حثاله ! ما اتوقع بس شداره اني بروح ومع صالح بعد !! "

قلت بدهشة وتوني ادرك هالشيء ! مسح رايد ذقنه بتفكير واكملت بتفاجئ اكثر

-" يعني كيف عرف اني بروح مع صالح بالضبط ؟ ليش مثلاً ما راح وخرب سيارة بدر ولا يوسف ؟ كيف عرف انه صالح ىسيارة صالح بعد ! "

-" صادق مانتبهت ! ماجد انت كنت تسولف قدام احد انك بتروح المجمعة ومع صالح ؟ يمكنه سمعك ولا شيء "

هزيت رأسي بلا ، مستحيل محد عرف ! اجل كيف راح وخرب سيارة صالح وعارف اني بروح معه ! فيه شيء غلط ! لو قلت يراقبني مقبولة لكنه كيف بالضبط عرف انه صالح ! موكل قرينه علينا يتسمع في سوالفنا ولا وش ؟ عموماً كاشفه كاشفه ، وين بيروح يعني ؟ بعد كذا رجعت للكامري وحركت من ذا المكان بعد ما صورت الدليل والمكابح والاسلاك ولكل شيء ، قاعدين نجمع كل دليل صغير وكبير ضده ، رجعت للبيت ورايد معي ، كان بيرجع لشقته لكني اجبرته يروح معي للبيت عشان نشوف مقطع التسجيل حق الكامرا المعلقة برا البيت ، المشكلة اني ما ادري اي وقت واي يوم واي اسبوع طلع فيه وخرب السيارة ! بضطر اني اقعد على الشاشة ادور اللقطة وشكل الموضوع بيطول !

وصلت ونزلت للبيت ورايد معي ، فتحت الباب ومن سوء حظي استقبلني يوسف ! وقف وناظر لرايد ثم ابستم وسلموا على بعض ! اما يذكره ؟

-" اخبارك ؟ "

-" ابد طيب "

رد رايد وهو مبتسم ، مسكت يده ومشيت به داخل البيت ونطقت قاصد يوسف اللي خليته وراي