عسـى نهاية أشواقي في حُضـنك

Part 34

نجود : ياشيخه قمت افكر وش سويت انا و وش تبيني جدتي و وش هالموضوع المهم !
ضحكت نغم : هالاسبوع مرّيها وشوفي وش السالفه ، وبكون معك
-
" بـالشـقـة "
مرّو نجود ونغم على البنات وطلعو للشقه ..
نغم : الا بنات فكرتو بفلم ؟
ساره : ما جاء ببالنا شي وكل الأفلام والمسلسلات ختمناها ، عاد شرايكم برعب واكشن ؟
ندى : لا !
لفّت ساره على ندى : تكفون ذي اطردوها
ندى : استحي على وجهك
نجود : بنات هدّو ، خلونا هاليومين طيبين مع بعض ، لأن اليوم الثالث ما بتشوفوني
طيف : بتختفين من الكوكب ؟
نجود : يمكن
ندى : لـ وين ؟
نجود : برجع السعوديه
ساره : توّ الناس ؟
نجود : مدري شفيها جدتي دقت علي تبيني بموضوع مُهم ، ونغم بتروح معي
ساره : حسيت السالفه مره مُهمه ، لا رجعتو علمونا
ضحكت نجود : عاد انتو اول من بعلمكم
كملو الليله على خير ، واستانسو ..
-
" بـعـد يـومـيـن "
وصلو البنات لـ السعوديه واستقبلتهم
الجده ومعها البنات كلهم وسلمو عليهم ..
ابتسمت الجدة : الله حيهم
جلسو بالمجلس المخصص للحريم
واخذو علوم بعض .. وتجمعو البنات والأمهات
الجدة : دام انها ما شاء الله الحلوه
نغم جات ، روحي يا بنتي لمى افتحي غرفة رزان ورتبيها لـ نغم الحلوه ..
ابتسمت نغم بـ مُجامله : مشكورين
قامت لمى ومعها غيم متجهين للغرفه ..
نغم بهمس لـ نجود : بنت ، ابي الحمام ؟
نجود : لا تسوين ضيفه ، اول ما تطلعين بتلقينه
على يسارك
نغم : تمام
طلعت نغم ..
وجلست نجود تسولف مع وعد ورعد والبنات ..
قامت نجود وجلست جنب الجدة : هاه يا جده الحين جيتك وش السالفه ؟
الجدة : تعالي معي
نجود : لـ وين ؟
الجدة : تعالي بتعرفين
قامت نجود مع الجدة وطلعو للدور الثاني ، تحديداً غرفة نجود ، وأول ما دخلو شافت نجود فستان ابيض للعروس مع الطرحه ، وجنبها كعب شفاف ، ونص الاغراض الي تخص العروس ..
نجود : جدة ، وش السالفه
الجدة : وش تشوفين قدامك ؟
نجود : ذي الأشياء تخص العروس ، شجابها بغرفتي
الجدة : لا تستغبين
نجود : لا منجد شسالفه ؟
الجدة : الخميس عرسك
لفّت نجود على الجدة بصدمه : من قال ؟ سمعت زين انا ؟
الجدة : ايه
نادت الجدة على هاشم بصوت عالي .. وبحكم ان غرفته تقريباً قريبه ، ما مرّت دقيقتين الا وهو جاي
هاشم : هلا يا جـ ..
ما كمل كلامه وهو يوقف ويناظر بـ نجود بشوق ، بادلته نفس الأنظار
الجدة : تعال يا ابني