92 01
Ch92 - လီချန်သည် လူမျိုးရေးခွဲခြားခြင်းကို ကြုံတွေ့ရသည်
ပျံသန်းခြင်းဆယ်နာရီကြာပြီးနောက် ငယ်ရွယ်သော တရုတ်အားကစားသမားများ ရာပေါင်းများစွာ သယ်ဆောင်လာသော လေယာဉ်မှာ သြစတြေးလျလေဆိပ်သို့ အချိန်မှန်ရောက်လာခဲ့သည်။
လေယာဉ်ပျံဆိုက်သောအခါ နေဝင်သွားပြီဖြစ်သော်လည်း တောက်လောင်နေသောအပူမှာ ကျန်ရှိနေသေးသည်။ သူတို့သည် နှစ်တစ်နှစ်၏ အအေးဆုံးအချိန်၌ မနက်တွင် တရုတ်မြို့တော်သို့ ထွက်လာကာ ယခုသူတို့အား နွေရာသီမှ ထွေးပွေ့ထားခဲ့သည်။ အားကစားသမားများစွာမှာ ရုတ်တရက်အပူချိန်ပြောင်းလဲမှုရလဒ်ကြောင့် အပူရှိန်လွန်ကဲကာ ချွေးများထွက်လာသည်။
အဆိုးဆုံးအပိုင်းမှာ သူတို့သည် စွပ်ကျယ်ရှပ်အင်္ကျီများနှင့် ဘောင်းဘီတိုများ အမြန်မဝတ်နိုင်ခြင်းဖြစ်သည်။ အဘယ်ကြောင့်ဆိုသော် သတင်းထောက်များမှာ လေဆိပ်အပြင်ဘက်တွင်ရှိနေပြီး သူတို့မှာ သူတို့၏တူညီဝတ်စုံများဖြစ်သော တရုတ်ပုံစံကော်လံထောင်နှင့် ခါးပတ်တို့ကို ဝတ်ဆင်နေရသည်။
ပုံမှန်ဝတ်စုံများမှာ အားလုံးကိုယ်တိုင်းချုပ်ထားပြီး လီချန်၏သွယ်လျသောခါးကို ပေါ်လွင်စေသည်။ သူသည် ပုံမှန်ဝတ်စုံဝတ်ပြီးနောက် ပို၍ပင်သွယ်လျ၊ရှည်လျားကာ ဖြောင့်မတ်နေသည်။ အမျိုးသမီးအဖွဲ့မြင်သောအခါ သူတို့မျက်လုံးများတောက်ပသွားကာ သူ၏ခါးကိုထိရန် တန်းစီနေခဲ့ကြသည်။
လီချန်သည် ထပ်သည်းမခံနိုင်တော့ဘဲ လေဆိပ်၌ရန်ဖြစ်ကာ အော်လိုက်သည်: "တော်ပါတော့။ နှာဘူးမတွေရဲ့။ ယုံယုံမယုံမယုံ ငါနင်တို့ကို လိင်ပိုင်းဆိုင်ရာထိပါးစော်ကားမှုနဲ့ တရားစွဲမယ်"
အမျိုးသမီးအဖွဲ့မှာ အဓိပ္ပာယ်မရှိသော အကြောင်းပြချက်ကို အသုံးပြုခဲ့သည်။ "နင်က ခေါင်းဆောင်ဖြစ်ပြီး အိုမီဂါပဲလေ။ သာမန်အားဖြင့် နင်အဖွဲ့အောင်မြင်ဖို့အတွက် ကိုယ်ပိုင်အနစ်နာခံမှုတွေလုပ်ရမှာပေါ့။ ဦးဆုံးအနေနဲ့ မိန်းကလေးတွေ ခံစားချက်ကောင်းအောင် လုပ်ပေးပေါ့"
