العوض الجميل

الجزء 37

#العوض_الجميل
#ليلى_كريم
#بقلم_فريال
الجزء 37
اشت اسكتي خلاص ماتبكيش انا ميهمنيس فيه وش قال هو ولا غيرو لوكان جيت مصدقو مانكونش قاعد هنا قدامك لوكان صدقتو نهار هذاك ماتكملش الخطبة مانفتحش عليك مانعقدش عليك مانربطش اسمي باسمك لوكان صدقتو مانضربو ونفسدلو وجهو لوكان صدقتو مايكونش عرسنا بعد سمانة ذوك امسحي دموعك ومتخميش بزاف كلش فات والي يحاول يخمجلك سمعتك نلقاه ليوم ولا غدوا ونعاود نربيه _ منعرف علاه ديما يصرالي هكا كل مانقول الدنيا ضحكتلي شوي يجي واحد ويفسد عليا كلش هكا لمرة الي فاتت هذاك صدقهم وتهموني في شرفي وكانو لافامي كامل ملمومين عليها درت شهادة العذرية _ درتيها على جالو باش يصدقك الرخيس هذاك _ لا مش على جالو والله ماخممت فيه ولا يهمني رأيو فيا درتها باش نسكت لافامي تاعنا ونخليش ناس تحكي على دارنا ولوكان حا يهمني راني قبلت بيه كي بغا يرجع يخطبني _ لوكان قبلتي راني قتلتك _ مستحيل نقبل بيه الراجل الي ميوثقش فيا ومن اول مشكل يتخلى عليا مستحيل نقبل نرجعلو ولا نتزوج بيه الي منلقاهش في وقت الشدة منحتاجوش في حياتي _ تهنيتي منو _ اذا تحب نجيبلك شهادة العذرية ولا ندير وحدة جديدة باش تصدقني جامي خليت واحد يمسني والله العظيم غير راني نظيفة _ علبالي بيك اصلا باينة من مشيتك _ كيفاه _ والو _ لا فهمني كيفاه باينة من مشيتي هذي _ شوفي لمرا كي تكون فيارج باينة وكي تكون مكسرة باينة _ كيفاه تعرف ياك لازم تروح لطبيبة _ هذيك بالنسبة لنسا اما حنا رجال نعرفو لمرا من مشيتها برك نميزوها اذا فيارج ولا لا _ كيفاه تعرفو _ المرا كي تمشي وتغلق رجليها عادي جيهة لفخاض  تقدر تمشي وتزير عليهم تكون فيارج والي تمشي وتتعوج ومتقدرش تلم فخاضها مليح هذيك باين مكسرة _ شكون قالك _ بعد لعرس تعرفي كلش وراح تلاحظي الفرق بين مشيتك _ ياااا والله ماتحشم عيب عليك اخلايا وش الهدرة هذي _ ياك انت حابة تفهمي كيفاه نقدر نميز بيناتهم وانا جاوبتك عيب عليا نخلي مرتي ماتعرف والو ذوك فهمتي _ ايه صاي فهمت هيا نروحو خير _ نتغداو ومن بعد روحي تروحي _ لا مبغيتش مش حابة _ مش برايك نروحو نتغداو ومن بعد نروحك _ جيب ناكلو هنا في الطوموبيل _ علاه _ هكا خير _ اوك براحتك وش بغيتي تاكلي _ جيبلي بيتزا _ هذا ماتاكلي _ ايه بزايدلي اصلا شبعانة. هبط راح جاب لغدا وجا كلينا مع بعض ولا نقولو انا كليت وهو يتفرج عليا حتى حشمت منو نظراتو توترني حاساتو يحاول يحفظ ملامحي، كملت كليت _ بصحتك _ الله يسلمك _ كملتي وجدتي حوايجك صاي _ ايه صاي _ مام انا شريتلك حوايج كي تجي وشوفيهم اذا معحبوكش نبدلهم _ وش شريتلي _ كي تجي وتشوفيهم مكلاه نقولك ذوك _ ايه معليش _ تروحي ذوك _ ايه نروح عندنا ضياف في دار _ لوكان مش عيب راني ديتك معايا لداري ونخليك لثم حتى لنهار العرس _ عيب متصلحش _ مش عيب خلاص مرتي حلالي نديك وقت نحب بصح نزيد نصبر للعرس ونخرجك قدام ناس كامل، وصلني قدام الدار حطني انا دخلت وهو راح دخلت لدار وياريتني مادخلت ولا رجعت ياريت روحت معاه ديراكت لدارو كنت على الاقل نبقى نحتارم يما ومنكرهاش كنت على الاقل نتفكرها بحاجة مليحة.
#فريال