لمن قلبي «أخطو إليك» |قيد الكتابة|

الفصل العشرين: أللغفران سبيل بيننا؟!.

بعاند فكرة المتساب علشان أهدى،
وبجبر عقلي في غيابك يكون نساي،
يقولوا إن إنتِ سيبتيني دي تتعدى،
لكن يتقال كرهتيني تعدي إزاى!،
شهادة حق من غيرك، بتتشاف
الحياة واقفة، ودا بيجرح في إحساسي،
ودي بتشمت وتتشفى، وأبان هادي،
وأقول عادي، يومين وتقابلوها معايا،
يفوت كام يوم ويسألوا فين، أقول
أهي ساكنة جوايا!.

الفنان والمطرب: رامي جمال✨.

صلوا من أجل أخواتنا الفلسطينيين وإن ربنا يرحمهم ويرفع غضبه عنهم ويفتقدهم برحمته ويعزيهم ويطبطب على قلوبهم ويدي سلام للعالم.🌿

متنسوش لو عايزين تفرحوني وتاخدوا ثواب إدخال سعادة لقلب بني آدم بائس، تملوا فراغ النجمة بإنكم تضعطوا عليها، وتشاركوني رأيكم لأنه بيفرق❤️🦋.
⁦♡_____________________________♡

كانت جالسة بالقرب من البحر تطالعه بحزن ودموع لا تجف من عينيها، لم يقع الظلم عليها قط ولكنها حساسة تجاهه، ولكن ألا يوجد ظلم قد وقع عليها بحياتها قط!، فهى حُرمت من والدتها، تعترف بأن والدها كان لها كل شئ ولكن الحرمان مؤلم، لم تستطع عيش حياة طبيعية بسبب ما حدث لابنة خالها المنتحرة ومن وقتها هى لم تستطع التعافى من تلك النكبة التي طالتها هى وابنيّ خالتيها _«رامي وإيهاب»_ وجدها العزيز، كانت هذه المرحلة هى نقطة تحول للجميع سلبًا.

أحست به يلهث بجوارها قائلًا:

" مالك يا «ڤيرينا»، إنتِ كويسة؟، حصل إيه؟ ".

نظرت له وهى تبكي وقالت بتلعثمها المعتاد:

" لا مش كويسة، ليه بيحصل كدا!، محدش فيهم كان يستاهل كدا، ليه قصتهم متكملش! ".

أما هو فكان يستمع شكواها وهو لايدري عما تشتكي أو عن من، ليسألها قائلًا:

" طيب ممكن تهدي وتعرفيني مالك ".

نظرت له وقصت له كل ماحدث وكل ما يؤلمها، استنشق شهيقه بعمق وقال وهو يجز على أسنانه بعدما أسقطت قلبه بسبب بكاءها:

" أنا مش هتكلم على دمي اللي نشفتيه علشان زعلانة على شق غيرك!، بس كل اللي تقدري تعمليه إنك تصليلهم ربنا يهديهم ".

نظر لها ثم قال:

" إمسحي دموعك يالا علشان أروحك ".

نظرت له وكأنه شخص لم يعتد على معرفتها، ليقول هو وهو يستشعر نظراتها نحوه:

" «ڤيرينا» اللي حصل زمان حاجة مينفعش تغيريها، مينفعش كل ما تشوفي حاجة قدامك تخافي من أي حاجة تانية تحصل، مش كل شئ نهايته زي «ماريا»، النهايات الحزينة بتحصل ساعات، بس إحنا اللي بنعجل بيها أوقات، مش بنشوف غيرها ساعات، بنبقى عايزين تغيير فوري ودا مش من طبع الأيام، ساعات البُعد المؤقت بيكون الخلاص، علشان يعرفوا قيمة بعض، ولما يرجعوا يتعملوا من اللي حصل، فيه طرف قاسي أكيد، بس هنا بيبان هل الطرف التاني سامح في القساوة دي ولا لا! ".