صارخت ديم بكل قوتها على أمل احد يسمعهم
دقايق وسكتو البنات
.... : محد بيسمعكم
طلعو الرجال بعد تقريبًا ربع ساعة ، قام الولد وابعد الشماغ من وجهه لأنه كان متلثم : سامحوني
رزان : شسمك ؟
توتر ونطق : مشعل ، بس تكفون لا تعلمون احد
كمل كلامه : انا ولد جيرانكم الجدد ، ماني مسوي لكم شي بس بساعدكم
رزان : كيف ؟
مشعل : مدري ، نفكر
جلس قدامهم وهو يفكر لأنه مو اول مره يهرب ناس وبنفس الوقت عارف انه بيتعاقب
مشعل : قومو بسرعه مافي وقت
رزان : هاه ؟
مشعل : لو قعدنا كذا بيخلصون علينا
قامو البنات وكانت ديم بتصيح
لمى : مو وقتك تصيحين !
غيم : ديم حبيبتي بنطلع من ذا المكان
ديم : منجد ؟
همهمت غيم وطلعو ..
-
دقت وعد على نجود
وعد : نجود ارجعي بسرعه
نجود : لا ماني راجعه
وعد : يا بنت هاشم قلب الدنيا !
نجود : بالطقاق
وعد : صارت سالفه بسرعه تعالي
نجود : لا
وعد : بسرعه يا بنت !
قفلت وعد ، واستغربت نجود : وش صاير ؟
قررت نجود انها ترجع ودقت على حاتم : حاتم انا برجع توها وعد دقت علي تقول ان صارت سالفه بالبيت وبرجع اشوف الوضع وانت روح و دور وافضل لك دق على احمد وشوفه وينه و دورو عليهم
حاتم : أخيرًا رجع لك عقلك ، اعرف محد يقدر لك الا وعد
نجود : فارق
قفلت الخط وهي ترجع لطريق البيت
-
كان يمشي وهم وراه
مشعل : تعرفون ارقام اهاليكم ؟
ناظرو البنات ببعض : لا
لمى : عندي رقم اختي
فتح جواله وهي يعطيها ، حطت رقم نجود ودقت
لمى : نجود !
نجود : لمى ، انتو وين ؟
صاحت لمى واخذت رزان تكلمها وتعلمها وين ، وبنفس الوقت كان مشعل يشرح المكان ويساعدهم
نجود : من الي معكم ؟
رزان : لا تخافين بيساعدنا
نجود : تمام ، اعطيني ياه
كانت نجود تكلمه وتسأله كيف ومتى وليه ، وكان مشعل يرد وكب العفش
نجود : طيب شوف الحين بجيكم ارسل الموقع بسرعه
مشعل : تمام
نجود : الحين انتو وين ؟
مشعل : برا
نجود : بسرعه روحو اي مكان مافيه احد لحد يقفط مكانكم شوي واجيكم
-
" عـنـد نـجـود "
داورت وكانت تمشي على الموقع والي لاحظته ان المكان بعيد وتوترت ودقت على حاتم
حاتم : وش صار ؟
نجود : عرفت مكانهم
حاتم : وين ؟
نجود : انت مع احمد ؟
حاتم : اي
نجود : حلو ، الحين برسل لك الموقع
قفلت ورسلت الموقع لـ حاتم
أنت تقرأ
عسـى نهاية أشواقي في حُضـنك
Romanceحساب الكاتبة انستا : reiwoc40 - حساب الكاتبة تيك : reiwxo9
