العوض الجميل

الجزء 19

#العوض_الجميل
#ليلى_كريم
#بقلم_فريال
الجزء 19
طبيبة كي شافت حالة خاوتي وخصوصا نوفل كان راح يتلاح يقتلني كي شافني ساكتة ومدافعتش على روحي يبالو كلامها صح كان جاي ليا حبساتو طبيبة قالتلو مكانش منها انا فحصتها ولقيتها نظيفة مافيها والو ومكلاه تبع كلام الفتانات الي يحوسو يشعلو نيران بيناتكم، تحكي وتتخنز في سمية قربت ليا وقالتلي ربي يعينك على مرت خوك باين غايرة منك وناوية دمرلك حياتك قولتلها هذي ختي مش مرت خويا تشوكات قالتلي وش الوقت الي وصلنالو الاخت ولات تتاهم في ختها وتحوس على خلاها الله يهديها هذا مانقول. خرجنا من عند طبيبة نوفل حضني قالي مديري والو في بالك والكلب هذاك لوكان مندموش على وش دار ميسميونيش نوفل وحتى من الراجل الي راح لعندو وحكا في شرفك وعرضك نجبدو من تحت الارض ونعاود نربيه ولد الكلب نوريلو كيفاه يحكي في بنات الناس ويخربلهم حياتهم. سكت ماقولتلو والو تهنيت اصلا من الخطبة هذي قلبي مكانش مهنيني من جيهة هيثم فكل تعطيلة كاين الخير واذا مكتبليش ربي نتزوج هاني قاعدة مش راح نموت بلا زواج. روحنا لدار قابلونا كامل لافامي كانو يستناو فينا قالهم عيسى خويا مكان والو ختي نظيفة وانا علبالي بيها وكي ديتها لطبيبة مش لانو شاك فيها لا حاشا ولله كلش كلش ونشك في شرفها لانو هي ختي تربات قدام عينيا علبالي وش تسوا انا ديتها لطبيبة باش نسكت الناس كامل وهنا تموت لحكاية واحد مايجبدها بعد اليوم وذوك نروح لرخيس هذاك نتفاهم معاه ونجبد شكون فزد الخطبة على ختي ونعاود نربيه من اول جديد مش اخت عيسى### الي تتهان ويحيكو في شرفها هي اشرف منهم ومن سلالتهم الفايحة. راحو عمامي وخوالي ومعاهم خاوتي كامل معولين يوضحو الامور مبغاوش الفضايح وعلبالهم بلي ناس تبقى تخوس تفهم علاه بطلو عليا فيوم الخطبة واكيد اهل هيثم ميسكتوش ويفضحوني هوما خافو من البراني لا يفضحني ومخافوش من لافامي ياووو سبابي عايلتي هي الي راح تفضحني حتى وراني نظيفة بصح راح يوسخولي سمعتي ويخربولي حياتي كثر ماراهي مخروبة. فات الوقت ولحق ليل تعشاو كامل عندنا انل مادرت والو نسا خاوتي وبنات خالتي وخالاتي قامو بكلش عشاوهم وغسلو لماعن فرزو الحالة وقعدو يستناو الرجال يروحو طول بزاف لحقت ال23 باش جاو نوفل وجهو قريب يطرطق باين عليه قلقان اما الباقي فحالتهم عادي، تلمينا كامل في الصالو وبدا خالي يحكي قالنا روحنا عندهم ووضحنا كلش وهوما طلبو السماح وحتى من طفل قالنا مزالني حاب نخطبها اذا تقبلو قبل ماننطق انا ونقولهم مستحيل نقبل بيه يبعدني برك نطقت ماما وقالتلهم معنديش طفلة نمدهالو يروح من جيهة خلاف هذا من اول مشكل تخلى عليها بلا يسمعها قالتلها سمية احمدي ربي كي مزالو حاب يخطبها يسترها تتهناي منها خير ماتڨعدلك فدار بلا فايدة قالتلها ماما معندو مدخلك نهار تكون بنتك ومديها لواحد كيفو وبنتي مهيش ثقيلة عليا راهي عايشة في دار باباها وبشهريتها ماتحتاج حتى واحد انا تشوكيت وكامل الي فصالو تشوكاو يما دافع عليا واوووو اليوم يصب الثلج لحمر كي دافعت عليا وقدام شكون قدام سمية تقدم ملحوظ منعرف غضتها ولا دارت هكا على جا لمرت عمي كعاد هي تحب تعاكسها ديما، قالها خالي اصلا مقبلناش بعد وش دار اليوم مستحيل نقبلو نمدولو الطفلة يبوس عينو لا يشوفها ومذابيكم تسكرو على الموضوع هنا يموت.
#فريال