عسـى نهاية أشواقي في حُضـنك

Part 16

الفـجـر السـاعـة : 5:40 "
قامت نجود غصب عشان تجهّز لمى وفهد ، سوّت الفطور لهم وشافت وعد والبنات صاحيين
نجود : وش مصحييكم انتو ؟
وعد : يمه نجود شفيه وجهك مفقع
نجود : ياخي نمت الساعه 4 ومعي صداع
وعد : سهرانه ؟
نجود : اي
وعد : خلاص ارجعي نامي وانا اسوي الفطور لأخوانك
نجود : كفو انقذتيني !
وعد : بس اصبري
نجود : وشو ؟
وعد : روحي قومي هاشم يوصلهم
نجود : تمام
قامت نجود واتجهت لغرفته ، طقت الباب ثلاث مرات بس ما فتح
نجود : ترا بدخل ؟
ثواني ودخلت لغرفته ، وكانت جدًا بارده والنور مطفّي ، شغلت النور وقفلت المكيف
نجود : قوم يلا !
هاشم : 5 دقايق ..
طقته من راسه : قوم يا ورع
قام مفجوع : شتبين انتِ ؟
نجود : يا اخوي قوم اليوم الاحد دوام ؟
فتح جواله وشاف الساعه : توه بدري بس 5 د ..
نجود : قوم مضيع بيني وبين وعد !
قام بسرعه : وعد أهون منك
راح هاشم برا الغرفة ونسى جواله ، ناظرت نجود بـ جواله بعد ما أصدر اصوات اشعارات ورا بعض ..
نجود : والله لو انه مشهور
مسكت جواله وشافت اسم المرسل
نجود : سديم !
ما كانت تقدر تفتح جواله لأن كان حاط رمز قفل
نجود : سديم اجل يا هاشم !
حطت الجوال ورجع هاشم لغرفته عشان ياخذ ملابسه
هاشم : ليه باقي جالسه هنا ؟
ما ردت عليه وهي تناظر فيه بنظرات غريبه ، استغرب منها
هاشم : واضح وجهك مفقع شكلك ما نمتي
قامت نجود نهاية كلامه وهي تطلع غرفتها بدون اي كلام ، قفلت الباب وهي تنسدح على فراشها وتفكر بالموضوع ، من تكون سديم ؟
ما فكرت كثير وقفلت النور ونامت ..
-
" السـاعـة 12:30 "
جلست لمى مع البنات وتأخر حاتم عليهم
لمى : وجع شوفو استاذه خديجة مقلبه وجهها ؟
رزان : ما الومها شوفينا اخر ناس بالمدرسه
ضحكت غيم : تشبه ذاك الي بالكرتون
لمى : مو وقت تشبيهاتك
ديم : ابي البقاله
رزان : الحين ديم شجابك ارجعي مدرستك
ديم : بسحب عليكم وبروح
لمى : البقاله مقفله
ديم : لا
رزان : اجل يا بطله الحين كيف تمشين وتروحين بدون ما تشوفك الاستاذه ؟
ديم : ابد ازهلوني
-
قامت نجود وشافت الساعه ورجعت تنسدح ، دقايق وقامت وغسلت وجهها واستغربت من الهدوء ولا ذا الوقت اذا كانت نايمه يصحونها البنات ، نزلت تحت وشافتهم حاطيين الغداء
الجدة : نجود يا بنتي تعالي تغدي
نجود : جدة لمى والبنات وينهم ؟
مشاري : توه احمد راح لهم