عسـى نهاية أشواقي في حُضـنك

Part 8

طلعت لمى : يالبزارين يلا العشاء جاهز
رعد : محد بزر غيرك
عهود : نجود بتاكلين ؟
نجود : اي طبعًا بطني اهم من الورع
وعد : ما ارضى تقولين كذا على اخوي
ضحكت نجود : من زين اخوك !
نزلو البنات يساعدون امهاتهم
الجدة : نجود بنتي روحي اعطي هاشم الصحن ، تلاقينه بصالة الرجال
ناظرت نجود بـ الجدة وكانت بتقول لا ، ناظرت فيها عهود بهمس : روحي يلا عشان تصفقينه
نجود : ياليل
اخذت نجود الصحن وهي تتجهه لباب صالة الرجال
حطت طرحتها على راسها وطقت الباب ، فتح الباب هاشم
وناظرت نجود فيه : خذ ولا تفكر بشي ثاني جدتي طلبت مني اجيبه على فكره !
طلع هاشم من جيبه 500 وهو يمد يده : وعلى فكره جدتي عطتني اعطيك وخلتها امانه ولا كان خذيتها
اخذت الـ 500 وتبادلو النظرات ، نظراتهم فيها حقد
مسك هاشم الصحن وجاء بياخذه بس كانت ماسكته بقوه
هاشم : فيك شي انتِ ؟
فكت الصحن وكشت عليه وراحت
ناظر فيها الى ما راحت وضحك من تصرفاتها ، دخل وقفل الباب وراه ..
-
دخلت نجود وشافت الجدة تنتظرها
الجدة : ها حبيبتي ايش صار ؟
نجود : ما صار شي
الجدة : ما اعطاك شي ؟
نجود بكذب : لا
راحو وحطو الاكل واكلو ..
-
" بالليل - 12:00 "
بذا الوقت كل العائله والافراد نايمين ، الا نجود كانت جالسه بسريرها تفكر بكلام جدتها ، تشوف بنظرها انها صغيره على الزواج ، بس بنظرة ثانيه هي تتابع مسلسلات ومتأثره جدًا فيهم ، تتخيل ان بعد زواجهم تصير مواقف حلوه ويحبها ويسوي لها كل طلباتها وما يقول لها " لا " ، ضحكت وطلعت من غرفتها نازله المطبخ وتحديدًا على مخباها السري ، فتحت الدولاب وهي تاخذ انواع الشبسات والحلويات والخ ..
طلعت للحوش وحطت الاغراض عشان تجيب الدفعه الثانيه ، نزلت لغرفتها واخذت اللابتوب وبطانيتها ومخدتها وفرشه صغيره تكفيها ، لما تطفش وتفكر كثير او ما يجي لها نوم تسوي ذي الحركه دائمًا ، طلعت واستغربت يوم شافت الاغراض ناقصه
نجود : مين الي اخذها ؟
قامت تدور بالحوش وما لقت احد ، اول واحد جاء في بالها هو " هاشم " ، نزلت غرفته وحطت الطرحه على راسها وحتى ما انتظرت تدق الباب هي شخص ما تحب تشارك اغراضها ، فتحته وانصدمت يوم شافته قدام وجهها ، رجعت لـ ورا شوي
نجود : انت الحرامي الي اخذت اغراضي ، صح ؟
هاشم : يا بنت الناس شفيك علي ؟ من طرت جدتي فكرة الزواج وانتِ حاقده علي !
نجود بكذب : شفتك يوم سرقت
دخلها هاشم وقفل الباب
هاشم : عندك اي دليل ؟
نجود : افتح الباب ولا وربي اهبدك !
تبادلو النظرات لدقايق ، لاحظ هاشم كثافة رموشها وعيونها العسليه ..
ضحك هاشم : ماني قليل ادب بس حبيت انبهك ، جدتي ما بتاخذ رأيك وبعد بكرا خطبتنا
نجود : فوق ما انك حرامي طلعت كذاب !
هاشم : الفاظك لو سمحتي
اتجهه للباب يفتحه : قفلته عشان اخوفك لا اكثر
ناظرت نجود نظره اخيره على غرفته وطلعت ، قفل الباب وبدا يغني بحب ..
" عيـونـك .. عيـونـك أخـرّ امـالـي ، ولـيلـي اطـول مـن اليّـم ، كـيف القـى كـلامً عـذّب ، يوصـف دافـي أحسَـاسي ؟ "
-
كانت ورا الباب تتسمع بدون يدري وابتسمت لا اردايًا ويوم سمعت الباب بيفتح هربت جري لغرفتها ..
-
فتح الباب واستغرب يوم شاف شخص يركض ، رجع داخل وهو يضحك : لو تدري ان حلوياتها عندي !
شغل الفلم وهو يكمل ويفتح حلاوه ورا حلاوه ..
-
" بعـد يـوميـن "
الكل بالصاله من بنات ، وعيال ، وحريم ، ورجال
الجدة : اليوم جمعتكم لسبب مهم
احمد : وش هو ؟
الجدة : اليوم ان شاء الله يوم مميز
احمد : وليه كذا فجأة ؟
الجدة : مو فجأة ، لو ما كان في سبب ليه جمعتكم ؟
الكل : وش السبب ؟
ناظرت الجدة بـ نجود وبعدين هاشم ، والي لاحظته ان نجود وهاشم مره هاديين على غير العاده ..
ابتسمت الجدة : اليوم في ملكة، ملكة احفادي
لمى بهمس لـ نجود : اذا انتِ العروس بفرح كثير !
نجود : ما رح استغرب منك ، شفت فرحتك بـ زواج جود
لمى بكذب : حرام عليك هذا يسمى سوء ظن ، طبعًا لأني اخت العروس لازم افرح بزواج اختي ! مو ابي الفكه منها
نجود : ايه واضح ، والابتسامه الي واصله لأذنك ؟
ضحكت لمى : خلاص اسكتي
وعد : جدة ومين الي الليلة ملكتهم ؟