' نِـسْيـان '

وَهَّمَ

•••••••••••••

جالس على عتبة الباب ، ساند يديني على فخوذي وجنبي الحمضيات ارتشف منه ، الجو ليل وهدوء ونسمات باردة تمر بلفحاتها الخفيفة جاعلة خصلات شعري يلوح معها بهدوء ، رفعت كفوفي وكانت حمراء بسبب برودة الجو ومع ذلك ماني لابس حتى جاكيت او هودي كلي الي لابسه تيشيرت خفيف ماني لابس شيء ثقيل ..تعرفون هذاك الشخص الي مايفرق معه حر او برد ؟ هذا انا مع اني والله احس عظامي تتكسر من البرد بس عاجبني الوضع

رفعت الحمضيات وشربت منه ، احسني مرووق الف

-" وديني يامحلا دقه الشامة من فوق هذي الشفتين "

قعدت اغني وانا لازالت متكي على العتبة والي بيمر من عندي والله لايشك في وضعي بس ماهتميت

-" هلابي يالشامة فوق الشفة "

قلت وضحكت ..والله اني قليل ادب ، رجعت اشرب لين خلصت العلبة ورميتها على الزبالة وسددت هدف لما دخلت العلبة داخل ، رجعت بجسمي لورا وسندت راسي على الباب ..مروق بس طفشان مدري كيف تجتمع ؟..وانا زي الجني مسنتر عند الباب ، تنهدت ووقفت ، مشيت خطواتين بس وقفت مكاني لما حسيت بقطرات ماء فوق راسي وماهي الا وثواني والشارع امتلئ مطر !

رجعت اجلس على العتبة واتأمل الشارع ، ظلام وهدوء وبس صوت مطر ..جو للهواجيس ، فجاءة سمعت صوت دراجة نارية متجة للحارة وفعلاً ظهرت وعرفت انه يوسف !

-" جابك الله وجيت "

همست فيها وانا ناوي على الدراجة اسرقها مدري كيف يسوقها ! ناظرته وشفته داعس فيها حيلل ! وش فيه ذا !

شوي وصارت سواقتها متهورة ! قاعد يلفلف فيها وواضح يبي يسيطر على زلقات الشارع الي غرق مطر !! شهقت بتفاجئ لما تجاوزني بسرعة عاالية وثواني ولف الدركسون بقوة الا والدراجة تزلق ! وسعت عيوني وانا اشوفه طار وطاح على الشارع بقوة! ركضت له بسرعة وشفت يحاول ينزل الخوذة عنه بحركة بطيئة ! انحنيت وسحبت الخوذة منه وكان لابس لبس رياضي ..اول ماسحبت الخوذه منه لاحظت شعره الي كان رطب ولاصق على عيونه ..مب شعره وبس كله غرقان وفيه جرح على فكه ينزف بخط دامي !!

-" ولد وش فيك !؟ "

قلت متفاجئ منه شوي وقام وهو يتجاهلني ويدخل البيت بخطوات بطيئة ويمشي ويعرج تارك الدراجة برا !! ايش فييه ! لحقته وشفته يمشي بالصالة ويصارخ معصب

-" صالح الله لايوفقك !! صاالح !"

وقفت عند الباب والتفت على صالح الي جاء ليوسف ومسك كتفه مستغرب

-" يوسف وش فيك تصارخ؟ !"

دفعه يوسف ونطق بحدة وهو يقرب من صالح

-" الله ياخذك ماقلت لك اتركهم !"

-" اهرج ! انت وش فيك الحين وش قاعد تقول !"