عسـى نهاية أشواقي في حُضـنك

Part 21

" بـالـصـالـة "
حاتم : ترا يا جدة طلع ولد الجيران الي نقلو هنا قبل كم اسبوع
الجدة : اجل عشاه الليله عندنا !
مشاري : جدتي إذا حطت في راسها شي لازم تسويه
الجدة : روح روح يا وليدي مشاري انت واحمد لبيت جارتنا وقولها ان العشاء عندنا حياها الله هي وعيالها !
احمد : اويلي يا يمه فوق ما ان البيت مليان زيادة علينا هم ؟
ابو هاشم : احمد رح وبلا كثرة كلام
احمد : لعيون امي
سحبه مشاري وجو بيطلعون وجو البزارين
سهم : بنروح معكم !
رهف : صح يمكن عندهم حلويات ؟
مهند : اي حلويات كثيره !
احمد : لا اهجدو مافي حلويات رايحين مكان ثاني
سيف ببكاء متصنع : جدة شوفي احمد ما يبينا نروح معه !
الجدة : احمد شيلهم معك
احمد : يمه ترا بيتهم جنبنا مو بعيد ؟
الجدة : ما يخالف شيلهم وعدّي من البقاله
نجود وهي نازله : مشاري خذ لي تاكيز !
مشاري : بيلعب ببطنك
نجود : لا ما عليك خذ لي وانت ساكت
مشاري : ابشري
ومباشرة اول ما طلعو احمد ومشاري ومعهم البزارين طلعت رزان لغرفتها وهي مخططه تسوي له هديه ..
-
" بـ غـــرفــة رزان "
قفلت الباب وهي تفتح قوقل وتاخذ اقلام ملونه و ورقه وتكتب بخط يدها .. طوّت الورقه وتذكرت ان عندها ظرف ابيض أخذته وزينته وزينت الورقه ولصقتهم حطتهم على جنب وهي ترسم باتمان على اساس انه " مـشـعل " لونته وكتبت فوق اسمه وتوقيعها ، وجابت صندوق صغير شوي وهي تفضّيه وتحط فيه الرسمه والظرف حطته على جنب وراحت تجيب سناك خفيف من درّج السعاده حقها ..
-
" عـــنـد نـجــود "
دخلت غرفتها وشافتها مقلوبه تحت فوق من الصغار
نجود : انا اوريكم !
رفعت أكمامها وبدت تنظف وما انتهت من السرير طاحت سلة صغيره منها اوراق ، حطت الي في يدها وهي تجلس وتشيل الأوراق وكانت تقراهم ، انصدمت يوم تذكرت ان ذي الرسايل رسايل هاشم من هم صغار .. جات بتفتح ورقه وتقراها بس دخلت رعد ، رمت الأوراق بسرعه وراها
نجود : خير ؟
رعد : جدتي قالت أنا وانتِ علينا صالة الحريم والرجال تعالي ساعديني
نجود : شايفتني ارتب غرفتي صح ؟
رعد : محد بيدخل غرفتك رتبيها بعدين الحين تعالي ساعديني
نجود : خلاص الحين اجي
مسكتها رعد من يدها وسحبتها برا الغرفه
نجود : شفيك انتِ ؟
رعد : ترا مو وقتك ساعتين وهم جايين
قفلت نجود باب غرفتها ونزلو
نجود : البنات وين ؟
رعد : وعد وعهود عليهم الطبخ وامي والحريم يتجهزون وعلينا حنا البيت
مسكتها نجود : تمام تعالي ننظف صالة الحريم اول
رعد : لا جدتي قالت صالة الرجال عشان العيال بيجلسون فيهم لا جو
-
" بـالمطـــبخ "
دخل احمد وحط الاغراض
احمد : شتسوون ؟
عهود : مالك دخل شتبي ؟
احمد : ما كلمتك اكلم بنت اخوي !
ضحكت وعد وهي تغير السالفه : الحين احمد متى ناوي تتزوج ؟
احمد : قاعد على كبدك أنا ؟
وعد : لا بس اقصد انك بتدخل الأربعينات وباقي ما تزوجت
احمد : بكمل عمري وما ابغى افكر بالزواج
جلس عالطاولة وأخذ عصيره يشربه
ضحكت وعد : لا تزوجت بنتك سميها عشق عشان تصير عشق احمد
عهود : تبغين ذا البزر يتزوج وهو جالس على الطاولة ؟
وعد : عمو احترم عمرك وانزل