العوض الجميل

الجزء 16

#العوض_الجميل
#ليلى_كريم
#بقلم_فريال
الجزء 16
جاو اهل هيثم بصح تفاجأت كي جا غير هو ويماه وختو برك قالولنا يجيبو معاهم غاشي كبير فتالي مجا حتى واحد من غيرهم، ستقبلوهم ورحبو بيهم قعدو يحكيو عادي ولاحظت سمية ضرسة لعقل قريب تبان من الضحك متبانش نفسها الي كانت مشنفة وقالبة خليقتها ڨبيل. دخلت لعندهم سلمت عليهم شوي هكا سمعنا لعياط وسبان جاي من الصالو خرجو كامل يجريو لحقتهم انا وكي دخلت لصالو تشوكيت متوقعتش يصرا هكا وفي يوم خطبتي بعد لقيت هيثم في الارض وولاد خويا ونوفل يضربو فيه شوهولو وجهو بمعنى الكلمة ماخلاو فيه مايصلح خاوتي لخرين يحاولو يفكو هوما وولاد عمي خالي قالهم خليوه الكلب باش يتربى ويعرف بلي بنات الناس مهمش لعبة بين يديه وميقدرش يحكي على شرفهم خليو الرخيس يعرف وش معناها يحكي على بنتنا بالعاطل. بقاو يتضاربو وهيثم بسلامتو يضرب حتى هو بصح مقدرلهمش لانو في بزاف قتلوه شبعوه مخبط عيط عليهم خويا عيسى قالهم بزايد حبسو عيب عليكم متنساوش بلي راهم ضيف عندنا ومن عاداتنا نحتارمو الضيف قالو خالي الضيف الي ميحترمش روحو منحتارموهش والي يحكي على بنتنا بالعاطل نقتلوه _ خالي انت بدل ماتهدي الوضع وتخليني نتفاهمو ونحلو سوء التفاهم راك تشعل فيها _ ماعندنا مانتفاهمو مع الكلب هذا الرخيس نسا عمايلو وتخلاطو وجاي يحكي على بنتنا ياوووو حنا الي مش قابلين بيك ومعندناش طفلة لزواج وحتى وتبقى غير انت راجل في دنيا هذي والله ماتشوفها قالو هيثم حتى نقبل ندي وحدة كيفها لاعبتها عاقلة وخاطيها وهي مخلطتها بكراع الداب ق*** كيفها تجي تحشيهالي ياما خرجت وشفت نسا بصح يكفها جامي شفت ولا صادفت في حياتي لاعبتها شريفة عليا وهي مخلطتها من وراكم وانا قولتلها اذا كشما درتي ولا مشيتي قوليلي صارحيني هي سكتت واليوم انا جاي باش نديرلها الخاتم وتولي خطوبتنا رسمية نلقى واحد جاي ليا ويهدد فوقها قالي بعدلي على حبيبتي وهذيك تاعي وواحد مايديها وراني نخرج معاها ديما الخطاب الي يجي ترفضو والمرة هذي قبلت بيك مكرة فيا كعاد رانا متعاركين واصلا متقدرش تزوج بيك لانو هي ملكي وانا الي دشنتها وملكتها وكسرتها وش يبالك هي ملقاتش راجل عليها قعدت بلا زواج لا راك غالط هي مبغاتش تتزوج خافت تنكشف وتتفضح ويعرفو كامل بلي راهي مكسرة شوف انا حكيتلك منيش حابك تندم من بعد ودير غلطة عمرك المرة هذيك مهيش تاع زواج لوكان جات تصلح لزواج راني تزوجتها بصح هي تاع خرجات برك نجيب بيها الوقت وش يجيك من وحدة مدت جسمها لواحد بلا زواج هذيك ق*** من لكبار. مع كمل كلامو زاد طاح عليه خويا نوفل بالضرب قالو ختي اشرف منك ومن الي خلفوك مش كعاد انت رخيس وزاني وطحان يبالك ناس كامل كيفك مكانش انظف من ختي كلب رخيس واحد كيفك يحكي على شرف ختي، بعدو عيسى عليه وقال لهيثم وريلي الراجل الي قالك لكلام هذا _ علاه وش راح ديرلو وش يبالك انا راني نكذب عليكم شوف فيا مليح هيئتي تاه واحد كذاب لوكان جيت نكذب منجيش خلاص لعندكم كنت نعيط ونفسخ كلش وواحد مايسالي بصح انا كنت جاي وفرحان وموجد روحي وجبت لافامي تاعي كامل باش يحضرو مع لخر لقيت الرخيس هذاك وحكالي كلش _ وانت صدقتو بلاك يكذب عليك _ حتى انا حطيتو يكذب بصح بعد ماقالي بلي هي ديما ترفض الخطابة وزدت سقسيت الجيران اذا موالفة يخطبوها قالولي هيه ولثم عرفت بلي هي خايفة تنفضح وتتكشف بلي بلا شرف.
#فريال