عسـى نهاية أشواقي في حُضـنك

Part 33

كملت بحماس : ونشغل فلم رعب ونسوي حفلة البجايم ونسوي اكل مع بعض ..
ضحكت دلال : ونسوي ميكب ل بعض
قامت طيف : الحين ؟
نغم : ايه
ندى : في مكان لنا ؟ لأننا كثار
نجود : ما عليك في غرف بنفتحها لكم ، بس الحين بنروح أنا ونغم نرتب الشقه
طيف : نجي نرتب معكم ؟
دلال : لا طيف زودتيها
نجود : لا عادي استريحوا
-
" شـقـة نـغـم ونـجـود "
كانو يرتبون وبنفس الوقت يسولفون ، ويخططون لـ الليله ، رتبو المكان ، وطلعو للسوبر ماركت الي جنبهم ، ولما وصلو نزلو وطلعت نجود جوالها وهي ترد على جدتها ..
ابتسمت نجود : هلا يا جده كيفك اخبارك ..
راحت نغم وهي تدخل وتدور على الأشياء الي يحتاجونها ، كتبوها بـ ورقه ..
-
" عـنـد نـجـود "
الجدة : هلا يا بنتي ، الحمدلله بخير ، كيفك انتِ وكيف الوضع عندك
نجود : الحمدلله يا جدة ، الوضع زين ، اخبارك واخبار امي وابوي واخواني وخواتي .. مشاري وفهد قالولي بيدقون علي كل يوم .. عز الله مرّ شهر ولا دقو علي ؟
ضحكت الجدة : ذول هم يتهاوشون قدامي
ضحكت نجود ..
كملت الجدة : داقه عليك ابيك بموضوع
نجود : أمري زهوره ؟
الجدة : اتوقع الموضوع افضل وجه لـ وجه
نجود : جدتي شسالفه ؟
الجدة : تعالي البيت بنعلمك
نجود : تعلموني ؟ جدة كيف ؟ .. تراني مو بالسعوديه
الجدة : ادري ماني غبيه .. تعالي
نجود : ان شاء الله
قفلت نجود وهي تدق على وعد ..
-
" بـالسـوبـر مـاركـت "
كانت ماشيه وعينها عالورقه .. وفجأه حسّت انها صدمت جدار ، طاحت شنطتها والورقه .. قامت بسرعه وهي تناظر بـ الي صدمته بأحراج
نغم : اسفه ما انتبهت ..
ناظر فيها .. وتلاقت أعينهم ، بذيك اللحظه عرفته من عيونه وصفقته كف : ما تشوف انت ؟ اعمى ؟
ضحك من تغيرت نبرتها : لو اني رجال ثاني كان قلتي كذا ؟
-
" عـنـد نـجـود "
نجود : يا بنت متأكده مافي شي ؟ لأن توها جدتي داقه علي تبيني بموضوع مهم
وعد : طيب تعالي يمكن تبيك بموضوع مره مهم ولازم تسوينه .. وعاد انتِ ما وراك شي
نجود : يا بنت كيف اجي ؟ الطياره تقعد 14 ساعه ، اجل لو أجيكم بسياره ؟
ضحكت وعد : بتقعدين اسبوع على ما تجين
نجود : ابد مو وقتك ترا ، يا خوفي اجي ويطلع الموضوع تافهه !
وعد : الحين شفيك ؟ عادي أصلاً تعالي اشتقنا لك
نجود : تعب يا شيخه
-
" السـوبر مـاركـت "
ضحكت من كلامه : يمكن ؟
عصب بس ابتسم وهو يناظر بـ شفايفها وهي ابتسمت يوم شافته ابتسم ..
قاطعه خويه " محمد " وهو يسحبه
راكان : وجع خلنا نتأمل شوي !
سمعته نغم وابتسمت بخجل وهي تسحب نفسها وناظرت بـ نجود وراحت لها بسرعه ..
محمد : انت خوفتها ؟ الا من ذي ؟
راكان : تتكلم عنها بدعسك !
ضحك محمد : يالغيور !
-
" عـنـد نـجـود ونـغـم "
نجود : تخيلي ، دقت علي جدتي تبيني بموضوع مهم لدرجه تبيني ارجع السعوديه
نغم : منجدك ؟
نجود : اي والله
نغم : وانتِ وش قررتي ؟ بتروحين ؟
نجود : ما ادري يمكن
نغم : بروح معك
نجود : والبنات ؟
نغم : بعدين يرجعون السكن عادي ، المهم متى رايحه ؟
نجود : بفكر بعدين ، بس طبعاً مو اليوم ولا بكره !
نغم : مو كيفك ؟ تخيلي لو موضوع مهم ، وانتِ سحبتي عليها