အိမ်ထောင်ကျပြီး တစ်အိမ်တည်းနေကြတဲ့
ရစ်ခီနဲ့ထယ်ရယ်ပေမဲ့ တစ်ယောက်အချိန်ကို
တစ်ယောက်လိုက်မမှီနိုင်ကြသေးဘူး
ထယ်ရယ်က မနက်စောစောထ ထမင်းချက် ပြင်ဆင်
လုပ်စရာရှိတာတွေ တောက်လျှောက်လုပ်တယ်
ရစ်ခီကတော့ နေမြင့်မှထပြီး
ထယ်ရယ့်အချိန်ဇယားတွေကို
လိုက်မမှီနိုင်သေးတာပေါ့
ထယ်ရယ်က ရစ်ခီ့ကို ဘာမှမပြောရှာပါဘူး
သူ့အမျိုးသားက အလုပ်တစ်ဖက်နဲ့
တစ်ခါတစ်လေ ရုံးမှာအချိန်ပိုဆင်းရရင်ဖြစ်ဖြစ်
ရှုပ်ထွေးတဲ့အမှုတွေကိုင်ရရင်ဖြစ်ဖြစ်
အိမ်ကိုနောက်ကျမှပြန်လာရပြီး အိပ်ရေးပျက်တော့
ကျန်တဲ့ ကိစ္စတွေ ထယ်ရယ်ပဲ ဒိုင်ခံလုပ်ပေးနေတာ
ရုံးပိတ်ရက်တွေကတော့ ရစ်ခီ့အကြိုက်ဆုံးပေါ့
အဲ့နေ့တွေဆို ထယ်ရယ့်ကိုလဲ ပြခန်းမသွားခိုင်းဘဲ
အိမ်မှာပဲ နားခိုင်းတယ်
ဒီတစ်ပတ်ကတော့ စနေ တနင်္ဂနွေ ရုံးပိတ်ရက်အပြင်
ခရစ္စမတ်နေ့ကပါ တနင်္လာနေ့နဲ့ဆက်သွားတော့
ရစ်ခီ အပျော်ကြီးပျော်နေတာပေါ့
ဒီနေ့ စနေနေ့ အိမ်မှာပဲ နှစ်ယောက်သား
အချိန်ကုန်နေကြလေရဲ့
" ထယ်ရယ် ... ကို့အနားလာပါအုံး မုန့် နောက်မှလုပ် "
ထယ်ရယ်က ပိတ်ရက်တိုင်းကို ရစ်ခီစားချင်တဲ့
မုန့်လေးတွေ တစ်ခုမဟုတ်တစ်ခု
လုပ်ပေးတတ်တာလေ
" မုန့် နောက်..နောက်မှ စား..မှာလား "
" အင်း ခု ကို့အနား အရင်လာ "
apronလေးကို ချွတ် နေရာတကျထားပြီးတော့
ဧည့်ခန်းဆိုဖာပေါ်မှာထိုင်နေတဲ့ ရစ်ခီ့ဆီ ပြေးလာလေရဲ့
" ဖြေးဖြေးလာပါ လှုပ်စိလှုပ်စိလေးနဲ့
ဘာကောင်လေးမှန်းကိုမသိဘူး "
ရစ်ခီက ဖက်ဖို့အတွက် လက်နှစ်ဖက်ကို အဆင်သင့်
ဆန့်ထားတော့ လူကောင်သေးသေး ထယ်ရယ်လေးက
ရစ်ခီ့ပခုံးကျယ်ကျယ်တွေကြားထဲ အလိုက်သင့်ပဲ
ရင်ခွင်ထဲမြုပ်နေအောင် ဖက်ထားလို့ရတယ်ဆိုတာ
ဒါမျိုးကိုပြောတာပေါ့ ...
" ရာသီဥတုအေးနေတော့ ဖက်ထားချင်တာလေ "
" ဒါ..ဆို နွေ..နွေရာသီ..ကျ ပူရင် မ..မဖက် ဘူးပေါ့ "
YOU ARE READING
Heart Never Lies ( 마음은 거짓말을 않아 )
Fiksi Penggemar" ငါ ထယ်ရယ့်ကို ကာကွယ်ပေးမှာမလို့ ယုံပေးမလား ငါ့နောက်ကိုလိုက်ခဲ့ပေးမလား? " " ထယ်... ထယ်ရယ် ... ထယ်..ရယ် ဟိုး... တိမ်လေး... တိမ်လေးတွေကို သဘောကျ သလို...မျိုး ရစ်ခီ... ရစ်ခီ့ကို.. သဘောကျ..တယ် " Ricky x Taerae
