96 01
Ch96 - ရှောင်ရီဟန်၏ မိဘများ သူ့အားရှာဖွေရန် မြို့တော်သို့သွားရန် ဆုံးဖြတ်ခဲ့သည်
စိတ်အားထက်သန်ကာ အသက်ဝင်သောဂီတသံများ၏ နှိုးဆော်မှုတွင် တရုတ်လက်ရွေးစင်အသင်း၏ အားကစားသမားများမှာ လေးထောင့်ပုံတန်းစီနေကာ အားကစားရုံလမ်းကြောင်းထဲ ဆက်သွားခဲ့ကြသည်။
လီချန်မှာ လူတန်း၏အရှေ့ဆုံး၌ ရှိနေခဲ့သည်။ သူသည်ဤအကြိမ်တွင် အရေးကြီးသောအလုပ်အား ပုံအပ်ခြင်းခံရကာ ဖွင့်ပွဲအခမ်းအနားအတွက် အလံကိုင်သူအဖြစ် ရွေးချယ်ခံခဲ့ရသည်။ သူသည်စိတ်လှုပ်ရှားစွာ နိုင်ငံတော်အလံအား လှုပ်ခါနေကာ သူ၏သွယ်လျသောပုံရိပ်မှာ ကိုယ်တိုင်းတရုတ်ယူနီဖောင်းနှင့်ဖုံးကွယ်ထားပြီး သူ၏အမူအရာတိုင်းမှာ ပြောမပြတတ်အောင် ဆွဲဆောင်မှုရှိနေသည်။
ဒါရိုက်တာမှာ ကြည့်ရှုသူဘာမြင်ချင်သည်ကို သတိကောင်းစွာထားမိနေခဲ့သည်။ ကင်မရာသည် လီချန်၏ဖြောင့်စင်းကာသွယ်လျသည့် ခြေထောက်များမှစတင်ကာ အပေါ်သို့တက်လာပြီး ကြည့်ရှူသူများအား သူ၏ခါးသွယ်သွယ်နှင့် ကိုယ်ထည်ရှည်ရှည်ကို အိုမီဂါ၏ပုံရိပ်ပေါ် လုံးဝမအေးခဲခင် ကြည့်ခွင့်ပေးထားခဲ့သည်။
သူ၏အပြုံးမှာ ရွှင်ပျနေပြီး မျက်လုံးများမှာ ချိုမြိန်မှုနှင့် ပြည့်နေကာ မျက်ခုံးနှင့်မျက်လုံးထောင့်များမှာ အောင်ပွဲသည်သူ၏ လက်တစ်ကမ်းတွင်ရှိနေသကဲ့သို့ တိုက်ခိုက်လိုစိတ် ပြင်းပြနေသည်။ သူသည် ကမ္ဘာ၏ထောင့်နေရာတိုင်းအား ကူးစက်ခြင်းဖြင့်ပေါ်လာကာ သူ၏ခေါင်းကိုမြင့်မြင့်မော့ကာ နိုင်ငံတော်အလံအား ဝှေ့ယမ်းနေသည်။
App၏ တိုက်ရိုက်ထုတ်လွှင့်မှု ဖန်သားပြင်မှာ မှတ်ချက်များနှင့် ချက်ချင်းပြည့်လာခဲ့သည်။
"ငါလုပ်နိုင်တယ်"
"ငါတကယ်လုပ်နိုင်တယ်"
"ငါလည်း အကြိမ်ပေါင်းများစွာ 'ငါလုပ်နိုင်တယ်'လို့ပြောပြီးတာကြောင့် ပင်ပန်းနေပြီ..."
ကီလိုမီတာထောင်ပေါင်းများစွာဝေးကွာနေသော တရုတ်နိုင်ငံ၏မြို့တော်ထဲတွင် ရှောင်ရီဟန်သည် ဖန်သားပြင်ပေါ် တက်လာသော "ခစ်ခစ်ခစ်"စာကြောင်းများကို ကြောင်ကာ စိုက်ကြည့်နေပြီး သူ၏မျက်မှောင်အနည်းငယ် ကြုတ်သွားသည်။
