أمتلكني بألاجبار

البارت التامن

8-----
أمتلكني بألاجبار
بقلم ملك عبد المنعم
مريم اتنهدت و هي بتغمض عينيها/لو حقك الشرعي هو اللي هيخليك تطلقني اتفضل خده و طلقني
ادهم بصلها بهدوء و هو بيبعد اللاب توب و بيقربها منه ادهم بص على توترها و خوفها بتركيز و جسمها اللي ابتدي يترعش
ادهم بصلها بهدوء/بس شكلك بيقول عكس كده
مريم نزلت راسها بتوتر . ادهم رفع وشها و هو بيركز في ملامحها بهدوء/نامي يا مريم انا مش هقرب منك و انتي خايفه مني للدرجادي.
مريم بسخريه/انا وجودي معاك هو اللي مخوفني .
ادهم اتنهد بهدوء/انا مش هأذيكي يا مريم . ملوش لازمه الخوف ده كله .
مريم بصتله بهدوء و سبته و نامت .
__________________________
ادهم صحي في نص الليل علي صوت تليفونه
ادهم/في ايه يا معتز
معتز /في كارثه يا ادهم السوشيال ميديا و الجرايد كلها بتتكلم عن جوازك من الصحفيه مريم جلال
ادهم فاق من نومه بغضب/انت بتقول ايه و ازاي خبر زي ده يوصل للصحافة
معتز/ادهم انت مش قد خساير تاني اعرف هتتصرف ازاي و بعد كده شوف مين اللي قال للصحافه
ادهم قفل تليفونه بغضب و هو بيبص على مريم اللي نايمه بهدوء
_________________________
ناديه /ضحكت عليك يا اخويا زي كل مره و رمتلك ملاليم
جلال/ما قولتلك ملكيش دعوه بالموضوع ده
ناديه/مليش دعوه ازاي . يعني بنتك متجوزه راجل شكله كبير اوي و جايه ترميلك ملاليم و انت قاعد ساكت
جلال/يووه انتي مبتزهقيش قولتلك اسكتي بقي انا عامل دماغ و مش ناقصك
ناديه بخبث/انا كل اللي عايزاه مصلحتك مينفعش تكون انت هنا بتشحت فلوس من الناس و هي عايشه في العز لوحدها و ناسياك و رمياك هنا و كل شويه تبعتلك ملاليم تسكتك بيهم
جلال/عايزاني اعمل ايه يعني
ناديه /تاخد كاميليا بالعافيه و اظن مفيش محكمه ممكن ترفض ترجع بنت لابوها
_____________________________
مريم طلعت من الحمام و هي بتنشف شعرها و بتبص بتوتر علي اللي بيبصلها بغضب
ادهم اتحرك بهدوء و هو بيقول/اعملي حسابك انهارده هنعمل حفله إعلان جوازنا
مريم بصتله بصدمه/ايه .انت بتقول ايه .احنا متفقناش على كده
ادهم اتحرك ناحيتها بغضب/و متفقناش بردك تقولي لحد أننا متجوزين
مريم /بس انا مقولتش لحد
ادهم مسكها من دراعها بغضب/انتي هتستعبطي يا بت انتي . محدش من مصلحته يعمل كده غيرك انتي .
مريم بدموع/والله مقولتش لحد و مفيش حد يعرف حاجه عن جوزانا.
ادهم بعصبيه/لا شغل الملايكه و البراءة ده مش عليا . انتي غلطتي و غلطاتك كترت يا مريم و هتدفعي تمن غلطك ده جامد اوي.
مريم بعدت و هي بتعيط/طب لو انا فعلا هعمل كل ده ليه. ايه مكسبي من كده . ادهم انا بكره اليوم اللي شوفتك فيه و استحاله اقرب جمب اي حاجه ليها علاقه بيك . انا بعد الايام عشان امشي من هنا . لسه هدخل نفسي في مشاكل تاني معاك.
ادهم مسح على وشه بغضب/انا قولت كلمه و مش هكررها تاني تجهزي عشان حفلة بليل مش هسمحلك تبوظيلي حاجه تاني
مريم بدموع/اعمل اي حاجه الا ده .انا كده مستقبلي ممكن يضيع .تفتكر الناس هتقول عليا ايه لما انزل عند مقال و بعد اسبوعين لتعلن جوازنا . انا سمعتي ممكن تبوظ بسببك زي ما بوظت حياتي .
ادهم /انا قولت كلمه و مش هكررها يا مريم معندكيش خيار تاني غلطتي و تستحملي نتيجة غلطك
و سبها و مشي
_______________________
ادهم بص على نفسه قدام المرايا و هو بيحط اللمسات الأخيرة على البدله .لحد ما مريم طلعت و هي بتبص على الفستان اللي جبهولها و صمم أنها تلبسه .مريم وقفت قدام المرايا جمبه بضيق و هي بتفرد شعرها .
ادهم مسك أيديها بهدوء و هو بيلبسها الدبله/خليها في ايدك الفترة دي عشان محدش يحس بحاجه .
مريم بصت على ايديها بقرف . عكس ادهم اللي بص ببرود.
ادهم /متنسيش انك طلبتي ابتسم و اكون لطيف قدام خالتك و ده حصل . الصحافه اللي تحت دي هتصور كل حاجه عايز ابتسامتك تكون واضحه و طريقتك تكون لطيفه قدام الناس .
مريم /حاضر حاجه تاني .
ادهم /اه . ياريت متبعديش خالص . يعني طول الحفله خليكي موجوده معايا مهما حصل متتحركيش من مكانك انتي فاهمه .
مريم حركت راسها بهدوء .
___________________________
الحفله مكنتش بسيطه خالص كلها صحافه و مصورين. كان بالنسبه لمريم جو مخيف و كانت متوتره جدا .و هي شايفه نظرات الناس كلها عليها هي و ادهم اللي كان مبتسم طول الوقت .
الصحفي /مش غريبه أن ادهم نصار رجل الأعمال الكبير يتجوز بالسرعه دي.
ادهم ابتسم ببرود/و مين قال إنه بسرعه مش لازم عشان رجل اعمال اني افتح حياتي الشخصيه قدام الناس انا حابب احتفظ بحياتي الشخصيه بعيد عن الإعلام.
صحفي اخر /بس مدام مريم نزلت مقال بتتكلم فيه عشان سوء أوضاع شركتك السنه دي و في ناس بتشكك أن الجواز ده حقيقي أو أنه وراه حاجه خصوصاً بعد ما المقال بتعاها وصل للعالم كله .
مريم اتوترت و هي شايفه ادهم بيسحبها لحضنه و بيحط أيده على وسطها.
ادهم /ده شغل و ده جواز و انا و مريم علاقتنا مع بعض من قبل المقال بتاعها ما ينزل . و ده شغلها و هي معملتش حاجه غلط و مش مقال و أو نسبة مبيعات هي اللي هتعرف الناس مين ادهم نصار .
الصحفي /ليه حضرتك أعلنت جوازك متأخر ليه مكنتش في وقتها
ادهم ابتسم و هو بيبص لمريم/دي كانت رغبة مريم حبيبتي مكنتش عايزه جو الصحافه و الاعلام و كانت حابه تكون حياتنا برايفيت .
قال كلامه و هو بيسحبها و بيمشي وسط الإعلام و الصحفيين.
______________________________
فاطمه/بت يا نور مش دي مريم بنت خالتك
نور بتركيز/ايوه هي يا ماما و ده ادهم كمان اللي معاها دي باين حفله كبيره اوي.
فاطمه/اقريلي كده يا بنتي مش شايفه مكتوب ايه .
نور /حاضر يا ماما. حفلة اعلان جواز رجل الأعمال ادهم نصار بعد تداول الإشاعات حول زواجه من الصحفيه مريم جلال.
فاطمه بفرحه/بصي شكلهم حلوين ازاي مع بعض ربنا يحرصهم من العين.
______________________________
نصار خبط على المكتب بغضب/عملها ادهم نصار عملها تاني.
علي بخوف/خلاص يا باشا مش لازم تضايق نفسك اوي كده هنلاقي حل تاني .
نصار/كل حاجه و ليها مخرج عنده.. ادهم ده مش ساهل ابدا .
علي /مش ساهل على نفسه يا باشا احنا لسه معانا البداية.
نصار /تقصد ايه .
علي بخبث/ لو اللي اسمها مريم جلال فعلا في حاجه وراها تخص ادهم يبقي هتكون معانا مش معاه.
نصار بصله بتركيز و ضيق.
______________________________
مريم دخلت اوضتها بعد تعب و اسئله من الصحافه والاعلام.
وقفت قدام المرايا بملل و هي بتخلع الاكسسوارات .
ادهم وقف وراها و هو بيبص على انعكاسهم في المرايا .
مريم بملل/في حاجه تاني.
ادهم حرك راسه نفي بهدوء و هو بيلف أيده على وسطها و بيدفن راسه في رقبتها . مريم اترعشت و جت تمشي خطوه لقدام بس رجعها تاني و هو بيهمس/كنتي تجنني انهارده يا مريم وووو.....
يتبع
امتكلني بألاجبار
بقلم ملك عبد المنعم