عسـى نهاية أشواقي في حُضـنك

Part 22

" مجــلس الرجــال "
بينما هم ينظفون مسكت نجود جوال واحد من الرجال
نجود : جوال من ذا ؟
ناظرت رعد بالجوال : مدري ؟
فتحته نجود وتذكرت ان هاشم كان حاط خلفية ساده
نجود : اها حق هاشم
غمزت رعد : شدراك ؟
نجود : لا تخافين ترا شفته حاط ذي الخلفيه
دخل احمد وناظر بـ نجود و رعد : شتسوون هنا ؟
رعد : جدتي قالت ننظف مجلس الرجال
نجود : امسك احمد عطيه هاشم
احمد : شدخلني عطيه انتِ تراه زوجك
نجود : احمد لا تكثر كلام ماني فاضيه أعطيه بطريقك وانت رايح
احمد : عشانك ذي المره
اخذ جوال هاشم وطلع
رعد : صار بينكم شي ؟
نجود وهي ترتب الوسادات : لا
رعد : متأكده ؟
لفّت نجود أنظارها على رعد : تكفين رعد نفسيتي ماش قفلي الموضوع
رعد : تمام بس ترا بعدين بسألك
مسكت رعد صندوق ورا الوسادة : نجود ! شوفي
ناظرتها نجود : هلا ..
ناظرت الصندوق : وش ذا ؟
رعد : تراني زيك ما اعرف وش داخله
نجود : طيب وش يعني ، نفتحه ؟
رعد : اي ..
نجود : لا رعد انتِ أصلاً ما تعرفين ذي لمين ، ومن حطها ؟
سكتت رعد وناظرت نجود ثم ناظرت بالصندوق : مدري بس يهمني وش داخله
نجود : انتِ شدخلك !
مسكت نجود الصندوق وهي تبعده عن رعد : لا تفضحينا لا يدخل احد المجلس الحين !
راحت رعد وهي تقفل الباب بالمفتاح : عندك عذر الحين ؟
تنهدت نجود وهي تستغفر ربها وتعطي رعد الصندوق : امسكي ، أنا مالي دخل
اخذت رعد الصندوق وشافت ورقه ملصقه : وعد ؟
ناظرت رعد بـ نجود الي تناظر فيها من لما ذكرت اسم وعد بأستغراب : ذا لـ وعد !
ناظرت بالصندوق : ما بفتحه بروح أعطيه وعد ، يمكن فيه شي مهم ؟
نجود : تمام
طلعت رعد وهي تتجهه للمطبخ ، بنفس الوقت انتهت نجود وحطت البخور بالمجلس وطلعت لمجلس الحريم
-
" بـالمطبـخ "
دخلت رعد وهي تناظر وعد : وعد ..
لفّت وعد : وش ؟
مدّت لها الصندوق : شفته مكتوب عليه لـ وعد قلت أعطيك
استغربت وعد : وين لقيتيه ؟
رعد : وانا انظف المجلس شفته ورا الوساده
وعد : تمام هاتي
خذته وعد وطلعت ل غرفتها ..
-
" عـنـد رعـد "
طلعت من المطبخ لـ مجلس الرجال ظنها نجود بالداخل ، دخلت وما لقتها عرفت انها بـ صالة الحريم ، ناظرت بـ جوال نجود : هبله ليه حاطته هنا ؟
أخذته ولفّت على فتحة الباب ..
-
" غـرفـة وعـد "
دقت على حاتم بغضب ..
وعد : منجدك انت ؟
حاتم : وش فيك !
وعد : حاط صندوق بالمجلس وشافته رعد
حاتم : رعد ؟
وعد : ايه !
حاتم : شوفي كم مره رسلت لك ودقيت عليك أنبهك اني حاط لك هديه .. بس انتِ ما رديتي ، شسوي لك ؟
وعد : كنت مشغوله !
حاتم : خلاص الي صار صار ، فتحتها ؟
وعد : لا أشوفها مقفله
حاتم : تمام بقفل ، روحي شوفيها
قفلت وعد وهي تفتح الصندوق ..
-
" مـجـلـس الـرجـال "
دخل مشاري وقفل الباب ، انتبه لـ وجود رعد
مشاري : رعد ؟
توترت رعد من دخوله المفاجئ ظنها ان العيال برا : شجابك هنا ؟
مشاري : اتوقع أنا المفروض الي اطرح عليك ذا السؤال ؟
رعد : خلاص اسكت ترا جايه هنا عشان ارتب ؟ وش يعني عشان اجلس ؟