' نِـسْيـان '

مُدبَّر

•••••••••••••

نهار جمعة
١١:٠٠

توني قايم من النوم وحرفياً صدااع آلاف بسبب ريحة البخور الي عجت بالبيت ! صحكت راسي..مب بخور عادي لا قوي ومركز حيل معه عطر ثقيل ! ياشيخ الله يسكر يدها زوجة ابوي هي تدري ان عندي جيوب انفية بس متعمدتها لعانه ! اسمع صوتها تحت تقول لشغالتها خلي البخور عند غرفة الولد يعني مركزة علي تبي فطستي الله ياخذها وش اسوي انا ؟ انحرها هي وشغالتها ؟

قمت نفضت فراشي عني ومشيت بتمايل وانا عاقد حواجبي ، فتحت الباب وفعلاً لقيت البخور عند طاولة المدخل جنب غرفتي بالضبط ! اخذت المبخرة وبدون اي تفكير رميته من فوق الدرج وتناثر الجمر في الهواء

-" ياااوك ابك الفرشة الفرشة لا تحترق !"

سمعت صراخ زوجة ابوي وهي تقوم وتنفض الفرشة لان الجمر انتشر حولها ..احسن هي الي بدت وتستاهل ماجاها ..رفعت راسها للدراج واول ماشافتني احتدت نظراتها وقالت

-" ايا الخبيث بدر يابدرر "

وراحت تنادي زبالتها وفعلاً حظر عندها على طول واتجهت انظارهم لي من فوق الدرج وانا واقف واناظرهم معصب وشعري منكوش لفوق كأن الكهرب ماسكني وفاتح عين وحده وللحين اثار النوم فيني ، أشرت علي ثم للفرشة وبحكم انهم تحت ماسمعتهم زين وماهي الا وثواني وجاني بدر ركض بأتجهي وبيده جمرة طافية ؟! وش فيه ذا ؟

تجاهلته بكل برود وانا راجع لغرفتي بس مسكني بسرعة ودخل الفحم بحلقي !! وماوقفت على كذا ! قاعد يفرك سنوني فيها كأني عنز !!!

-" ياولد الـ**** تبي تحرقنا !! "

وخرت يدينه عني متقرف وتفلت الفحم عليه وانا امسح فمي الله ياخذه وش ذا التعنيف ! صرخت عليه

-" مريض مريض الله ياخذك !! ايه ابي احرقكم وافتك من وجهك الي يسد النفس انت وامك الداجة "

اول ماقلتها طلع يوسف من غرفته وقاعد يناظرنا بأنزعاج ، ناظرني بدر منصدم ثم توسعت عيونه ومسكني مع ياقتي ورفع يده ناوي يبقس وجهي بس رفعت رجلي بسرعة ورفست منطقة ما وهو جلس يناقز ويصارخ بألم بينما جاء يوسف ومسك اخوه وهو يقول

-" اووحح !! والله قوية !"

سفهتهم وبسرعة سكرت الباب في وجهه لكنه جلس يدق الباب بقوة وينابح وراه

-" افتح الباب يابن الذينا والله ماخليك افتتح الباااب "

طنشته وانا ارجع انسدح واغطي اذوني بالمخدة بأنزعاج وبعد محاولات منه اني افتح واضح طفش وراح عني الكريه ، ناظرت وجهي للمرايا فتحت فمي وانصدمت ان سنوني الامامية كلها اسود كأني اثرم ! مسحتها بالمناديل ..ناظرت للدريشة وشفت الشمس ساطعة ، سمعت الاذان وتذكرت ان اليوم جمعة تنهدت وفتحت الباب ونزلت تحت واتجهت للمطبخ ادور لي عيشة ابلعها وانا احك بطني ..دورت ومالقيت شيء!