العوض الجميل

الجزء 66

#العوض_الجميل
#ليلى_كريم
#بقلم_فريال
الجزء 66
عيط عيسى على ولادو جاو مرمدوه هوما يضربو فيه ونادية تتفرج وين مايحبسو تقولهم زيدو كي شافوه قريب يموت دخلو صحابو وتخلطت هذا يضرب في هذا ولاد خاوتي وعمومي كامل تلاحو رجعت مجزرة انا قاعدة نتفرج فيهم رجعو دمومات يطايرو ولعياط تكسار جاو لابوليس فكوهم ونص هزوه لسبيطار ونص للحبس وارواحي انت وسكتي ناس كامل جات تتفرج يما من الخلعة طلعتلها لاطونسيو هزيناها لسبيطار وانا رحت معاها طبيب قالها منعتي على شعرة مذابيك تبعدي على المشاكل والتقلاق قولتلو في قلبي هي سباب المشاكل كامل وتظل طيح عمرها برك طويل على حساب الحطة تقفل 100. اليوم اسبوع تاع بنت نادية عرضو ناس كامل من صباح وحنا نوجدو ونتعاونو جابو طباخات وهكاك ملحقوش لانو لغاشي بزاف خلاص كامل يخدمو وياربي يلحقو انا نوقف شوي ونقعد عيت وقلقت تغميت محملتش الجو هذا واليوم زاد عليا لحال ماجا يفوت نهار هذاك حتى روحي قريب تخرج كملنا عشينا لغاشي وعيطت لكريم قولتلو ارواح ذوك اديني نروح رايحة نموت عيت نحمل _ سلامة قلبك شبيك غير الخير كشما واحد قاسك ولا دنا ليك _ لا مكان حتى واحد بصح تغميت انا الجو تاع الجنازات منحملوش خلاص _ البسي قشك واخرجي تلقايني قدام الباب نستنى فيك وعيطي من ثم ليما تخرج _ ايه ذوك نعيطلها، لبست قشي وودعت نادية ماعيات فيا باش نزيد نقعد مقبلتش قولتلها نرجع متخافيش بصح ذوك لازم نروح لدار قالتلي معليش وبقات تطلب السماح وتعاود وتبكي قولتلها مسامحاتك صاي انساي الي فات وصح سمحتلها من كل قلبي ديجا هي مقاستنيش بزاف مش كيف سمية الي داراتو فيا مايديروش لعدو في عدو . روحت لعجوزتي قولتلها قالك كريم هيا اذا تروحي _ انت ثاني تروحي _ ايه نروح، خرجنا كامل انا وعجوزتي ونسا سلافي كامل جاو كثر خيرهم كل وحدة ركبت مع راجلها ولعجوز راحت مع ولدها لكبير وخلاتني انا وكريم روحنا وحدنا، طول طريق وهو يحكي معايا ويسقسي فيا على حوالي واذا تعبانة ولا كشما بيا وانا ساكتة اذا نطقت ينطق الحيط قلقت ومحملتوش هو كي شافني هكاك سكت وخلاني على راحتي. لحقنا لدار طلعت ديراكت لداري فتحت لباب كان عندي ديجا لمفتاح ديما نهزو معايا فت رميت حوايجي فالشومبرة ورجت لدوش دوشت بالما البارد نار نحسها شاعلة فيا بغيت نعيط ونكسر بقيت نستغفر ونعاود حتى هديت شوي خرجت هكاك بالمنشفة ورحت رميت روحي فوق سرير لقيتو يشوف فيا وانا نشنف ونرفد في شنايفي ونتخنزر فيه كرهتو وبغيت نتلاح نتفو مقدرتش نزيد نشوف فيه كثر تغطيت ورقدت ليلة هذيك تقول ميت فلقبر لاحركة لاوالو موالفة نبات نتقلب ونتحرك بصح من تعب والضغط والشي الي فات عليا عياني بزاف.
#فريال