عسـى نهاية أشواقي في حُضـنك

Part 6

اخذت رعد اربع بخاخات : وشذا كله
وعد : يستاهلون
رعد : وكلامك ؟
وعد : كلامي ؟
وعد : ان العيال راحو
ضحكت وعد وجات عهود على اصواتهم : خلصتو ؟
وعد : اي جبنا كل شي
عهود : طيب ونجود وينها ؟
وعد : تعبانه فوق
عهود : لا ناديها
رعد : بروح اناديها
حطت رعد الاغراض وطلعت فوق فتحت باب غرفة نجود
نجود وهي على بالها وعد : في شي اسمه استئذ ..
قاطعتها رعد : تعالي بسرعه
حطت نجود جوالها : شفيه ؟
رعد وهي تمثل التوتر : بسرعه !
نزلت نجود سريع سابقه رعد الي وراها ، شافت عهود و وعد واقفين وبيدهم الاغراض ، التفتت وراها وشافت رعد تضحك وفهمت السالفه
عهود : وينك ؟
ما ردت نجود وهي كانت تبي تطلع فوق و وقفتها رعد : تكفين بس ناخذ حقنا وسوي اي شي تبينه لو تسحبين علينا
نجود : حركات بزارين ، بعدي
وعد : نجود شفيك ؟ هيا بس مهمه صغيره
فكرت شوي نجود بكلامهم وبدأو البنات يقنعونها ، وافقت وطلعو كلهم فوق
عهود : اسمعي رعد شوفيهم باقي موجودين
ناظرت رعد شوي شوي على باب الحوش والتفتت للبنات وهزت راسها : yes
عهود : تكلمي زين
ضحكت رعد ، وكملت عهود كلامها : الحين بنات ندخل سريع ونرش عليهم تمام ؟
نجود : انا بدرعم قبلكم
وعد : لا اصبري مع بعض
عهود : ١ - ٢ - ٣ ...
وما ان انتهت عهود من العد هجموا البنات على العيال ، وبحكم ان البخاخات ملونه ثيابهم تعدمت ، وبغير قصد مسك هاشم يد نجود على باله وعد واخذ البخاخ يبخ عليها , انصدمت نجود واعطته وحده ببطنه واخذت البخاخ تبخ عليه
نجود : تلمسني وتبخني انا بنت محمد !
هاشم : يا بنت محمد هدي عليها بالغلط ؟
تهاوشو نجود وهاشم من بعدها الطرفين يكرهون بعض ، هاشم حلل شخصية نجود والي في باله انها عصبيه وتحب الهواش وبارده ، اما نجود شخصية هاشم بنظرها انه ضعيف وقاسي ، مرّت الايام وكانت جود تزور بيت الجدة ما بين فتره وفتره بعد شهر العسل
وبيوم كانو البنات بالغرفه يسولفون من الطفش
وعد : من بعد زواج اختك جود البيت صار هادي
نجود : جود شخصيتها مو بذيك العفويه لدرجه تغير لنا جو
عهود : بـ وجهة نظري دايم نتهاوش مع العيال ما صار لهم حس
رعد : ودي اطلع
عهود : اذا بتطلعين القبيله بتطلع معك
نجود : ما دريتو ؟
البنات : وش ؟
نجود : جدتـ ....
ما كملت كلامها ودخلت لمى : نجود
نجود : نعم ؟
لمى : كلمي جدتي
نجود : تمام
كانت نجود بتكمل وقاطعتها لمى وهي باقي واقفه عند الباب تناظر نجود : بسرعه تبيك بموضوع مهم !
نجود : خلاص طيب شفيك ؟
نزلت نجود و وراها لمى وشافت الجدة بالصاله ومعها هاشم ، سحبت نجود طرحتها وهي تتغطى وتدخل ودخلت معها لمى
الجدة زهرة : لمى يا بنتي روحي شوي ابيهم بـ شي
لمى : ايش السالفه عني ؟
الجدة زهرة : لا ...
نجود : ما تسمعين انتِ ؟ قالت روحي يعني روحي
لمى : ان شاء الله !
طلعت لمى ومسكت الجدة يد نجود ويدها الثانيه ماسكه يد هاشم : جمعتكم وابيكم بموضوع وقولو لي تم
نجود : على حسب السالفه
جلست الجدة : اجلسو حبايبي