العوض الجميل

الجزء 67

#العوض_الجميل
#ليلى_كريم
#بقلم_فريال
الجزء 67
فاتو ليام يجريو وانا على نفس الحالة نافرة من كريم ونهار كامل ننسف عليه مانحكي معاه مانقعد وين يقعد نشنف فرات واغلب وقتي نفوتو عند لعجوز نرقد في حضنها وهي تحضني وتبوسني عوضتني على حنان الام رجعت نعيطلها يما اصلا معاملتها الي خلاتني نقولها يما لانو ماتفرقش بين بنتها وكنتها كامل تعاملهم كيف كيف وكي شافتني قلقانة ومهمومة ولات قريبة ليا بزاف كامل حاسبيني بلي موت بنت ختي اثر فيا عليها تبدلت بصح انا كنت شاكة في حاجة ومبغيتش نطمع روحي ومنلقى والو. ليوم كنت نخدم وغير نخبط ونتخبط وحدي ماعيات ليندة تسكتني وتحاول تفهم وش بيا وانا والو غير نعيط على لفراملة ونخبط قلقوني ميخدموش قدقد وزيد انا كرهت من جد لخدمة وجد حياتي كامل، بقات تحاول تهدني بالشوي بالشوي ومن بعد داتني فحصتني وكيما كنت متوقعة ظهرت بالحمل وعندي شهرين فرحتي ماني عاطيتها لحتى حد ليندة من الفرحة ناضت تزغرت تلمو كامل علينا كي سمعو باركولي فرحت فرحت بزاف هزيت تليفوني ديراكت عيطت لكريم هو ماصدق عيطتلو قالي ياك لباس مابيك والو _ لباس الحمدلله راك قاعد ذوك _ ايه قاعد كشما بيك نجي ليك _ لا مابيا والو بصح ارواح لعندي ذوك تلقاني في البيرو نستناك _ علاه _ ارواح ومن بعد تفهم كلش قولتلو كلامي وكوبيت عليه. بقيت نستنى فيه ماطولش وجا دخل يجري مسكين شربتلو لمرار ليامات الي فاتو نظل نتخنزر ونشنف عليه وهو مسايرني كلمة ماقالهالي. وش صرالك مكيش موالفة تعيطيلي الوقت هذا _ اقعد تشوف _ وش نشوف اصبر ذوك تعرف، عيطت لليندة كانت تستنى قريبة من لبيرو تاعي جات ليا ورجعت فحصتني والمرة هذي خلاتو يسمع صوت نبضات قلب البيبي هو كي شغل فهم ومافهمش جا ليا ديراكت باسني على جبهتي ليندة خرجت ثم ثم حشمت هو قالي الف مبروك علينا والحمدلله كي رزقنا ربي ذوك عايلتنا كملت _ ايه ذوك رجعنا في 3_ بعد عام نرجعو في 5 _ علاه 5هذي 4بزايد لا انا نبغي بزاف ولاد كيما يما جابت عرام مام انت تجيبس كيفها ولا _ ولا وش _ نزيد نزوج _ والله وديرها غير نخسر عليك موس ندخلو في قلبك ونكمل باقي حياتي فلحبس _ بعيد الشر عليك الله لايوصلني نشوف في مرا غيرك ولا نخمم فيها انت كافيتني من كل نواحي مع انو اليامات الي فاتو شربتيلي المر بصح معليش كلش يهون على جالك _ اسمحلي بصح والله ماكنت نحملك ومنبغيش نشوفك _ وذوك _ شويا _ امالا نبقى بعيد عليك حتى يفوت لوحم ومن بعد ندير راي فيك_ وش راح ديرلي _ نتلفلك المشية برك _ يااا والله ماتحشم عيب رانا فلكلينيك لوكان يسمعونا _ خليهم يسمعونا _ لا عيب منيش فلكلينيك تاع بابا باش ندير راي _ ايه فكرتيني على سيرة لكلينيك انت كنت حابة تحلي واحد وحدك صح _ ايه صح ومكتبتش _ هيا نوضي هزي صاكك والحقيني _ علاه وين نروحو مزال ماكملت خدمتي ذوك _ صاي هيا برك ذوك نحكي مع المدير وانت ازربي _ وين نروحو _ نديك لواحد لبلاصة يعني هي مزال وقتها بصح نديك ذوك خير.
#فريال