أمتلكني بألاجبار

البارت العاشر

امتكلني بألاجبار
بقلم ملك عبد المنعم
ادهم جه من وراها/بتكلمي مين يا مريم .
مريم قفلت التليفون بسرعه و هي بتلفله بتوتر /دي نور .
ادهم/طيب في واحده في صحبتك مستنياكي تحت.
مريم بصتله بهدوء و نزلت .
مريم جريت على اماني و حضنتها بحب .
اماني طلعتها من حضنها و هي بتبص على كل أنحاء الفيلا بتقييم/مش عيب تتجوزي من غير ما تقولي لصحبتك .
مريم /انتي متعرفيش حاجه انا كنت هقولك .
اماني/هتقوليلي امتي دي الصحافه و التليفزيون عرفه قبل صحبتك عشرة عمرك و لا كنتي خايفه احسدك.
مريم بدموع/صدقيني مش كده انا حصلي حاجات كتير اوي .
اماني بصت بشك/حاجات ايه.
مريم /صدقيني انا مش هقدر اقول حاجه بس مش عايزاكي تظني فيا ظن مش كويس انا مش كده .
اماني /مش كده اومال مين اللي كده. مريم انا مشيت من شغلي بسببك بعد ما الجرنال اتقفل بسبب مقالتك . و في الاخر تطلعي مرات ادهم نصار اللي قصة حبكم ظهرت للعالم كله . انتي حقيقي انسانه واقحه اوي يا مريم . انا ندمانه اني عرفتك .
مريم دموعها نزلت في صمت .
و هي سبتها و مشت و  هي بتبص عليها بخبث .
_____________________________
كاميليا بصت على مريم بغضب و سبتها و طلعت اوضتها .
مريم طلعت وراها و هي بتنادي عليها . مريم /ايه ده انتي بتعيطي في ايه حد زعلك في المدرسه.
كاميليا بصتلها بدموع/انا مش بحبك يا مريم و لما بابا ييجي تاني هروح معاه.
مريم بحنان/ليه يا حبيبتي هو انا زعلتك في حاجه .
كاميليا/انتي اصلا مش بتحبيني و هترميني في الشارع زي ما بابا قال .
مريم بصتلها بغضب/مين قالك كده انتي جايبه الكلام ده منين .
كاميليا بصتلها بدموع و دخلت اوضتها و قفلت الباب و هي بتعيط .
مريم وقفت قدام الباب و هي بتخبط عليها بانهيار/كاميليا افتحي و هعملك اللي انتي عايزاه. كاميليا افتحي الباب . طب بطلي عياط يا كاميليا .
ادهم طلع من أوضته على صوت عياط مريم /في ايه مالك .
مريم و هي بتعيط /كاميليا مش راضيه تفتحلي. 
ادهم وقف على الباب و هو بيحاول يفتحه .
مريم بدموع/اتصرف يا ادهم .
ادهم فضل يحاول يفتح الباب لحد ما اتفتح. و مريم جريت على كاميليا . اللي كانت بتاخد نفسها بالعافيه .
مريم بدموع/كاميليا. كاميليا ردي عليا . كملت بانهيار و هي بتبص على ادهم . عايزه دكتور يا ادهم . كاميليا عندها القلب .
ادهم قعد جمبها و هو بيحاول يهديها بعد ما طلب الدكتور.
_________________________________
ناديه/مش انا قولتلك هاتها معملتش زي ما قولتلك ليه .
جلال بنفاذ صبر/البت مرديتش اعمل ايه . اخطفها .
ناديه/لا يا اخويا من غير خطف . أنت ابوها و دي بنتك و من حقك تاخدها.
جلال/طب و العمل دلوقتي.
ناديه/العيال دول متقلقش عليهم كده كده ليهم نهايه . مش هيبقو اسهل من أمهم اللي ماتت في لمح بصر .
جلال بغضب/اسكتي اسكتي احسن حد يسمع.
ناديه/متخفش اوي كده محدش هنا.
جلال بغضب/بقولك ايه الموضوع ده من ساعة ما حصل و احنا قولنا مش عايزين نفتكره حتي . و انا معاكي في أي حاجه بس قتل لا مش هقتل تاني يا ناديه .
ناديه بزهق/حنيت ليهم و لا ايه .
جلال/انا مش ناقص قرف و مش عارف المره دي ممكن تعدي على خير زي المره اللي فاتت و لا ايه ممكن يحصل . خلينا بعيد احسن يا ناديه . و اهو القرشين بتوع المخدرات معيشنا كويس . و هما راحو في داهيه بعيد عننا .
________________________________
الدكتور/واضح أن الاذمه جتلها و مخدتش البخاخه . متنسوش أن هي طفله و في حالتها دي . لازم البخاخه في أي وقت تجيلها في الازمه محدش ضامن حالتها ممكن تسوء اكتر من كده.
ادهم بص علي مريم اللي كانت حاضنه كاميليا و رافضه تخرجها من حضنها .
بعد شويه كان الدكتور مشي .
ادهم قعد جمب مريم بهدوء/مريم هي بقت كويسه سببها ترتاح و لما تفوق ابقي اطمني عليها براحتك .
مريم بصت علي كاميليا بدموع و سبتها و راحت اوضتها .
ادهم دخل الأوضه وره مريم .مريم قربت منه و حضنته بهدوء و دموعها بتنزل/انا معنديش غيرها يا ادهم . انا خايفه تحصلها حاجه . مش هستحمل حاجه تحصلها .
ادهم حضنها بحب /هتكون كويسه بس انتي بطلي عياط و اهدي . انا بوعدك مش هخلي اي حاجه تحصلكم .
مريم /اكيد بابا اللي قالها كده .عايز يحرمني منها زي ماما يا ادهم .
ادهم حرك أيده على شعرها بحنان/صدقيني مش هخلي اي حاجه تحصلكم طول ما انا موجود .
ادهم سحبها بهدوء . و خدها في حضنه و نامو.
_____________________________
اماني/عملت اللي قولتلي عليه فين بقي وعدك ليا .
علي بخبث/بكره هتروحي تستلمي شغلك الجديد .
اماني بفرحه/ربنا يخليك ليا .
علي قربها منه بهدوء و هو بيدفن دماغه في رقبتها بخبث/و يخليكي ليا ياحبيبتي.
اماني بعدته بهدوء/لا لما نتجوز رسمي الاول .
علي بخبث/يا حبيبتي ما انا مخلي ورقة العرفي معاكي. لحد بس ما اضبط اموري و اجي اتقدملك رسمي .
اماني بصت عليه بهدوء و هو قربها منه و هو بيبتسم بخبث و بعدين...
_____________________________
نور بصت على نفسها بهدوء قدام المرايا .
نور لنفسها/خلاص يا نور اطلعي و اعملي اللي مامتك عايزاه .
و بره كانت فاطمه قاعده مع العريس و أهله .
نور طلعت و هي بتفرك في ايديها بكسوف وووو ...
أمتلكني بألاجبار
بقلم ملك عبد المنعم