العوض الجميل

الجزء 56

#العوض_الجميل
#ليلى_كريم
#بقلم_فريال
الجزء 56
احكي وش حابة وخليني نكمل خدمتي _ لازم نروح لطبيبة_ علاه غير الخير وش بيك _ لباس مابيا والو بصح لازم تفحصني ونشوف اذا نقدر نجيب لولاد ولا لا _ وش الهدرة هذي جهدنا قولنا باسم الله رايحة تجري لطبيب ناس تصبر شهور باش تزور طبيب _ ايه علبالي بصح في حالتي انا غير _ شبيها حالتك انت _ راني كبيرة وممكن يكون عندي مشكل في الانجاب _ ربي يهديك هذا مانقولك علبالك ديفوا نقول نخبطك بكف على الكلام الي تقولي فيه شوفي الحمل ماعندوش علاقة بالعمر كاين نسا وصلو للخمسين وولدو وكاين نسا صغار ياربي في العشرينات وماجابوش ولاد يعني ياعمري كلش بيد ربي سبحانو خلي _ علبالي بصح _ لا بصح لا والو ماتقلقينيش صباح ربي نحي الافكار السلبية من راسك وذوك هيا نهبطو لتحت يكونو ناضو كامل اليوم مايخدموش (كنا بنهار الجمعة). هبطنا لتحت لقيناهم كامل قاعدين في الكوزينة يفطرو دخلنا لحنا سلام ناضو كامل يسلمو ويحضنو لعجوز نسا سلافي ولادهم كامل شيخي سملت عليه اما سلافي لحت سلام برك حتى هوما مالاحوش يديهم مام نسا سلافي لقتيهم مدايرين خيمارات ولاحو سلام من لبعيد على كريم وقعدو في بلاصتهم، قعدنا معاهم فطرنا من بعد رجال راحو لصالو وانا بقيت معاهم جيت نلم لماعن تاع لفطور مابغاوش قالولي ارتاحي جيتي من طريق بعيدة كيما درت معاهم مابغاوش حتى من عجوزتي قالتلي اقعدي. قعدنا نقصرو عجبوني وشحال ظراف مام نسا سلافي عاقلين خلاص مايدخلوش في حوايج خاطينهم ومهمش من نوع الي يسقسي ويحب يعرف كلش لا هوما لعكس اذا حكيتيلهم يسمعو ماحكيتيش مايحوسوش يفهمو مام عجوزتي عندها نفس العقلية، سلافاتي كي سمعو بلي روحنا عيطو ليماهم وقالولها مور صلاة رانا نجيو حتى من دارنا غدوا جايين قالك كعاد مادرتش صبوحي غدوا يعوضوه ويجيو ماما ملي تزوجت ماحكيت معاها ماعيطتلها ماعيات تعيط والو انا متجاهلتها نحكي مع نسا خاوتي برك ربي يحفظهم كل نهار يعيطو يسقسيو عليا خواتاتي عيطو مرة وحدة كي مابغيتش نرفد من ثم حبسو وفهمو رواحهم لانو عرفهم غلطتهم مش صغيرة المرة هذي ومستحيل ننساها بسهولة سمية هذيك ماعيطت مابغيتها تعيط بصح سمعت بلي غدوا جاية معاهم خفت من جيتها علبالي مستحيل تفوتها هكاك لازم ديرلي مشكل وكي دات طريحة لازم تخلفها لا تموت وتتعوق بصح حلفت المرة هذي تقيسني ولا تغلط معايا قدام اهل راجلي نهردها ونوقفها عند حدها مابغيتش نتبهدل قدامهم ويعرفو اسرارنا ومشاكلنا بصح اذا هي مش محتارمة روحها ماعندي مانديرلها وماجاياش نحاوزها قدامهم نخليها تجي ونشوف وش دير.
#فريال