' نِـسْيـان '

مُعَاداة

•••••••••••••

٤:٢٠
العصر

لابس ثوب وجاكيت اسود..اليوم جمدة اعوذ بالله ! احس سنوني شوي وتتكسر من كثر ما انها تصّتك في بعضها ..دخلت كفوفي بجيوبي وكملت مشي كعابي لبيت جدي ..مدري وش الله حادني ما اسوق الموتر ؟ احب اعزر بنفسي ، فجاءة سمعت صوت سيارة وراي فالتفت وتوسعت عيوني يوم شفتها مسرعة بأتجاهي ! جتني ام الركب ابي اركض بس ما اقدرت ركبي تتصافق في بعضها ! بس شطفني راعيها وعرفت من لما قريت اللوحة..ما اقول الله يجعلها بالخراب ثاني يوم يارب ، نزل عزام الدريشة وهو يضحك بقوة مزحه مثل وجهه

-" توصيل شي ؟ "

-" كل زق جعلك بالماحي "

صحت عليه وانا اتفل بالهوا ..ضحك وسوى بأصبعه حركة منحرفة !  كملت طريقي سافهه بس الكلب سحب جلنط وعطاها تخميسة والتراب بكل مكان ! ياعالم احد يخمس قدام مسجد !؟ احس ودي اكشف على مخه عقليته ضاربه ! بعد ماغبر علي الرمه راح وهو فاتح الدريشة وسمعته مشغل اغاني اجنبية ..غمضت عيوني بسبب الغبار الي جاها وفركتها بألم وفوق كذا الجيوب الانفيه ضربت عندي الله ياخذه جلست اعاطس ساعة واحس بدوخة ..رفعت يديني للسماء وانا ادعي انه يصدم بأقرب زبالة .

كملت مشي لين وصلت بيت جدي ..طبعاً قريب بته مني عشان كذا قلت اطلق سيقاني امشي ، عطيت الباب دقه خفيفة ودخلت للصالة الي يعج منها البخور

-" السلام عليكم "

-" وعليكم السلام هلا هلا ياوليدي وينك فيه ماعاد تسيّر علي ؟ "

-" تعرفين ياجده اختبارات ومشغول طوال وقتي "

والله اني اكبر كذاب طوال وقتي اشاخر بس ، اومئت براسيها وكملت تشرب القهوة ، كانت الدله والصينية فوق الطاولة قدامي وانا صراحة عجزان اني اقوم واستلم صبها ، تربعت فوق الكنبة وكنت ابطقطق على الجوال بس ناظرت للي جت وهي تناظرني متفاجئة

-" بسم الله ! من وين طلعت انت ؟! "

-" من تحت الارض "

قلت لعمتي وهي جت وجلست على الكنبة مقابلة الي قدامي وأشرت بأعيونها  وش كبارها لفنجال جدتي بعدين للدلة ..ههاي والله تمطين عظم ماقمت اصبها معليش والله بس هي اولآ انها تقهوي امها صح ولا؟

-" ورع وش قلت الحيا ذي ! قم صب الدلة !"

قالت متفاجئة وهي تقوم وتجلس جنبي وتدفني مع كتفي ..يعني قم غصب ! طيب اذا هي على كذا تتحمل مايجيها ..ناظرتها بدون اهتمام رفعت ساقي وعطيتها شوته مع كتفها الا وهي طايرة عند الدله ! ضحكت بقوة وصفقت كفوفي في بعضها ..شكلها يضحك ! هي قامت بسرعة معصبة مني وقالت