العوض الجميل

الجزء 68

#العوض_الجميل
#ليلى_كريم
#بقلم_فريال
الجزء 68
خرجنا من لكلينيك وشدينا واحد طريق بقينا نمشيو شي ساعة هكاك حتى لحقنا لقيتها ارض كبير ومحطوط فيها مواد البناء باين راح يديرو فيها مشروع كبير نظرا للحجم تاعها نزلنا انا وياه قالي عجباتك _ هيه تهبل _ ايا بيا لمزية عجباتك _ تاع من هذي _ تاعك _وشنووو _ شبيك تخلعتي هكا غير الخير _ كريم راك تتمسخر بيا _ من وكتاه انا نتمسخر بيك راني نقولك الارض تاعك _ وش ندير بيها انا _ تحققي حلمك _ وينى حلم _ هو كانو عندك زوج احلام الاول تكملي قرايتك في الخارج مصلحتلكش وذوك مستحيل نخليك تروحي وتبعدي عليا ايا قولت نحققلك الحلم الثاني وباش منكذبش عليك خاوتك ثاني عاونوني _ يعني هاذ الارض تاع لكلينيك الي كنت نحلم بيها _ ايه هي _ كيفاه ووكتاه ياك دراهم مكانش نصهم _ ساهلة خلاص نص دراهم تاوعك ونص لوخر تاعي ياك انا وياك متزوجين اي حاجة تاعي هي تاعك ومش خسارة فيك لوكان نلقى نمدلك عمري كامل ماشي غير دراهم، قربت ليه وحضنتو وبديت نبكي تاع صح الموضوع هذا حساس بالنسبة ليا طول عمري وانا نحلم نبني كلينيك خاص  بيا وحتى من بابا كان حاب نبنيه واليوم بفضل كريم تحقق حلمي وحلم بابا. متسكتيش ذوك _ لا خليني نبكي هذو دموع الفرحة منعرف كيفاه نتشكرك تاع صح فرحتني بالشي هذا ربي يحفظك ليا _ خلاص امسحي دموعك وخناينك رجعتي تضحكي _ صح اعطيني بابي مشوار نمسح _ لا اني نتمسخر مكان والو هيا ذوك ندورو وشوفي الارض بعقلك واذا مش عاجباتك نبدلوها مدام مزال مابداو يخدمو فيها _ لا تهبل ماخصها والو كثر خيرك _ صاي متخلينيش نندم كي خبرتك ذوك _ علاه _ كنت ناوي حتى توحد باش نخبرك بصح نخليك انت توجديها وتكوني حاضرة وتخيري كل حاجة بنفسك هذا حلمك انت _ نوعدك نخدم ونردلك دراهمك كامل _ بلعيه انا قولتلك رديلي دراهمي ياك ماقولتلكش امالا اسكتي وديجا في الفايدة ليا ولعايلتي نجيو للكلينيك باطل _ ايه باينة هذي _ هيا ذوك نروحو لدار تكوني تعبتي _ ايه نروحو نخبرو ماما اكيد راح تفرح _ ااا راني بديت نغير جيتي ديتيلي بلاصتي هي رجعت نهار كامل ليلى ليلى وانت نفس الشي ديتولي بلاصتي ذوك انا بقيت وحيد _ لا ياحبيبي راني معاك ومستحيل نخليك بلاصتك تبقى نفسها ديما _ متزيديليش العبد من بكري ناشف وتكملي عليه خليني صابر حتى يفرج عليا ربي ونرجع نذوق الحلوة تاعي _ هيا نروحو خير _ اهربي قد ماتقدري في نهاية راح تكوني بين يديا. لعشية هذيك لعجوز قلبت دار بالزغاريت ودارت لعشا على جالي فرحتلي من قلبها تقول اول حفيد عندها مام نسا سلافي فرحو بحملي وكل وحدة تنصح فيا تقولي متخدميش بزاف ومتهزيش ثقل ماتعبيش روحك ووش تتشهاي رانا هنا نديرولك، ناس هايلين تاع صح يهبلو مفيهمش الحسد والغيرة هذيك وحتى كي قولتلهم بلي راح نبني كلينيك فرحولي.
#فريال