العوض الجميل

الجزء 31

#العوض_الجميل
#ليلى_كريم
#بقلم_فريال
الجزء 31
نطقت سمي وقالتلها خلاص غسلتلك مخك صاي _ ماغسلتلي مخي ماوالو بصح فقت لبزاف حوايج وانا كنت غالطة وظلمت ختي وعاملتها كأنها عدوتي وهي مادارتلي والو _ ايه مادارتلك والو ليه ليه تبدلتي ولا كي شفتيها راح تتزوج براجل هذاك صاي قولتي نولي نتفاهم معاها خير _ ربي يهديك هذا مانقولك انت مريضة في مخك فيقي مع روحك شوي لوكتاه تبقاي بالحقد هذا لوين رايحة يجي نهار وتندمي على فعايلك وربي يخرج فيك دموعها وانت علبالك وش درتي فيها مليح العدو مايديروش في عدو وانت درتي الي ميتندارش في ختك. سكتت شوي من بعد نطقت وقالتلها ااا ذوك انا رجعت شريرة وهي العاقلة البريئة المظلومة ياك وزيد نتوما مادرتو والو جبدتو رواحكم مثل الشعرة من العجين تقول ماكم نفسكم الي كنتو معايا _  شوفي سمية نقولك حاجة اذا ماتعاونيناش قودي برا خلينا نخدمو في عقلنا مناش ڨاعدين لمشاكلك _ ذوك انا رجعت ندير في المشاكل معليش هاي ليك اخدمي ولا اقعدي _ كي شغل كنتي تعاوني فينا. دخلت هديل تفك بيناتهم سكتتهم نادية رجعت لخدمتها وسمية جات خارجة لقاتني قدام الباب قالتلي وش ذوك عجبك الحال كي دورتيهم عليا هاهم كامل ولاو يدافعو عليك وخلاوني انا وحدي بصح نقولك حاجة متفرحيش بزاف لاتعودي تبكي الدوبل _ ربي يهديك _ آمين يارب ويديك انت ويريحني منك. هي راحت تمشي  وتخبط في رجليها باين تجري لعند يما وتشكيلها وتبكي شوي وماما تجي تعرشلنا كيما عوايدها. فاتت لعشية هذيك بالخف تلمو كامل وتعشاو عندنا قصرنا وضحكنا لبنات مخلاوني ندير والو كلش داروه هوما تعاونو مع نسا خاوتي انا قعدت برك قالولي لعروس مادير والو ارتاحي خير وهذاك الي كان قعدت كيفي كيف سمية مادرت والو هي ملي ڨعدت تتخنزر وترمي في سمها عليا وانا حاطتها في الثقيل اذا نطق لحيط راني ننطق خليها تموت بالفقصة نهار كامل تعس فيا لوكان تعس راجلها خير خلاتو وحدو وجات مقابلتني ماهنات راجلها وقامت بيه وعاشت حياتها ماخلاتني نعيش حياتي. الغدوا منو خرجت مع مرت نوفل شريت لبسة لعقد( انا نلبس حجابات ملي ديت لباك) فات نهار بين الجريات والدوران مافقنا غير بالليل لحق روحنا عدلنا كلش ورقدنا طحنا زي الحطب ميتين بالتعب. نضت صباح دوشت وشيحت شعري ولبست قشي هبطت لتحت لقيتهم متلمين يفطرو كامل فطرت معاهم كملنا دخل نوفل قالي اذا واجدة نروحو هذاك هو نلحقو مع لوقت _ ايه راني واجدة نطقت مرتو قالتلي تروحي هكا _ ايه علاش _ من نيتك تروحي بوجهك هكا تقول رايحة تخدمي ليوم لعقد تاعك اذا راكي ناسية نفكرك _ علبالي ليوم لعقد بصح انا هكا موالفة _ موالفة كي تخدمي بصح ليوم راح تعقدي ايا اطلعي تشوفي قدامي _ وش راح ديري _ اطلعي وبلعي عليا حرف مانسمعوش منك.
#فريال