عسـى نهاية أشواقي في حُضـنك

Part 38

بعد شوي ربطو الأحزمة واقلعت الطيارة
نجود : اسمع شرايك يوم يجهز بيتنا هناك نسوي بارتي بجايم ونشغل فلم وناخذ سناكات ونطبخ مع بعض
هاشم لفّ : متزوج بزر انا ؟
نجود : انت شفيك من جلسنا وانت تقولي بزر !
ضحك هاشم : ابشري ما اخليها بخاطرك
-
" بـعـد مـا وصـلـوا "
راحو للفندق كانو مخططين يجلسون يومين على بال ما يجهز بيتهم
نغم دقت ع نجود : ارحبيي
نغم : البقى ياحُبي لك وصلتي ؟
نجود : ايه أبشرك
نغم : تعالو البيت بيتكم
نجود : لا ما عليك استأجرنا فندق يومين وبنجهز بيتنا
نغم : طيب نوني على بال ما يجهز بيتكم تعالو عندي وترا البيت بيتك !
نجود : ادري والله ما تقصرين بس هاشم قال ان البيت بيجهز بأسرع وقت بإذن الله
ابتسمت نغم : مبروك نوني الله يوفقكم ياعيوني انتِ
-
" بـالحـوش - بـيـت الجـدة "
كانو البنات متجمعين اخر الليل بالحوش والجدة كانت نايمه
جلست وعد بعدما كانت بالمطبخ : بنات ذكروني شوي أقوم للشاهي
وانسدحت تلعب بجوالها
قامت لمى : بنات بجيب السوني من عند العيال
قامت معها رزان : بساعدك
راحو لمى ورزان للمجلس و وقتها كانو جالسين فيه العيال مع مشعل
وقامت ديم لعند عهود : عهودي حبيبتي عمرري ...
عهود : اخلصي شتبين ؟
ديم : ودي مع الجلسه ذي نروح البقاله انا والبنات
عهود : شتبين تروحين
ديم : ابي تاكيز
عهود : خلي العيال يروحون
قامت ديم تلحق لمى ورزان
-
" بـالـمـجـلـس - عـنـد البـنـات "
هاجموا البنات المجلس
احمد : هاه شتبين انتِ وياها
لمى : نبي السوني
صنمت رزان يوم شافت مشعل جالس ويسولف مع مشاري وبهمس : يماميي يهبلللل !
سمعتها لمى وسوت نفسها ماسمعت وتقدمت تفصل الأسلاك تاخذ السوني وتقدمت تساعدها رزان
جات ديم مسرعه ونقزت على احمد : انا عارفه محد قدها غيرك
احمد : شتبين انتِ بعد
ديم : ابي البقاله
احمد : البزارين صاحيين ؟
ديم : لا
احمد : خلاص تم
نقزت ديم من الفرح وكانت مسرعه وجات بتطلع وما حسبت حساب مشعل الي قام متجهه لدورة المياه بعدما سأل مشاري المكان وصقعت فيه بالغلط
ديم بتألم : شتسوي
تأسف مشعل وساعدها تقوم وكل أنظار رزان عليهم وكيف مسك يد ديم وساعدها توقف
شكرته وتأسفت بنفس الوقت وطلعت
لمى طقت رزان : وش تناظرين ؟ ساعديني ولا ما بتلعبين
رجعت رزان وساعدت لمى وطلعو الحوش وهم يركبون الأسلاك ويشبكون
ديم : بنات الي تبي البقاله تجيي
عهود : احمد وافق ؟
ديم : اييه
عهود : ناديه بكتب أغراضنا بالورقه
جابت ديم من شنطتها دفتر وقلم وبدت عهود تكتب ألاغراض الي يبونها
عهود : بنات شكثرها ؟
احمد : فداهم أعجلي
شفت عهود قطعه من الدفتر ولفتها وهي تعطي ديم وراحو ديم ولمى وغيم مع احمد للبقاله
رعد : رزان ليه مارحتي معهم ؟
رزان : ما ودي انا وصيت بأغراضي
شهقت وعد وهي تقوم : الشاههيييي
عهود : وعد يابقرة !
-
" عـنـد عـرايـسـنـا "
كانو بالفندق وهاشم وقتها نايم ونجود ذابحها الطفش زفرت بملل وهي تناظر هاشم : نايم مريح عمرك وانا ماقدرت انام !
قاطعها اتصال البنات لها : ننندددى !
ندى : سمعنا اخبار انك رجععتي ؟
نجود : ايه رجعتت
كانت وقتها مسويه سبيكر وكل البنات يسمعونها
ندى : اشتقنا لكك
نجود : وربي اناا اكثرر
نغم : حننا اكثررر
قاطعتهم ندى : نجود رجلك صاحي ؟
نجود بأستغراب : لا
ندى : طيب تجهزي بسرعه وارسلي اللوكيشن جاييننك
نجود : تمم
قفلت نجود وارسلت اللوكيشن وقامت بهدوء تتجهز عشان هاشم ما يحس وخذت حمام بسرعه ولبست جينز بيج وبلوزه سوداء قصيرة ولبست شوز اسود وحطت شوي من الاكسسوارات وتعطرت وحطت ميكب خفيف ولبست عبايتها وسرحت شعرها
شوي ودقت ندى : نجود حنا تحت ننتظرك
نجود : تمام الحين نازله
قفلت وهي تناظر هاشم وتكش عليه وتنزل