ချိုမြိန်ပေမဲ့ ကြောက်ဖို့ကောင်းတဲ့ အိုမီဂါလေး

အခန်း ၁၀၂

102 01

Ch102 - လူယုတ်မာမှာ ရေကူးအသင်းမှ အထုတ်ခံရကာ တစ်သက်တာ ပိတ်ပင်ခံရသည်

ကမ္ဘာ့လူငယ်ကစားပွဲများ အဆုံးမသတ်သေးသော်လည်း ရေကူးအဖွဲ့မှာ ခရီးထွက်နှင့်ပြီးဖြစ်သည်။ ရေကူးအသင်းမှာ ကောင်းမွန်စွာစွမ်းဆောင်ခဲ့ကာ အဓိကပွဲစဉ် ၁၈ပွဲတွင် တရုတ်ရေငုပ်အသင်းနောက် ဆုတံဆိပ်တစ်ခုမရှိဘဲ ဒုတိယနေရာနှင့် အဆုံးသတ်ခဲ့သည်။

သူတို့အားလုံး ဆယ်ကျော်သက်များဖြစ်ပြီး ပြိုင်ပွဲပြီးသောအခါ တစ်ညလုံး ပါတီပွဲကျင်းပရန် သူတို့အတွက် သာမန်သာဖြစ်သည်။ လူတိုင်းမှာ ခုန်ပေါက်ပြေးလွှားနေကာ စားကြသောက်ကြပြီး ဆက်ဆံရေးတစ်ခုဖန်တီးကာ အမျိုးသားသို့မဟုတ် အမျိုးသမီး အယ်လ်ဖာ၊ ဘီတာသို့မဟုတ် အိုမီဂါဖြစ်နေပါစေ ပျော်ရွှင်နေကြသည်။

နည်းပြယွီသည် သူတို့အား မထိန်း‌ချုပ်သော်လည်း ထိုအစား သူမသည်သူတို့အား သတိထားရန်သာ သတိပေးခဲ့သည်။

"နည်းပြ စိတ်မပူပါနဲ့" လီချန်သည် သူ၏ပခုံးကိုပုတ်ပြကာ သူမအားစိတ်ချစေခဲ့သည်။ "ခေါင်းဆောင်ဖြစ်တဲ့ ကျွန်တော်နဲ့ဆို ဒီမှာသူတို့တုန်လှုပ်စရာကောင်းတဲ့ အရာမျိုးတွေ လုပ်ရဲမှာမဟုတ်ဘူး"

"......."နည်းပြယွီရှင်းပြခဲ့သည်။ "နင်ဒီမှာရှိနေလို့ ငါစိတ်မအေးနိုင်တာလေ"

နည်းပြယွီထွက်သွားသည်နှင့် မည်သူကမျှ ဤဆိုးသွမ်းသော မျောက်များအား မထိန်းချုပ်နိုင်ပေ။

တိုက်ရိုက်ထုတ်လွှင့်မှုစတင်ရန် တစ်စုံတစ်ယောက်က အကြံပေးခဲ့သည်။ ကျိုးကျန်သည် သူ၏ကိုယ်ပိုင်အကောင့်တွင် ပရိသတ်အများဆုံး ရှိနေခဲ့သည်။ သူသည်သူ၏ဖုန်းကို အမြန်လက်ခံကာ တိုက်ရိုက်ထုတ်လွှင့်မှု ဆော့ဖ်ဝဲကို ဒေါင်းလုတ်ဆွဲခဲ့သည်။

ကြိုတင်သတိပေးမှု မရှိသော်လည်း ကမ္ဘာ့ချန်ပီယံ၏ သက်ရောက်မှုမှာ အတော်အားသန်သည်။ ဆော့ဖ်ဝဲထဲဝင်လိုက်သည်နှင့် ပရိသတ်ထောင်ပေါင်းများစွာမှာ ကျိုးကျန်အား နှုတ်ဆက်ရန် ပြေးလာခဲ့ကြသည်။ တိုက်ရိုက်ထုတ်လွှင့်မှုပိုကြာလေ ကြည့်ရှုသူများလေဖြစ်သည်။