العوض الجميل

الجزء 53

#العوض_الجميل
#ليلى_كريم
#بقلم_فريال
الجزء 53
كان لازم عليا نحكيلو وش كان خير مايعيط لجداتو ومن بعد تتغشش ويقولو عليا جات فرد نهار بدات بمشاكلها وتوصل في الهدرة وتفتن وانا مش ناقصني من بكري المشاكل عڨابي عڨابي مش راح نتهنى منهم خلاص خلي نحكيلو وهو يفهمني مليح لانو لوكان نبقى هكا نهبل العقل الي بقا عندي يطير. جداتك قالتلي بلي انت ماقولتلهمش بلي حبيتني وبلي انت قولتلهم بلي مرت وليد هي الي قالتلك عليا وانت قبلت علاه درت هكا ولا حشمت كي ديت وحدة كبيرة جاوبني نتفهم الوضع انا المهم تكون صريح معايا ونتقبل كلش وديجا كانت باينة بلي ماتحبنيش كان لازم نفهمها من لول بلي مستحيل واحد كيفك انت يدي وحدة كيفي ولا يخمم فيها اصلا انت الي تقدر تتزوج بأي وحدة وتجيبها بنت ال18 بعد خليتهم كامل وجيت ليا انا لكبيرة والي بقيت بلا زواج انت ماخصك والو طول وعرض وزين وبخدمتك ورزقك اي وحدة تقبل بيك لوكان تخطبها ومايهمهاش لعمر ابدا قولي علاه تزوجتني _ اصبري تشوفي وحدة  بوحدة خلي نفهمك وتفهميني وش قصدك بواحد كيفي انا يدي وحدة كيفك انت علاه وش ناقصك انت عليهم حتى مانشوفك فيك اذا على لعمر مزالك صغيرة واذا على الزين راكي زينة ماعندك ماتزيدي عينيك برك يكفيو ويوفيو باش يجيبوني نجري ليك ولا خدودك الي يحمارو كي تحشمي ولا تقلقي وفمك جاي صغرون يهبل كيفك بعد علبالك بلي الف واحد كان متمنيك بصح مداكش كثر خير الراجل الي كان يفزد عليك الخطبة لوكان نحكمو نبوسو ونحضنو بفضلو هو بقيتي بلا زواج حتى جيت ليك ونحمد ربي ليل ونهار كعاد راكي مرتي وكي مابغيتش نقول لناس بلي ديتك عن حب مش لانو نحشم بيك لا بالعكس زواجي منك نفتاخر بيه قدام الناس كامل انا مكنتش حاب يعرفو لانو في شبابي كنت نحب وحدة ناس كامل تعرف بهاذ الشي وين مانبغي نروح نخطبها ماتبغيش وديرلي الف عذر وعذر مرة راني صغيرة مرة راني نقرا مزال الحال استنى مانيش هاربة ايا فاتت فترة وناس مزالهم يحكيو على قصة حبنا هذي ويستناو في زواجنا روحت خطبتها قبلت فتحنا وكلش ومن ثم ولات لعيون كامل علينا وواحد من لافامي تاعي انا وياه كنا زي الصحاب وش من صحاب ياوو كنا زي الخاوة يماه تغير من يما ماتحملهاش دارت دارت وسحرت الطفلة هذي الي كنت خاطبها لدرجة تبدلت ضربة وحدة وكرهتني فسخت كلش وياربي مافاتت سمانة خطبها صاحبي وفتحو وبداو يوجدو للعرس ماسمعتش حتى نهار عقدو كي سقسيتو علاه غدرني ودار هكا وهو الي كان كيما خويا نحكيلو كلش علبالو بلي نحبها وهي تحبني وهكاك قبل يتزوجها قالي الله غالب يما بغات هكا منقدرش نرفضلها طلب وانت وياها مكتبش المكتوب بيناتكم وهي خيرتني انا روح حاسبها هي الي تخلات عليك مش انا _ لا راك غالط هي تبقى طفلة برانية بصح انت خويا وفاميلتي الي غدرتني بكل بساطة تبعت راي يماك ودمرت صحبتنا ربي يهنيك بزواجك وانسى بلي كان عندك صاحب اسمو كريم _ اويلي وش دارولك الله لاتربحهم وطفلة رتاحت ولا قعدت مريضة كيفاه صرالها وانت نستيها ولا لا _ لوكان مانسيتهاش ماني قاعد قدامك هنا صح حبيتها بصح من اول غلطة نسيتها وكملت حياتي هي تزوجت ودارت دار ووليدات وعجوزتها طلبت السماح وحكاتلها كلش وهي جرات ورقات وكي رتاحت جات ليا تبكي وتحلل وبغات تطلق وترجعلي انا رفضتها لانو مستحيل ندمر دار الي كان صاحبي هو يحبها وبيناتهم ولاد منقدرش نفزدها عليهم وانا نسيتها صاي. ذوك فهمتي علاه مابغيتش نحكي خايف كشما يديرولك ويبعدوك عليا _ يعني خايف عليا _ خايف عليك كشما يصرالك وتبعدي عليا وانا من وراك نهبل _ صح تحبني _ يااووو نت*** عليك ماشي غير نحبك ارواحي ترقدي خير ما ليلة نغلط وانت مزالك مش قادرة.