عسـى نهاية أشواقي في حُضـنك

Part 1

كل بنات العائله يتجهزون لـ زواج جود بنت محمد " اخت نجود " ، من ولد الجيران " تركي " .
" ٦:٠٠ " اهل المعرس والعروس كلهم بالقاعه وبعضهم يتجهزون ، والصغار يلعبون ، راحت بطلتنا نجود تلبس فستانها الي كان باللون الاحمر ، ولمى باللون الاسود ، طلعت نجود وهي تعدّل مكياجها وتزيد من الروج الاحمر ، اخذت جوالها تصور كم صوره لنفسها ورسلت لـ صديقتها الاكترونيه " ميعاد " وكانت تمدحها ، بدأو المعازيم بالحضور وراحت نجود لـ طاولة البنات كانو يسولفون ومتحمسين لأن كل شي جميل بالقاعة ومن ذوق العروس ، بعد دقايق راحت نجود لـ اختها فتحت باب غرفة العروس
نجود : حرام الحين من اتمشكل معها
ضحكت جود وهي تغير الموضوع : اطلبي انتِ والبنات قهوه ؟ يمكن تروقين
ابتسمت نجود وهي تروح للبنات و جود عندها المساعدات والمصورات تتجهز ... نزلت نجود للبنات وهي تنطق : بنات ودي بـ قهوه ؟
وعد : اذا بتطلبين خذي لي معك
رعد : قصدها خذي لنا معك
ضحكت نجود وهي تطلب للبنات واخذت لـ جود قهوتها المفضله ، بعد ربع ساعه جاء الطلب ولبست نجود عبايتها هي وعهود وطلعو واخذو الطلب ، راحو للمطبخ ولحقوهم رعد و وعد
نجود : عارفه الحين البنات يلحقونا
رعد : مين ؟
عهود : لمى والبنات
استوعبت رعد ، خذو البنات قهواتهم وراحت نجود تعطي جود قهوتها ، دخلت الغرفه وناظرت جود فيها وابتسمت : يا عمري ما كان خذيتي لي
نجود وهي تجلس جنبها : عادي يشيخه ترانا خوات واليوم يومك استانسي
ضحكت جود وهي تاخذ القهوة وتشرب على مهلها ، سولفت نجود شوي مع اختها وطلعت ، جلست تفرفر بالقاعه وتصور لـ صديقتها ميعاد بعيد عن الحريم وتفتح باب ورا باب فجأة تشوف نفسها بمكان غريب قفلت التصوير وناظرت تستكشف المكان كان جميل بس ما تتذكر انها جات هنا من قبل ، جاتها ام الركب لما سمعت اصوات رجل بالمجلس وانفتح الباب .. طلع من عند الباب ولد وسيم جلست تناظر فيه وتسأل نفسها بـ همس : من ذا ؟
نطق الرجل : نعم اختي ؟ شجابك هنا ؟
انخرعت واستوعبت ان مافي شي يسترها ، ملامحها تغيرت ، اول شي سوته وبدون سابق إنذار حطت رجلها توها تستوعبت انها راحت لمجلس الرجال ، وقفت عند مجلس الحريم تتنفس بسرعه من الخوف ، خذت شهيق وزفير وهي تدخل وتسوي نفسها طبيعيه ، راحت عند البنات وجلست
عهود : وين كنتي ؟
نجود : ها ؟ ، عند جود
اخذت نجود جوالها تفتحه تشوف الساعه الا هي " 8:00 " باقي على الزفة 4 ساعات
- تسريع الاحداث -
كانت جود تودع اهلها وتحضنهم ، دخلت السياره وارسلت بوسه وابتسمت
ام حاتم : الله يحفظك يا بنتي

-
" بيـت الجـدة زهـرة "
لبست نجود ملابس مريحه ، جاء حاتم وقال : بنت بطلب من ماك تطلبين معي ؟
نجود : ايه خذ لي ....
سمعتهم لمى ونزلت لغرفة فهد : فهد فهدد
فهد : نعم ؟
لمى : حاتم ونجود بيطلبون من ماك !
فهد : طيب والمطلوب ؟
لمى : ياخي بالعرس ما اكلت زين
فهد : سلامات ليه ؟
لمى : يا اخوي ماخذها تحقيق انت ؟ افتح جوالك خلنا نطلب
فهد : عندك فلوس ؟
غمزت لمى : الحين اجيبها بطريقتي
طلعت لمى من غرفة فهد وما سكرت الباب
فهد : الباااب !
طنشته وطلعت لـ غرفة نجود
لمى : سمعت انكم بتطلبون ؟
ناظرت نجود فيها : بسم الله ، طلبنا
لمى : ما ابي اطلب معكم بس تبيني اقعد جوعانه ؟
فهمت نجود وتنهدت وعطتها حق وجبه وحده
لمى : فهد بيطلب كمان
زودتها فلوس وراحت لمى لـ غرفة فهد ركض ، دخلت وكان الباب مفتوح
فهد : البا ...
ما كمل كلامه ونطق
فهد : من وين جبتينها ؟
غمزت لمى : اختي عطتني

-
الكل اكل وجبته ونامو ....