العوض الجميل

الجزء 65

#العوض_الجميل
#ليلى_كريم
#بقلم_فريال
الجزء 65
كيما كان لحال صباح رحنا نزورو قبرها ونادية لمرة هذي ماندبتش تبكي بالساكت ماعيطت ماوالو باباها دا مني نص مسكين يبكي ويطلب في سماح منها محضن ولدها ويبكي، رجعنا لدار لقينا عجوزتها وسلافاتها دخلو ويا يما وتقلع نادية ختي تلاحت على لعجوز نتفتها تضرب وتقولها وش جابك ذوك بعد ماقتلتيها جيتي بوجه البخص يا الكلبة الرخيسة ليوم نقتلك تضرب وتبكي ولعجوز هذيك تعيط تقولهم فكوني منها الكلبة جاو بناتها يدخلو ويفكوها وتتلاح سمية شدتهم من شعر وزادو جاو بنات خالي حتى هوما يضربو قتلوها بالضرب مكانوش لثم ناس البرانية غير اهل دار مرمدوهم حتى دخلو رجال كي سمعو لعياط خلعو يبالهم كشما صرا كي شافوهم يضربو فيهم خلاوهم بردو قلوبهم ومن بعد جبدوهم انا ماضربت ماني موالفة بالضرب وديجا مكنتش قادرة نوقف فشلانة وباغية نرقد وتخنقت منحملش الاجواء هذو وقعدت على جال ختي برك شفتني، لعجوز وجها مندوب وبناتها كثر منها قتلوهم بالضرب اللهم لاشماتة بصح انا شمتانة يستاهلو ما اكثر قالتلها مجيتش ليك ولا محبة في بنتك جيت ندي وليد وليدي وبعد وش درتو فينا تحلمي تزيدي تشوفيه منخليهش مع عايلة المتوجشين يخرج كلوشار نطقت نادية قالتلها ويتربى عند عايلة المجرمين القتالين الحڨارين خير _ حاشاك لا حنا قتالين بنتك اذا هي مهبولة هذيك حاجتها قتلت روحها لانها بلا عقل حنا مادرنالها والو ومع كملت كلامها وتخبطها نادية للحيط شدتها من شعرها وتخبط في الحيط خلات دمها يجري رماتها في اللرض وكركرتها رماتها عند لباب جا ولدها يجري وتزيد تخبطو بكف تفوووه اذا انت راجل وفيك ريحة الرجلة يا الكلب الطحان لوكان مش حنا درنالك قيمة وطلعنالك الشان ماتوصل بيك ترفد يدك على بنتي بصح كاين ربي كل واحد دار شر يلقاه وانا هاني نسلك فواش درت والعقوبة ليكم تبكيو الدم وتمسحوه بالشوك ومتلقاو شكون يواسيكم _ خالتي اسمحيلي مكنتش متوقع دير هكا _ بلع فمك منيش خالتك ارفد يماك الكلبة وقود عليا نزيد نلقاكم هنا نباصي عليكم _ جيت ندي ولدي _ مكانش ومكلاه تحاول تديه ولد بنتي يبقى عندي _ معندكش الحق تحرميني من ولدي _ كيما حرمتني من بنتي نحرمك من ولدك _ انا منكثرش الهدرة معاك من حقي ندي ولدي والقانون يمدهولي، جا عيسى قالو هز يماك وقود وحتى وتروح تشكي لعزرين بعد والله ماتشوف طفل يبقى عند جداتو هي تعرف تربيه _ وعلاه انا منقدرلوش هذا ولدي _ وكي تديه شكون يربيه يماك القتالة ولا خواتاتك اللفاعي مكفاش وش دارو في يماه يكملو عليه مام هو _ انا ولدي نديه ليوم ولا غدوا _ تديه في منامك ديجا وجدو رواحكم تدخلو للحبس يبالكم وش درتو في بنتنا يفوت بالساهل لوكان مندخلكمش للحبس منيش راجل _ روح تقود بنت ختك مهبولة وقتلت روحها انا خاطيها _ قولت بنتي ختي مهبولة امالا _ ايه مهبولة ومقودة كيفها كيف لافامي تاعها _ انت جبتها لروحك.
#فريال