العوض الجميل

الجزء 51

#العوض_الجميل
#ليلى_كريم
#بقلم_فريال
الجزء 51
بقينا مقصرين معاهم تعشينا برك لبسنا قشنا وديمارينا طريق كامل وهو يحكي معايا ويضحك ويحاول يبدل الجو وانا غير ساكتة ونخمم في هدرة اخت جداتو وسوستني علاه مابغاش يقولهم بلي يحبني مايكونش حشم كي داني ولا عندو وحدة في حياتو يحبها ولا قلبو ديجا مسروق من قبل ، ماحسيتش بالطريق خلاص راسي راح يتحرق من تخمام راح نهبل هو ثاني حس بلي كاينة حاجة عيا يسقسي فيا وش بيك مريضة تعبانة كشما يوجع فيك نديك لطبيبة تشوفك نحبسو ترتاحي انطقي ماتهبلينيش شبيك _ والو تعبت شوي برك _ اصبري نلحقو وتفهميني وش بيك ووعلاه تقلبتي في دقيقة يبالك ما فقتش بيك ملي قعدتي معاهم تبدل وجهك كشما قالولك شكون قاسك _ واحد ماقاسني انا وحدي وحدي تعبت وعيت _ معليش ارقدي حتى نوصلو ونوضك. وهذاك الي كان رقدت مافقتش حتى نوضني هو قالي وصلنا ياربي 5سوايع في طريق مع ليل مكان حتى واحد ماطولناش. نزلنا قدام دار مخدومة بلحطب كاملة وقدامهم بزاف ديار بعاد شوي على بعض بصح مش بزاف وجايين قراب لجبل، نزل فتح لباب وهبط لحوايج وانا من وراه نمشي ونتمايل قريب نطيح نعست وتعبت وقلقت وكلش تلم عليا حابة غير نرقد ونرتاح مانخمم في والو حتى هو تقول حس بيا ورالي وين جاية الشومبرة قالي فوتي ترقدي ترتاحي علبالي تعبتي بزاف غدوا صباح ونحكيو، ماردتيش عليه دخلت ديراكت لشومبرة لقيت فيها كلش تقول شومبرة تاع عرسان جديدة ونقية نحيت حجابي كنت ديجا لابسة من لتحت قندورة تلحت ديراكت رقدت على كرشي ماتغطيت ماوالو واصلا مش قادرة نتحرك طاقتي الكل راحت. فقت صباح لقيت روحي مغطية وداخلة في كريم وهو محضني تقول خايف لانهرب وش حشمت خصوصا من الرقدة الاسطورية تاعي رجل فوقو ويدي على وجهو نبهدل وصاي وزادت كملت كي لقيت روحي لابسة بيستي وشورط حرت منين جاو ياك كنت لابسة قندورة وتحتها فيزو مايكون غير كريم اععع مايحشمش يعريني وانا راقدة كيفاه قدر يبدلي وانا مافقتش. صباح الخير ماتخميش بزاف بدلتلك بسهولة ياك مرتي وشفت كلش مع اني ماشبعتش بصح المهم شللت عينيا مليح ولبارح مادرتلك والو كي لقيتك راقدة بالقندورة نحيتها وبدلتلك باش ترقدي مرتاحة وانت تقول ميتة مش راقدة مافقتي بوالو لوكان يدخلو يسرقوك ماتفيقيش. شبيك ساكتة تقول بلعتي لسانك احكي ياسيدي ماتحكيش على الاقل اعطيني بوسة مع صباح نستاهل راني عريس جديد ولا نسيتي _ انت نوض نغسل وجهي ونوجد لفطور راح لحال _ اقعدي برك مزال الحال جهدها13 _ اخلايا راح لحال رقدت بزاف _ شي طبيعي ترقدي من تعب تاع لعرس وزيد مشينا بزاف ريحي روحك ماديري والو _ لا حابة نوض ندوش ونصلي خير _ ايه هيا نوضو ندوشو مع بعض خير _ لا روح وحدك وانا وحدي عيب _ لعيب يصرا في السرير وحنا درناه وكملنا صاي مابقات حشمة ذوك مني شفتك وشفتيني.
#فريال