عسـى نهاية أشواقي في حُضـنك

Part 31

دلال : مالكم غير اسبوع ، ما شفتو شي
نجود : بنات بعيد عن كل شي ، ودي اعرف وشو بالدور الأخير
ناظرت دلال بـ نجود ومن ثم بـ ندى : اتوقع عرفتي قصدها ؟
ندى : بنات امسحو هالفكره من راسكم ، حرام عليكم البنات توهم جايين لا ينصرعون من الجامعه
ساره : عادي ترا بنطلع وبنتصور مع الجن وننزل ؟
دلال طقت ساره : في صغار هنا !
لفّت ساره على طيف : هالبزره مو خوافه زي ندى
ندى : والله يا حبايبي انا خايفه على نفسي
نغم : بنات بتطلعون ؟
ساره : شوفي ندى
نجود : بنات وش بيصير لو طلعنا حنا الخمس
دلال : ما تخافون ؟
نجود : وش يخوف ؟ الجني ما بياكلني
ندى : حسستوني ان شي طبيعي تتكلمون عن الجن !
ساره : عادي بالاخير ما رح نشوفهم
دلال بضحكه : يا جني لو انك رجال قفل اللمبه
ندى : يا بزران تراكم سخيفين !!
نغم : بنات والله خلاص بديت اخاف ..
جات طيف بتتكلم ، وانطفت الكهرباء
عمّ الصمت لدقايق
طيف بهدوء : شسالفه بنات ؟
تلصقت نغم بـ نجود من الخوف
قامو البنات مع بعض ونجود ماسكه نغم
الي شوي وتصيح ، طلعو من الغرفه وهم يشوفون البنات يركضون لـ تحت ، وركضو معهم ..
نزلو تحت وهم يشوفون البنات كلهم متجمعين برا وجلسو معهم
ندى : قلت لكم امسكو لسانكم ما طرى سالفة الجن الا الحين !؟
دلال : ندى مو وقتك تكفين اسكتي بستوعب شصار ..
( بينما البنات منهم خايفين ومنهم مو مستوعبين )
ضحكت نجود على اشكالهم : شفيكم !
نغم صفقت نجود : انكتمي
ندى : بنات لا يكون صدق الجني طفى الكهرب ؟
ضحكت ساره : منجدك انتِ ؟
قامت نجود : أنا بدخل داخل ابو جوكم البيض ذا
مسكتها دلال و وقفت : وانا معك
وقفت ساره : بروح معكم
مسكتهم طيف وهي توقف : خير بتخلوني بين الخوافين ذول ؟
ندى : لو سمحتي لا تغلطين ، في فرق بين الخايف والمرعوب
نغم : صبر في فرق بينهم ؟
ضحكت طيف : اقول ذي الكبيره هبله
قامت وهي تلحق البنات ..
-
" داخـل "
دخلو البنات مع انهم محذرينهم لا يدخلون
دلال : والله يابنات جاتني فكره
نجود ، ساره ، طيف : وشو ؟ ، شعندك ..
دلال : اتوقع داخلين عالفاضي ، إذا خرجنا بنتهزئ طبعاً .. اجل شرايكم نطلع فوق ؟
طيف : وين بالضبط
دلال : الدور الأخير
نجود : طيب ترا ما معنا شي يحمينا
دلال : ما يخالف ما نبغى شي .. الحين اهم شي جوالاتكم معكم ؟
نجود ، ساره ، طيف : ايه ..
ومشو البنات ..
-
" عـنـد نـغـم ونـدى "
نغم : يمكن اروح معهم
ندى : لا ياشيخه اجلسي مانيب جالسه لحالي ترا
نغم : شسوي اجل
ندى : نلعب غميضه ؟
نغم : بزره أنتِ ؟
ندى : ايه
نغم : الطفش لعب فيك
-
" عـنـد البـنـات "
وصلو للدور الأخير و ولعو الكشافات من جوالاتهم وكانو ماشيين بهدوء وسمعو صوت ..
ساره : وش ذا
مشت طيف لمصدر الصوت و وراها دلال
طيف : في احد هنا ؟