عسـى نهاية أشواقي في حُضـنك

The End

ضحكوا البنات وحضنتها نجود وبادلتها رزان بفرحة
وجلست جنبهم وعد : لا بعد ما وقفت كذا بعد شهرين زواجي انا وحاتم
ضحكت نجود : الحمدلله لحقت
حضنت وعد وهي تبارك لها
-
" بـعـد الـحـفـلـة - الـلـيـل "
طلعوا الكل وبقت لانا مع جدتها
اما عن نجود طلعت لغرفتهم وشافت هاشم منسدح دخلت وقفلت الباب وقام هاشم بسرعه واتجهه لها
نجود : شفيك ؟ اصبر بعلق روب التخرج
علقته ولفّت له : وشو
حشرها هاشم : انتِ الي علمتيهم صح ؟
نجود ما فهمت زين : عن وشو ؟ ومن
هاشم تنهد بهدوء : انتِ الي علمتي الأهل ان لانا رجعت ؟
نجود : ايوه ؟
هاشم : ليه ؟!
نجود : خير ليه ما اعلمهم
هاشم : ليه ما قلتي ليي طيب !!
نجود : لا تصارخ علي
سكت هاشم وحاوطت رقبته وهي تبتسم
حاوط خصرها وهو يقرب منها ويقبل مبسمها ولأول مره يخطف منها قبلة !
ابتعدت وهي تحضنه بقوه لدرجة شوي وتدخل بضلوعه
نزلت راسها لكتفه وما حس هاشم إلا بدموعها الي تغسلت ببلوزته
هاشم : شفيك تصيحين ياعمري !
أبعدت راسها تقابله : احسني غيبه يوم كنت أعاملك بقساوه !!
هاشم : ام دميعه
صفقته نجود : ابو لسان !
مسح دموعها وهو يقبل عيونها
هاشم ابتسم : عيونك الحلوين لا أشوفها تنزل دموع !!
ضحكت نجود وهي ترجع تحضنه بقوة : أوعدك ما بتركك !!
-
" بـعـد شـهـريـن "
حضنت وعد البنات و حضنت اهلها والكل وعيونها دموع وهم يزفونها للسيارة حقت حاتم
رعد وهي تصيح : اختي تزوجت وتركتني !!
حضنتها نجود : لا ما تركتك
راحت وعد مع حاتم وحركوا للفندق
رعد : شوفي تركتني وراحت مع اخوك !
نجود : رعد ياحبيبتي اخوي صار زوجها
دقت رعد على وعد
وعد بضحك : مسرع اشتقتوا لي
رعد بصياح : ايييهه
جات عهود وهي تجلس مع رعد
عهود : نجود جهزي أغراضها أنا بجلس مع رعد بهديها
نجود : تمام
طلع مشاري بسبب الإزعاج : ايش فيهه ؟
مسحت رعد دموعها : ولا شي
لف مشاري لعهود
عهود : تصيح عشان وعد تزوجت وراحت مع حاتم
مشاري : ترا راجعه
رعد : لا ما بترجع بتروح شهر عسل !
مشاري : طيب شفيها
طلعوا الأهل كلهم بعد شوي وانتظر مشاري هذي اللحظه
ولما طلعوا تقدم لرعد وكانت ام هاشم ورا رعد
طلع مشاري الخاتم من جيبه وهو يفتح العلبة ويجلس مثل الأجانب : أنا طالب يد بنتكم
وقفت رعد مصدومه ومسحت دموعها وميكبها سايح وحالتها حاله : مثلل الأجانب الي بالمسلسلاتتت ايه ايه موافقههه
ضحكت عهود : مجانين اجتمعوا
ام هاشم : اجل الخطبة اليوم
رعد : خطبني خطبننيي
طلعت نجود وهي تطق عهود : شسالفه فاتني شي ؟
عهود : ايييه
علمتها عهود بكل شي : والله يهني سعيد بسعيده
ضحكت نجود وهي تطق رعد : مبرووكك
-
" بـعـد 7 شـهـور بـدون أحـداث مُـهـمة "
بهذا الوقت هاشم صار جندي وكان بالجيش ونجود صارت تداوم كـ مُمرضة لكن للأسف قبل يروح الجيش تزاعل مع الغيوره نجود لسبب تافهه
نزلت لدوامها وهي بشغلها عادي بعد ساعات طلعت تتمشى بالممرات وما حسبت حساب الي جاء من ورا لقدامها وحاصرها
نجود أبعدت : اعتذر وش هالسلوك !
ضحك هاشم وعرفته من ضحكته ولا شكله مو كان واضح مره بسبب الكمامه الي لابسها وتغيرت تعابير وجهها يوم شافته
نجود : هاشم !
هاشم : اي نعم معك هاشم لو سمحتي يامُمرضه تقدرين تغيرين لي الضمادة ؟
نجود غمضت عيونها : لا روح لأي مُمرض
أبعدت بتروح مسكها من ذراعها يرجعها !
هاشم : بس انتِ مُمرضة وهذا شغلك
أبعدت يوم شافت المدير : خلاص تمام تفضل !!
دخل وجلس بالكرسي
نجود : انت ! اصبر بروح اجيب ألاغراض واجي
طلعت بسرعه بدون تسمع رده
هاشم رفع حاجبه : انت ؟!
فصخ بلوزته عشان تقدر نجود تغير ضمادته
وأول ما جات صنمت مكانها يوم شافته مفصخ
هاشم ابتسم بجانبية : شفيك خايفه مني ؟
قفلت الباب وهي تتجهه له وتحط الاغراض وتجلس جنبه وتفتح الضمادة القديمه
بينما هاشم يتأملها
نجود رفعت عيونها لعيونه : خير تناظر ؟ الله لا يشغلنا إلا بطاعته
قامت وهي تعقم جرحه
هاشم استغرب منها : هذي الي قبل كم شهر تصيح وتقول
هاشم وهو يقلدها : احسني غبيه يوم كنت أعاملك بقساوة !
نجود وقفت وهي تناظر فيه بحدة
هاشم : كملي شغلك
نجود : بكمل وانت خلك ساكت !!
هز براسه وهي بدت تحط الضمادة الجديده وهو يتأملها
ما كمل دقايق إلا وهاشم يغني : يا غايبه وشلون بعدي قويتيه
وشلون قلبك طاوعك تهجريني ؟ الله وأكبر وين عهد خذيتيه وين الوعود وين ذاك اليميني
نجود : يازينك ساكت انت هجرتني بس
قامت كانت بتقوم مسكها وهو يحاوط خصرها : ما وحشتك ؟
نجود : ما وحشتك ام الأصفر الي شفتها قبل تروح الجيش واعجبتك ؟ شرايك تاخذها الثانيه
هاشم انسدح وهي بحضنه : افكر
نجود : والله تطلقني !!
هاشم ضحك وهو يقبل خدودها : استغفرالله المهم والله وحشتيني ! مستحيل بفكر اخذ وحده عليك بس ترا الشرع حلل اربع
نجود : هاشمم
ضحك وهو يقبل مبسمها بقوة وابعدته : وجعوه
ضحك هاشم وابتسمت نجود : اعترفي وحشتك ؟
نجود جلست : تدري أنا كل ما اشتقت لك قلت عسى نهاية أشواقي في حضنه
هاشم : هذي انتِ بحضني
ضحكت وضحك معها : ياجعلها هالضحكه دوم
نجود : تدوم لي هشوم !
-
ياهلااا بالحلوين ارحبوا تراحيب المطر ❤️!!
كيفكم شخباركم ؟ عساكم طيبين
اولاً رمضان كريم وهذا اول رمضان لنا مع بعض 🤎
وثانياً مره وحشتوننييي هالفتره صرت ما انزل ستوريات واغيب كثير بس ماعليه كل غايب له عذره
ثالثاً ابشركممم يعني إني كتبت جزء وباقي لي جزء بسيييط واختم الروايه الثانيه وانشرها لكم واي تسريبات ابشرو بي 🥹🤍
الرواية الثانيه عسل عسللل أنا وانا الكاتبة اعجبتني لدرجة سحبت على روايتي ذي وكملت ذيك 😭
حتى الإعلانات جهزتها وكل شي جاهز وباقي الختام  🥹🤌🏻
والبارتات طوييييله مو مثل عسى نهاية أشواقي في حضنك 😭
المهم ان حلوتي رزان خطبها مشعل
وجود صارت ام واسمها خلاص بيصير ام نايف
و وعد وحاتم تزوجو وكملوا الآن 5 شهور مع بعض
ونجود تخرجت من الجامعة وما نسيت صديقاتها
وأما عن لانا اهلها قدوتها وهاشم مره يحبها وبكل شي يحسب حسابها
-
وبس ياحبايبي انتظروني بروايتي الثانيه ان شاء الله 🤍.
تاريخ بداية الرواية :
٢٨ ربيع الأول ١٤٤٥
١٣ اكتوبر ٢٠٢٣
-
تاريخ ختام الرواية :
١٧ رمضان ١٤٤٥
٢٧ مارس ٢٠٢٤
-
تواريخ لا تنسى😢💕