العوض الجميل

الجزء 38

#العوض_الجميل
#ليلى_كريم
#بقلم_فريال
الجزء 38
تغشينا كامل في رحبة وتعاونا غسلنا لماعن سيقنا ووجدنا سنيوة تاع سهرة كعاد خاوتي تلمو عندنا هوما ونساهم وخواتاتي بقاو يحكيو على لعرس ووش خصو ومن بعد نطق خويا عيسى قالي الحمدلله بابا ذوك راهو مهني في قبرو علبالك قبل مايموت كان يخمم عليك وقالنا نهار تتزوج ليلى نرتاح ونتهنى _ الحمدلله ربي يرحمو _ بصح بقات حاجة مدرتيهاش هو كان متمني ديريها بصح المكتوب وحنا حتارمنا قرارك ومبغيناش نضغطو عليك_ وش هي _ لكلينيك _ وينى كلينيك راك تحكي عليه _ لكلينيك الي كان بابا ناوي يبنيهولك بصح هو مات وخلالك دراهم ووصانا نمدوهملك بصح انت مابغيتيش تبنيه وديتي دراهم وحنا سكتنا مابغيناش ندخلو فيك _ اصبر اصبر دقيقة فهمني تشوف وش من دراهم ووش من وصية راك تحكي عليها وكتاه صرا الشي هذا وانا وين كنت _ انت نهار هذاك ماكنتيش بصح يما كانت وهي تكفلت بكلش مدينالها لوراقي ودراهم وهي قالتلنا نحكي مع ليلى وبعد يومين قالتلنا انت مابغيتيش تبنيه ومكلاه نضغطو عليك اصلا موت باباك اثر عليك وخايفة تمرض _ اااا مديتوهم لماما هما ياك، درت لماما وخزرت فيه خزرة معبية كره ايه كرهتها صاي في لحظة هذيك طاحت من قلبي تحملت كلش داراتو فيا داتلي دراهم الي تعبت عليهم وسكت داتلي حقي من لوزينات ومكفاهاش زادت دات دراهم الي خلاهم بابا محتارمتش وصيتو وعفست عليها. عيطة فرد عيطة خلاتهم كامل يسكتو يماااااا وش راهو يقول عيسى صحيح ياك شوفي مانكثر معاك لهدرة مانكسر راسي اصلا كلش نتوقعو منك اذا دراهمي الي نتعب باش نجيبهم وديتيهم حاجة باينة تكوني ديتي دراهم لكلينيك انا ماعندو مادخلتي يسموك تجيبيه من سما ولا لرض ولا اقسم بالله العلي العظيم غير نشكي بيك وخلي تباصي نوريلك كيفاه تعفسي على وصية بابا _ بنتي انا والله ندمت _ ماتقوليليش بنتي مانيش بنتك منين خرجت بنتك _ اسمحيلي _ على واش نسمحلك على الحڨرة والذل الي عيشتيهولي من سنين ولا دراهمي الي كنت نخدم ونتعب باش نجيبهم وانت تمديهم لبناتك ولا على وصية بابا الي تجاهلتيها ولا حلمي الي ضاع بسبابك ماروحتش للخارج وفوقها لعبتيها بلي انا مابغيتش على واش نسامحك انطقيي، قالها نوفل وين راحو دراهم مبلغ كبير كيف هذاك مستحيل تصرفيه كامل _ انا شريت باطيمات لخواتاتك وزدتلهم محزمات تاع ذهب وشوي راهو مخبي _ ياك لبنات خلالهم بابا دراهم وماهمش محتاجين علاه حتى تدي دراهم ليلى ماخفتيش ربي يعاقبك وين ماشية بالعقلية هذي تكملي هكا تبقاي وحدك وواحد مايطل عليها _ اصلا راح تبقى وحدها وخلي بناتها ينفعوها.
#فريال