•••••••••••••
هجمت عليه بسرعة وبغضب مجنون ..ناوي يصلون عليه اليوم ..لكمته بسرعة ومامداه يستوعب الا واعطيه لكمة ثانية ثم رفست ساقه الي كانت مايلة وطاح يصارخ ! دلوع مابعد شفت شي تقدمت له بخطوات بطيئة متلذذ اني اشوفه بهالمنظر لكن ماحسيت حساب يده عساها بالقص يوم سحب رجلي طايح وراي وعلى راسي بعد ! حسيت بصداع فضيع ولوعة في بطني !
طلع علي فوق وعيونه متسعة بعصبية ويتنفس بسرعة ! فجاءة بسرعة مسكت يده بشدة قبل توصل لعيني وطلعت مني شهقة خافتة! الملعون اخذ القلم الي كان طايح وجاء يطعن عيني فيه ! مسكت يده بيديني الثنتين الي فيها القلم قريب حيل من عيني !
عضيت شفايفي وعاقد حواجبي بحقد غليظ شاد على يديه بقوة بس الكلب كل ماله ينزلها اكثر واكثر لين شفت راس القلم فوق عيني بالضبط ! احس حركتي تشنجت ماعد اقدر اتحرك الله ياخذه !
-" هااه ياولد الكلبة تبيني اخذ عينك ..وتعيش بعين وحده ازين شرايك؟ "
قال من بين اسنانه وهو صاكها ! قلت وانا لازلت متمسك في يده بقوة..حسيت عروقي برزت !
-" جرب وشوف وش بيصيرلك عشان اذوقك اسوء ايامك يا****"
رديت له نفس الكلمة الي قالها لي وهو عصب اكثر وشد بيده الثانية ينزل القلم اكثر واكثر بعيني ! اقسم رموشي فاصل عن القلم لايفقعها ! لفيت راسي ادور شيء سلاح سكين اي شيء وفعلاً لقيت قطعة زجاج بس لو اخذتها بيد واحده احتمال عيني تودع لاني ماسك الكلب بيدين الله لا يبيحه ! حاولت ارفع ساقي بس ماقدرت لانه مثبتني زين !
فجاءة في شخص رفس مشعل طيره بعيد عني وعلى قومته القلم شخط خدي ونزف! تنفست بقوة وبسرعة وزحفت لورا ساند ظهري على الجدار ! قلبي كان بيوقف لان تكه وافقد عيني ! رفعت راسي وشفت ذاك الطالب الجديد ينحني وياخذ القلم بهدوء ويرميه من الدريشة ! ناظرني ثم ناظر لمشعل بنظرات محتدة بعدين راح كمل طريقة ! المعتل! افزع معي طيب !
جاء يلحقه مشعل ويكمل عليه بس مسكته بشدة ورفسته بقوة
-" على وين ؟ تبي تنحاش الحين ؟ خصمك انا والله لا انسيك حليب امك"
قلت له وهو تراجع منحني لان ساقه ملتوية ..ابرك جعلها بالشل اندفعت صوبه ومسكت راسه وضربت فيه الجدار بقوة لين سمعته يأن وشكله داخ لانه قام يتمايل يبي يمسكني ! هه مب كأنه قبل شوي الي كان بيفقع عيني !
جلس على على الارض وهن يمسك راسه وانا استغليت ضعفه وجلست اصفقه بكل مكان ..مسكته مع ياقته وهو يناظرني وراسه قام ينزل منه دم
-" ثاني مرة لا تقعد تستقوي علي ياضعيف عشان ما اخلي اهلك يقبرونك "
قلت له وانا موسع عيوني معصب وانفاسي ثايره ..ابتسم ولد الكلب بعدين تفل دمه في وجهي ! حسيت جنون الارض قامت تتلبسني رفعت قبضتي ابي الكمة بس سمعت اصوات كثيرة تتداخل ببعض ..اظن انه المدير والمعلمين جايين ركض ويفرقونا ..التفت لمصدر الصوت وياليتني مالتقت لكمني الخبيث بقوة ومسك رقبتي قابض عليها خانقني ! مسكت كفوفه وعرزت فيها اظافري ورفعت ساقي رافسه مبعده عني !
أنت تقرأ
' نِـسْيـان '
Teen Fiction« شَتات من كُل جهة ..يتخبط في قاع الضَياع » . . ماهي نهاية قصتك لو يرحلون هذي نهاية دورهم في قصتك. ..... عامية 'سعودية ' بدأت: 2023/11/5 انتهت:
