عسـى نهاية أشواقي في حُضـنك

Part 40

لانا استغربت : ايوه
نجود : يابنات لقيت بنت عمي
انصدموا البنات
طيف : كيف ؟
نجود : قلت لكم تشبهه هاشم زوجي
لانا بتعجب : هاشم !!
نجود : ايه
لانا : انتي زوجة اخوي ؟
نجود : ايه الحين بسألك كيف جيتي هنا و وش صار لك بالضبط ؟!
قاطعهم صوت الشايب يطق الباب بغضب : لانا افتحي بتندمين !!
قاموا البنات وسحبت نجود لانا معها وحاولوا يطلعون
لانا : هنا في مكان صغير بيطلعكم لبرا انتبهوا لا يشوفكم
نجود : حبيبتي بتجين معنا !
سحبتها واخذت لانا عبايتها وطلعوا وحده ورا وحده واخرتهم طيف وركضوا للسيارة وركبت نجود هالمره ورا وجلست بجنبها لانا وكانت مرعوبه جداً بهذي اللحظه لكن كانت بنفس الوقت مبسوطه وحركت ندى بسرعه متجهين لشقة نغم
ودقت نجود على نغم : هلا نجود
نجود : نغم مره محتاجين فزعتك
وقفت نغم : ابشروا بي وش السالفه !!
نجود : بنعلمك بس الحين جايين لك الشقه
نغم : والله البيت بيتكم
نجود : كفو
نعم : كفوك الطيب !
-
" بـعـد مـدة طـويـلـة "
وصلوا البنات لشقة نغم ودخلتهم واستغربت من البنت الي معهم وحست السالفه قويه !
جلسوا بالصاله وضيفتهم وحاولوا يفهمون السالفه من لانا : وانا صغيرة حالي حال نفسي طلعنا أنا وابوي وامي وهاشم اخوي للسوق وحنا بالمول رحنا أنا وهاشم لمحل وكان عاجبنا ودخلنا وسحبنا على امي وابوي وشفت شخص كبير وكان معه حلاوه وقالي أجيه كان يشبه خالي وكنت اظنه هو بس وش جابه ؟
سحبني معه وكنت اسأله وين رايحين ويقول بنروح لمحل الحلويات ناخذ لك حلويات كثيره وانا كنت مهووسه حلويات وفجأة طلعنا من المول وركبتي سيارته واغمى علي وصحيت وانا بهذاك البيت الكبير كان بيته ماعنده احد وزوجته متوفيه عشت سنين هناك وعذبني اخس عذاب وما كنت اكل ودايم يضربني استغرب دايم ليه يسوي لي كذا ؟ يوم كبرت طلعت اشبه زوجته الي خانته وماتت قريب وما كان مسامحها وانا كنت اشبه زوجته على حسب كلامه ومرات يناديني حتى بأسمها كنت أعيش برعب ودايم اسمع أصوات وكوابيس وكل أحلامي فيه وهو يعتذر !! الحمدلله قرر اليوم يطلعني هو منفصم ومرات يصير حليل معي ويتخيلني زوجته قبل تخونه !! ما ادري شفيه ذا بس وقتها رحنا مطعم وشفت هذي زوجة اخوي هاشم " واشرت على نجود " وسألتني يوم قام إذا كنت خايفه من شي و واضح وقتها ركزت فيني الحمدلله يارب !! وقتها بفضل الله ثم هم لحقونا للبيت وساعدوني
ندى : ابلغ عليه ؟
نجود : ما بلغتي !!
بلغت ندى عنه وأعطتهم معلوماته من لانا
طيف : لانا عطينا معلوماتك
لانا : اسمي لانا بنت عبدالله بن حميدان ال***** عمري 25
سكتو شوي وسألت لانا نجود : شسمك
نجود : أنا ؟ اسمي نجود
بعد صمت تذكرت نجود سالفه
نجود : لانا مره شفت اسمك بجامعة **** كنتي تدرسين هناك ؟
لانا : لا بس تعرفت على صديقة تدرس بذي الجامعة بالجوال وكانت لنا ذكريات ومرات اهرب للجامعة عندها
نجود : لا أنا لقيت شهادة ميلادك
انرعبت لانا : وش تسوي شهادة ميلادي هناك ؟
نجود : لا مدري يمكن مو حقك يمكن وحده تشبه اسمك
دقايق ودق هاشم على نجود
لفّت لانا بشوق : هذا اخوي هاشم ؟
نجود : ايه
لانا : بكلمه عادي ؟
نجود : عادي
ردت نجود : هلا
هاشم بغضب : وينك يا بنت ؟!
نجود : شدخلك ؟
كملت عشان ما يعصب عليها : امزح امزح ! عند البنات
هاشم : ارسلي الموقع بجيك !
نجود : طيب متى صحيت انت ؟
هاشم : توني
نجود : طيب اسمع
هاشم : لبيه
نجود : خذ لانا
هاشم : لانا ؟
أعطت نجود الجوال لانا
لانا بشوق : هشوميي
هاشم تذكر يوم كانت تناديه بهشومي وتذكر صوتها : لانا !!
لانا بفرح : ايه لانااا
عدل جلسته : وينك انتِ وين اختفيتي 21 سنه ؟!
لانا : وربي ياخوي ما ادري وش اقولك !!
اخذت نجود جوالها يوم لانا صاحت وحضنتها : هاشم برسلك الموقع تعال
هاشم : تمام تمام بسرعه
نزل هاشم ركض وركب سيارته وهو يحرك ورسلت له نجود الموقع
-
" بـعـد مـدة "
وصل هاشم ودق على نجود
هاشم : انتظركم تحت
نزلت نجود ومعها لانا ويوم شافها هاشم حضنها بقوه
صاحت لانا مره ثانيه وهي مو قادره اشتاقت له كثير !
ركبوا السيارة كلهم ومسحت لانا دموعها وكان هاشم ماشي بطريق ماتعرفه نجود
نجود : هاشم وين رايح ؟
مارد عليها وهو يكمل طريقة
ويوم وصلوا عرفت نجود انه بيتهم الجديد
هاشم : هالبيت بيتنا ولانا اختي بتعيش معنا وانا خلصت تأثيث البيت من قبل وحتى أغراض المطبخ والأغراض كلها جاهزه كنت ناوي اخليها مفاجأة
استانسوا لانا ونجود وكان البيت كبير ويكفي كثير
هاشم : بس قبل كل شي
لفّوا البنات عليه
نجود : وشو ؟
هاشم : برجع الفندق بجيب أغراضنا وبنفس الوقت بنروح أنا ولانا نجيب أغراض لها
نجود : خلاص تمام
نزلت نجود للبيت وعطاها المفتاح وراح مع لانا لوحدهم وهو يبي يكلمها ويفهم منها السالفه وليه اختفت 21 سنه !!
يوم ركبوا تكلمت لانا على طول وفهمته السالفه
هاشم : بلغتوا عليه ؟
لانا : ايوه
-
رجعوا البيت بعدما اخذت أغراض ناقصتها
هاشم : من اليوم بتعيشين واعتبري نجود اختك
لانا : الله يخليكم لي
دخلت وحضنت نجود الي سوت لهم عشاء
نجود وهي تحضنها : حبيبتي انتِ
رفع هاشم حاجبه وهو ورا لانا وحاط يدينه بجيوبه
أبعدت نجود : اقلطوا العشاء جاهز
جلسوا وتعشوا
-
" بـعـد يـومـيـن "
كانوا البنات جالسين مع بعض ويسولفون وساحبين على هاشم الي جالس قدامهم وعلى جواله
قامت نجود : وش تشربين
لانا : اجلسي ماني ضيفه إذا بغيت شي قمت
نجود : لا والله دامني قمت بجيب لك
راحت المطبخ وهي تصب عصير وتحسب حساب هاشم
رجعت وهي تعطي هاشم ولانا
جلست نجود : تعرفين تلعبين كوره ؟
لانا : مدري
نجود : خلاص شوي ونلعب وأعلمك
-
" الـيـوم الـثـانـي "
كانت نجود وقتها داقه تسولف مع وعد وعلمتها عن كل شي وسالفة لانا وانصدمت وعد ان عندها اخت كبيرة مخطوفة !
وعد : متى بتجون ؟
نجود : ما ادري يمكن ما بنجي بالإجازة
وما تدري نجود ان كان هاشم يبي يفاجئ اهله ولا علمته اساسا
-
" بـعـد ثـلاث سـنـيـن "
تخرجت بهالوقت بطلتنا نجود وكان وقت السفر يرجعون لبلدهم ولأهلهم ودقت على طول على وعد وعلمتها وباركت لها و وعد علمت اهلها وكانوا بيسوون مفاجأة وحفلة لتخرج نجود و حفلة ل رجوع لانا
-
" بـعـد سـاعـات طـويـلـة "
نزلوا كلهم من السيارة وقبلها بشوي نجود كلمت وعد وقالت لها انها وصلوا
طقوا الباب وفتحت وعد والابتسامه شاقة وجهها دخلوا ويوم دخلت لانا حضنتها وعد بقوة : لانا !!
هاشم استغرب كيف عرفت ؟ وما درى ان السبب الرئيسي نجود !
دخلوا داخل وانصدم هاشم للمرة الثانيه وهالمره بقوة لأنهم مسويين حفلة وحاطيين كيكتين كبار الأولى لتخرج والثانيه لرجعة !
وكلهم يحضنون لانا وكأنهم يعرفون عن السالفة وهو مخبيها
حضنت نجود ولد اختها ( نايف )
نجود ضحكت : عيوني انت يا حبيب خالتوو
شغلوا الأغاني وقاموا يرقصون ولبست نجود روب التخرج وكانت ترقص مع لانا وبدل الفرحة فرحتين
قلطوا الكل ورقصوا معهم حتى الجدة وشوي وجلسوا كلهم
والتفتت نجود لهاشم وهي تضحك ومسكته وتبدا ترقص معه والكل يزغرط ويوم اشتغلت اغاني هز جابت نجود طرحتها وربطتها بخصر هاشم ودخلوا اخوانها وقلطوا مع هاشم الي بدأ يهز والجدة والكل يضحكون ربطت نجود طرحة اختها جود على خصرها وهي تهز مع هاشم وتحمسوا اخوان نجود وهم يهزون معهم
جلست نجود جنب رزان وهي تسولف معها ومع لمى والبنات
رزان : أبشرك نوننيي !!
نجود : وشوو
رزان : مشعل خطبننيي قبل أسبوعين وزواجنا يوم اكمل ال ٢٠
نجود : يحياتييي مبرووك بدل الفرحتين ثلاث فرحات !!