ချိုမြိန်ပေမဲ့ ကြောက်ဖို့ကောင်းတဲ့ အိုမီဂါလေး

အခန်း ၁၀၄

104 01

Ch104 – "ကျွန်တော်က ခင်ဗျားတို့သားရဲ့‌ ကောင်လေးပဲ။ ကျွန်တော်ဒီကို မယားခိုးဖို့လာတာ"

အဆောက်အဦး အေ၊ ဟွီဟွမ်နယ်ပယ်။

ရှောင်မိသားစု။

အယ်လ်ဖာငယ်လေးသည် နံရံကိုမျက်နှာမူကာ ဒူးထောက်နေခဲ့သည်။ အထူးဒီဇိုင်းဆွဲထားသော စာအုပ်စင်မှာ ဆုဖလားများ၊ ဆုတံဆိပ်များနှင့် လက်မှတ်များတို့ဖြင့် ပြည့်ကျပ်နေခဲ့သည်။ ရွှေရောင်များမှာ အတူချိတ်ဆက်နေပြီး ဆယ့်ရှစ်နှစ်မပြည့်မချင်း သူလမ်းလျှောက်တတ်သောအချိန်မှစ၍ အယ်လ်ဖာ၏ထက်မြက်မှုကို ရောင်ပြန်ဟပ်နေသည်။

ထို့ပြင် ယခုသူသည် ထိုတူညီသော "အောင်မြင်မှု"ရှေ့၌ ဒူးထောက်နေကာ "ခြေလှမ်းမှား"ကိုယူခဲ့ကာ အပြစ်လုပ်ခဲ့ခြင်းအတွက် ပြန်သုံးသပ်နေခဲ့သည်။

ကောင်လေး၏နောက်ကျောမှာ ဒူးထောက်နေလျက်ပင် ဖြောင့်တန်းနေသည်။ ထိုဆုများ၏အလေးချိန်များမှာ သူ့အား တစ်လက်မပင်လျှင် ကျောမကုန်းစေနိုင်ပေ။

ခဲတံနှင့် စာရွက်အကြမ်းအထုပ်မြင့်ကြီးမှာ သူ၏အရှေ့ရှိကြမ်းပြင်ပေါ် ရှိနေခဲ့သည်။

စာရွက်ပေါ်တွင် ကွက်လပ်လွတ်များစွာ ရှိနေသည်။ ပထမစာမျက်နှာ၏ ထိပ်ဆုံးတွင် စာလုံးကြီးလေးလုံးသာ ရေးထားခဲ့သည်။ "အခြေအနေကို ရှင်းပြခြင်း"

အေးစက်စက် စာလုံးလေးလုံးခေါင်းစဉ်မှာ သူဌေးအား အစီရင်ခံနေသော လက်ထောက်နှင့် ဆင်တူသည်။

သို့သော် ထိုစာလုံးလေးလုံးများမှာ သူ၏လက်များမှ ရေးသားထားခြင်းမဟုတ်သည်မှာ ရှင်းလင်းသည်။ လက်ရေးလက်သားများမှာ သူ့အတွက် ရေးပေးသောလူမှာ သူတို့၏ မြင့်မြတ်‌သောကိုယ်ကျိုးကို နှိမ့်ချရန် ကြံစည်ကာ သူ့အတွက် အထူးနှစ်သက်မှုအနေဖြင့် စာလုံးများကို ရေးပေးရန် ကမ်းလှမ်းခဲ့သည့်အလား ထောင်လွှားနေသည်။

အယ်လ်ဖာငယ်လေးသည် သူ့အားဖြည့်ရန်စောင့်နေသော စာရွက်အကြမ်းအလွတ်ပုံအား စိုက်ကြည့်နေခဲ့သည်။ သူ၏ပါးစပ်ထောင့်မှ ကဲ့ရဲ့မှုမှလွဲ၍ သူ၏မျက်နှာမှာ အမူအရာမဲ့နေသည်။