ချိုမြိန်ပေမဲ့ ကြောက်ဖို့ကောင်းတဲ့ အိုမီဂါလေး

အခန်း ၁၁၅

115 01

Ch115 - အပို 8: အသိုက်အမြုံ အဆောက်အဦး (2)

လီချန်၏ကိုယ်ဝန် တတိယလအတွင်း ပြင်းထန်သော အသိုက်အမြုံ အပြုအမူဖြစ်လာခဲ့သည်။

အသိုက်အမြုံ အပြုအမူအား ကိုယ်ဝန်ဆောင်စဉ်အတွင်း ပုံမှန်မဟုတ်သော စုစည်းခြင်းစွဲလမ်းမှု၏ ရုတ်ခြည်းပြောင်းလဲမှုအဖြစ် အဓိပ္ပာယ်သတ်မှတ်ခဲ့သည်။ ဤသည်မှာ ငယ်ရွယ်စဉ်တွင် အသိုက်လုပ်ရန် အရွက်များနှင့် အကိုင်းအခက်များ စုစည်းနေသော တိရစ္ဆာန်ငယ်လေးနှင့် ဆင်တူသည်။ ရလဒ်အားဖြင့် သုတေသီများမှာ ဤဇီဝကမ္မအခြေအနေအား "အသိုက်"ဟု ခေါ်ကြသည်။

အိုမီဂါတစ်ယောက်ချင်းစီ၏ အသိုက်အမြုံအလေ့အထမှာ ထူးခြားသည်။ ဥပမာ ဆရာမကျွီရှန်း ကိုယ်ဝန်ဆောင်နေသောအခါ သူမသည် နူးညံ့သောအရာများနှင့် ‌သိုးမွေးစောင်များ စုဆောင်းရသည်ကို နှစ်သက်သည်။ ရှောင်ရီဟန်သည် ဆရာမကျွီ၏အိမ်ထဲသို့ ဝင်လာကာ ခေါင်းအုံးများနှင့် ပြည့်နေသော ဧည့်ခန်းတစ်ခုလုံးကို ရှာတွေ့ခဲ့သည်ကို သတိရခဲ့သည်။

တစ်ဖက်တွင်မူ လီချန်၏ အသိုက်အမြုံအပြုအမူမှာ ပို၍ပင်ကွဲပြားနေသည်။

အစပိုင်း၌ သူသည် ရွှေရောင်ပစ္စည်းများကိုသာ စိတ်ဝင်စားခဲ့သည်။ ရွှေရောင်ကူရှင်များ၊ ရွှေရောင်အဝတ်အစားများနှင့် ရွှေရောင်အ‌စားအသောက်များ... သူသည် ကိုယ်ဝန်ဆောင်နေစဉ် ဆေးမဆိုးနိုင်သောကြောင့် ရှောင်ရီဟန်မှာ သူ့ဆံပင်ဆေးမဆိုးရခြင်းအတွက် လျော်ရန် ရွှေရောင်ပစ္စည်းများကို စုဆောင်းခဲ့သည်ဟု သူယုံကြည်ခဲ့သည်။

သို့သော် အချိန်ကြာလာသောအခါ သူတို့အိမ်မှာ ရွှေရောင်ဖြင့်လုံးဝပြည့်လုနီးပါးပင်...

‌

နောက်ဆုံး ရှောင်ရီဟန်သည် ပြဿနာရှိနေခဲ့သည်ကို သတိပြုမိခဲ့သည်။

"ချန်ချန်၊ မင်းအသိုက်အမြုံအပြုအမူ ပြနေတာလား" ရှောင်ရီဟန်မေးလိုက်သည်။

လီချန် အံ့ဩသွားခဲ့သည်။ သူသည် ရွှေရောင်တံခါးကို ကြည့်ကာ အာရုံထဲနစ်မြုပ်သွားခဲ့သည်။