عسـى نهاية أشواقي في حُضـنك

Part 12

دقايق ونزلت فيديو عن حياتها وكيف خذت هاشم ، نزلت فيديو ثاني وهي تحش فيه ، والفيديو الثالث الموقف الي صار بالغرفه ، قفلت جوالها وهي تركز بالطريق
-
وقف هاشم عند بيت كبير حوله سيارات ، ما كانت بتنزل نجود بس شافت سيارات العائله وسياره ابوها ، نزلت و وقفت جنب هاشم
هاشم : شفيك خايفه
نجود : لا ابد ما فيني شي
هاشم : لا تخافين ذا بيت جدتي اخت جدتي
نجود : ها ؟ جدتك اخت جدتك ؟
هاشم : اخت جدتي
نجود : اها ، لحست مخي ياشيخ !
طلعت وعد بعدما شافت بالشباك انهم جو
وعد : ليه طولتو ؟
هاشم : اسألي الهبله الي واقفه جنبي
ضحكت وعد ، وناظرت نجود بـ هاشم : لي تفاهم معك بعدين
هاشم : يا امي خفت !
وعد : خلاص هاشم رح مجلس الرجال ، انا باخذ نجود وبندخل
ناظر هاشم بـ نجود كـ نظرة اخيره وبهمس : اهتمي بنفسك
نجود : حسستني اني مسافره بدونك
ضحكت وعد : اطلق ثنائي !
-
دخلت ونزعت العبايه وسلمت على الكل وجلست جنب البنات
عهود : والله وكبرتي صرتي تجين مع زوجك
رعد : احساسي يقول انها تحب هاشم اكثر مننا !
ضحكت نجود وهي تفتح جوالها على حسابها تيك : من كثر حبي لـ زوجي العزيز حشيت فيه بفيديو شافوه 39k شخص !
ضحكوا البنات كلهم من تصرف نجود
وعد : ابد زوجك ما بيسلم منك !
رعد : حماس ورينا التعليقات
دخلت نجود على الفيديو وكانو البنات يقرأو التعليقات
عهود وهي تقرأ : اطلق متزوجين
اخذت نجود الجوال بسرعه
رعد : شفيك
نجود : لا ولا شي
ضحكوا البنات لأنهم عارفين ان نجود ما تبي احد يقول لهم اطلق ثنائي واطلق متزوجين ..
دخلت نجود على المشاهدين وشافت حساب مألوف دخلته وشافت انه حساب هاشم
شهقت نجود : بنات جبت العيد !
رعد : كيف ؟
لفّت نجود الجوال عليهم : هاشم شاف الفيديو حقي !
وعد : يمكن ما عرفك ؟
نجود : الا بيدري انها انا ، اسم الحساب بـ اسمي ، والمواقف اكيد بيعرفها
رعد : اجل بالرجعه ارجعي معنا
ضحكت عهود : ما تكفي السياره
نجود : عادي احشروني
رعد : شكله العشاء جهز
عهود : قموا نرتب معهم
-
الجدة : نجود و وعد بناتي
جات نجود ومعها وعد : هلا يا جدة ؟
الجدة : روحو حبايبي عهود بتعطيكم صحونه و وديهم عند الرجال
وعد : ابشري يا جدة
-
نجود : وش ذا كله !
عهود : خلاص خذي بس الصحن
اخذت نجود الصحن ، و وعد السلطات
اتجهوا لمجلس الرجال
طقت الباب وفتح هاشم وكان جنبه حاتم
هاشم : من اختي ؟
نجود : اختك بالجنه ، افتحه مره الصحن كبير
ابعد هاشم العيال الي كانو موجودين الا حاتم ، لأن ظن ان محد كان مع نجود ، وفجأة طلعت وعد من ورا نجود
هاشم : شجابك !
وعد : اظن الي بيدي واضح