أمتلكني بألاجبار

الجزء التاني . البارت السابع

7------
امتلكني بالاجبار الجزء التاني
بقلم ملك عبد المنعم
عدة فترة مكنتش كبيره كان كل واحد حياته ابتدت تتغير و تتحسن . ماعدا ادهم اللي كان بيحاول يبعد دماغه عن اي تفكير ممكن يسيطر عليه .
ادهم دخل عند الدكتور بهدوء . الدكتور ابتسم بهدوء عشان عرف أنه خلاص فهم و استوعب الموضوع عشان كده جاله .
ادهم ./وديت التحاليل لكذا دكتور .بس الواضح أن كلام حضرتك كان صح .
الدكتور بهدوء ./ اهم حاجه حضرتك استوعبت الموقف عشان نقدر نتحرك بسرعه .
ادهم بصله بقلق ./هو لو الورم طلع خبيث هيتعالج ازاي .
الدكتور ./هتعمل عمليه استئصال و بعد كده تكمل بـ كيماوي بس احنا مش عايزين نسبق الأحداث . حضرتك عرفتها و لا لسه. 
ادهم اتنهد بتعب./لا مش هقدر .
الدكتور ./في تحاليل و اشاعات لازم تتعمل لو حضرتك هتعرف تخليها تعمل التحاليل من غير ما تعرفها يكون احسن عشان حالتها النفسية .
ادهم بتفكير ./هحاول  .
الدكتور ./هي مدام مريم بتاخد حبوب منع حمل.
ادهم اتعدل بتوتر ./هي خدتها فترة بس انا كنت رافض الموضوع و بطلته .
الدكتور بهدوء ./هو غالبا مش هيحصل حمل في حالتها بس مدام مريم بردك سنها صغير . و جايز يحصل حمل في اي وقت و كده هنبقي وصلنا لمشكله اكبر . انا هكتبلك علي برشام منع حمل بس لازم تاخده كل يوم . مش عايزين اي حاجه
تعطلنا .
ادهم ابتسم علي نفسه بسخرية أنه كان رافض تاخد البرشام ده  .
الدكتور كتبله الدواء و بص عليه بهدوء ./استاذ ادهم . مش عايزين ننسي العامل النفسي عندها اهم من العلاج نفسه حضرتك فاهمني اكيد .
ادهم هز راسه بهدوء و سحب الروشته و مشي .
_________________________________________
ادهم بص علي البيت بتعب و هو مش عارف الفترة الجايه ممكن تكون عامله ازاي .
و طلع اوضتهم  . ادهم ابتسم و اتنهد بهدوء لما شاف مريم نايمه . ادهم نام جمبها بهدوء و حضنها من ضهرها بخوف .
مريم فتحت عينيها بنوم و غمضتها تاني و دخلت في حضنه بهدوء ./ بقالك كتير مبصتليش البصه دي .
ادهم رفع وشها ليه بهدوء ./و دي حاجه حلوه و لا وحشه .
مريم اتنهدت بهدوء ./مش عارفه . شايفه باصتك ليا اللي كانت من سنين .
ادهم ابتسم عليها بهدوء ./مش يمكن لسه خايف عليكي .
مريم بعدم فهم ./من ايه .
ادهم اتنهد بضيق ./من كام سنه كنت خايف تبعدي و تكوني محبتنيش . دلوقتي بقيت خايف تبعدي و تنسيني في دوشة العيال .
مريم ابتسمت بهدوء و باسته من خده بحب ./مريم بتحب ادهم اوي . انت احلي حاجه في حياتي كلها ......... مريم دخلت في حضنه بتملك ..... و ده بتاعي انا و بس .
ادهم هز راسه بهدوء و دفن رأسه في رقبتها ./ينفع تقريلي قران زي ما بتعملي مع دنيا و عز لحد ما انام .
مريم هزت راسها بهدوء و عدلتله المخده . و فضلت تحرك ايديها علي شعره و دماغه و هي بتقراله قران لحد ما نام .
__________________________________________,
نوران ابتسمت بهدوء و دخلت عند نصار المكتب .
نوران قعدت قصاده بمرح ./مش كفايه شغل بقي .
نصار ابتسم بهدوء ./حاولت و مقدرتش . و الصفقه دي بالنسبالي مهمه جدا .
نوران ابتسمت بضيق ./هو انا ممكن ارجع شغل تاني . انا الصراحه ابتديت ازهق من القعده في البيت .
نصار بص عليها بشك ./متاكده انك عايزه شغل .
نوران هزت راسها بحماس ./هاتلي اصعب صفقه عندك .
نصار رجع لوره بتفكير ./ ما بلاش اصعب صفقه دي .
نوران بضيق ./ليه .
نصار ابتسم بهدوء ./اصلي اصعب صفقه تخص شركتي انا و ادهم ..و انا شايف انكم مبتتفقوش خالص .
نوران ابتسمت بهدوء ./ادهم بيعرف يفصل الشغل عن حياته الشخصيه . خليني اجرب بس .
نصار بتفكير ./ماشي . بس هسلمك كل حاجه و هفهمك اللي انا وصلتله و انتي تكملي . بس لو حصل اي غلطه انتي حره .
نوران هزت راسها بهدوء و قربت منه بخبث و هي بتحاول تفهم كل التفاصيل .
_________________________________________
تاني يوم ....
مريم ابتسمت بهدوء و هي شايف ادهم بيلعب مع عز و دنيا جمبها .
مريم اتعدلت بهدوء ./صباح الخير .
ادهم ابتسملها بهدوء ./صحيتي علي صوتنا اكيد .
مريم هزت راسها برفض ./ هروح اشوف كاميليا .
ادهم هز راسه بهدوء و هو بيكمل لعب مع عز و دنيا .
مريم ابتسمت بهدوء لما شافت كاميليا قامت و لبست لوحدها .
مريم ابتسمت بمرح ./بقينا احسن اوي .
كاميليا ابتسمت بهدوء ./الدكتور قال إن ممكن انزل و اروح اي مكان عادي .
مريم حضنتها بفرحه ./ اكيد طبعا يا حبيبتي .
كاميليا ابتسمت بهدوء ./طب يلا بقي خليني انزل تحت العب مع عز و دنيا شويه بقالي كتير مقعدتش معاهم .
مريم هزت راسها بهدوء و نزلو .
______________________________________
بعد شويه .
ادهم كان قاعد بيشتغل على اللاب توب بهدوء بعد ما اخيرا البيت بقي هادي من عياط دنيا .
مريم قعدت جمبه و هي بتبص عليه بحب . ادهم بص عليها بهدوء و حرك أيده علي شعرها بهدوء ./مالك .
مريم هزت راسها بهدوء ./مفيش حاجه كمل شغلك.
ادهم بص عليها بهدوء ./نامو .
مريم هزت راسها ./ عز تحت مع كاميليا و دنيا نامت .
ادهم بعد اللاب توب بهدوء و قرب مريم منه بتقييم ./مفيش احسن من الوقت ده و لا ايه .
مريم دخلت في حضنه بكسوف . ادهم ابتسم بهدوء بس افتكر كلام الدكتور و خرجها من حضنه بهدوء و باسها بسرعه و بعد ./عايزك ترجعي تاخدي البرشام .
مريم رفعت راسها بعدم فهم ./برشام ايه .
ادهم اتنهد بهدوء ./برشام منع الحمل .
مريم ابتسمت بسخريه . /ليه .
ادهم حرك أيده علي خدها بحب ./عادي يا...
مريم بعدت ايده بجمود ./لا مش عادي .
ادهم بص عليها بهدوء ./هو ايه اللي مش عادي .
مريم هزت راسها بسخريه ./اه مش عادي . مش عادي انك تكون بنتخانق معايا عشان مخدوش و ترجع تقولي خديه .
ادهم ابتسم بهدوء ./عادي يا حبيبتي انا خايف عليكي مش اكتر .
مريم بصتله بسخرية و اتعدلت و نامت . ادهم اتنهد بضيق . و حضنها من ضهرها ./طب ممكن اعرف انتي اضيقتي ليه . انا بس شايفك مضغوطه بين العيال مش عايز يحصل حمل تاني دلوقتي يأثر عليكي اكتر .
مريم غمضت عينيها بدموع ./ابعد يا ادهم ..
ادهم بعد و عدلها بغضب ./هو في ايه يا مريم . انتي معندكيش غير العياط في كل مشكله . و عايزه تخلفيني الرأي و خلاص . اول ما اقتنعت بكلامك بتعيطي و رافضه كلامي .
مريم مسحت دموعها بهدوء ./ماشي يا ادهم اللي انت عايزه .
ادهم مسح دموعها بايده بهدوء ./ كفايه عياط بقي مفيش حاجه مستاهله .
مريم بعدت ايده بهدوء و اتعدلت عشان تنام . ادهم اتنهد بهدوء و حرك أيده علي شعرها بحب . / هتنامي .
مريم غمضت عينيها بضيق من تاثيره عليها ./ اه .
ادهم فهم أنها مضايقه و اتنهد بتعب و باسها علي رقبتها بهدوء ./مينفعش تفضلي شويه .
مريم بعدت عنه بضيق ./تعبانه يا ادهم و عايزه انام .
ادهم اتنهد بضيق و نام و هو مش عارف الفترة الجايه ممكن تعدي ازاي .
_______________________________________
عند اماني .
اماني ابتسمت بهدوء و هي بتحرك ايديها علي شعر فريد . و بتفتكر السنين اللي فاتو كانت خايفه قد ايه عليه و علي نفسها . و ان نصار و مريم كانو معاها دايما.  و افتكرت بعدها أنها مكلمتش مريم من فترة و قررت انها تروحلها .
اماني ابتسمت بفرحه و دموع علي النعم الكتير و خدت فريد في حضنها و نامت .
_____________________________________
تاني يوم ..
ادهم فتح عينه بهدوء . و حرك أيده علي وشه بتعب من اللي حصل امبارح . و بص علي الباب اللي اتفتح و دخلت مريم و بصتله بهدوء و دخلت تجيب حاجه من الدولاب . ادهم اتنهد بهدوء و دخل وراها و حضنها من ضهرها بهدوء ./صباح الخير .
مريم بعدت ايده و مشت بهدوء ./صباح النور .
ادهم سحبها من ايديها بضيق و هو بيبص في عينيها ./في ايه يا مريم .
مريم بصتله بهدوء ./بعمل اللي انت عايزه بطريقتي .
ادهم بصلها بعدم فهم ./يعني ايه .
مريم بعدت ايديها بهدوء ./وراك شغل يا ادهم بقالك كتير مبتروحش .
ادهم سحبها بغضب ./لما اكون بكلمك متسبنيش و تمشي يا مريم و تكلميني زي ما بكلمك .
مريم بعدت ايديها بوجع . و بصتله بدموع ./لو رفضت اخد البرشام ده هتعمل ايه يا ادهم .
ادهم بصلها بتوتر ./مينفعش يا مريم . لازم تاخديه .
مريم اتنهدت بهدوء ./مش عايزه و مش هاخده .
ادهم بعصبية ./ليه يا مريم ليه . انا كان ممكن احطهولك من غير ما تعرفي . انا اللي فكرتك هتفرحي لما تعرفي اني وافقت علي حاجه انتي عايزاها .
مريم بصتله بدموع ./للدرجادي مش عايز عيال مني يا ادهم . افرح و جوزي بيقولي خدي برشام منع حمل .... مريم ضحكت بسخرية و دموع .
ادهم مسح علي وشه بضيق ./مريم عز لسه متمش اربع سنين و دنيا كمان خمس شهور و ممكن يحصل حمل في اي وقت و انتي تعبانه معاهم . انا بقولك كده عشان خايف عليكي و علي صحتك . و انا لو اقتنعت بكلامك فـ ده عشان خايف عليكي .
مريم بصتله بسخرية . / و اشمعنا اقتنعت بكلامي دلوقتي . قولتلك كده قبل ما اكون حامل في دنيا و قولتلك كده لما ولدت دنيا و كنت رافض لدرجة أنك رميتلي البرشام كله .
ادهم حرك أيده علي وشه بتعب و هو مش عارف يقول ايه .
مريم بصت عليه بدموع و مشت .
ادهم اتنهد بتعب و سحب هدومه و مشي .
_________________________________________
عند ادهم في الشركه .
كان قاعد حاطط دماغه بين أيديه بتعب . لحد ما السكرتيره دخلت . السكرتيره ./مستر ادهم . نوران نصار بره و بتقول انها جايه لحضرتك في شغل . ادخلها .
ادهم هز راسه باستغراب ./دخليها ... و كمل .. و شوفيلي اي مسكن صداع بسرعه و خليهم يعملولي قهوة تاني بسرعه .
السكرتيره هزت راسها باستغراب .
و نوران دخلت . و ابتسمت بتوتر ./ازيك يا ادهم .
ادهم هز راسه بهدوء ./كويس . اتفضلي اقعدي .
نوران قعدت بتوتر و مش عارفه ممكن تكون علاقتها بـ ادهم ازاي .
ادهم بصلها بهدوء ./قالولي عيزاني في شغل .
نوران حطت الورق على المكتب بهدوء. /هو بابا قالي اني امسك اول صفقه تبع شركتكم الجديدة و كنت عايزه اعرف شويه تفاصيل .
ادهم حط دماغه بين أيديه بتعب ./ماشي طلعيلي الأوراق اللي عايزاها .
السكرتيره دخلت بهدوء و حطت البرشام و القهوة و خدت القهوه القديمه . /حاجه تاني يا مستر ادهم .
ادهم هز راسه برفض . نوران بصت عليه بقلق ./هو انت تعبان .
ادهم خد البرشامه بهدوء ./شوية صداع عادي .
نوران ./القهوة الكتير بطبيعتها غلط عليك حتي لو مصدع . يعني مش لازم قهوة تاني .
ادهم هز راسه بـ عدم اهتمام ./ شويه و هكون تمام . قوليلي بس عايزه تعرفي ايه .
نوران بصت عليه بتوتر . و ابتدو يشتغله . ادهم عينه كانت كل شويه تسرح علي صورة مريم و يفتكر خناقاتهم . ادهم اتنهد بضيق من نفسه أنه مش عارف يركز في شغله .
نوران بتوتر ./ادهم انت مش مركز معايا خالص . لو تعبان ممكن اجيلك وقت تاني .
ادهم رجع دماغه لوره بتعب ./مش عارف مالي . بس الظاهر قلة النوم مع دوشة العيال تعبوني .
نوران ابتسمت بهدوء ./ما هي حاجه غريبه الاتنين سنهم قريب من بعض و طبيعي يكون في دوشه و عياط . الله يكون في عون مريم .
ادهم ابتسم بهدوء./فعلا الله يكون في عونها .
نوران خدت الورق بهدوء ./خلاص انا ممكن اجيلك بكره و انت دلوقتي روح و ارتاح عشان تعرف تركز بكره .
ادهم هز راسه و ابتسم بهدوء . و نوران ابتسمت و مشت .
________________________________________
ادهم دخل اوضته بهدوء بعد ما راح للدكتور و اتفق معاه علي حاجه . مريم بصت عليه بهدوء و قامت . ادهم مسك ايديها بهدوء ./رايحه فين .
مريم سحبت ايديها ./هبات مع عز انهارده .
ادهم قفل الباب بضيق ./ليه . من امتي و في بينا مشكله بتعملي كده . من امتي بيكون فيا بينا مشاكل للدرجادي يا مريم .
مريم اتنهدت بهدوء ./ معلش يا ادهم سبني علي راحتي .
ادهم اتنهد بضيق و قرب منها بهدوء . و هو بيحرك أيده علي خدها بحب ./طب خلينا نتكلم شويه .
مريم بصت عليه بتوتر و بعدت أيده بهدوء ./بكره يا ادهم معلش .
ادهم غمض عينه بضيق ./ طب خلينا حتي نخرج شويه . و تغيري جو شويه .
مريم اتنهدت بضيق . / كفايه ضغط يا ادهم خليني امشي تعبانه .
ادهم خبط بايده علي الحيطه بغضب . مريم رجعت لوره بتوتر . ادهم بصلها بعصبية ./ماشي يا مريم . روحي اعملي اللي انتي عايزاه.
مريم اتنهدت بخوف من شكله و مشت بسرعه . ووو يتبععع...
امتلكني بالاجبار الجزء التاني
بقلم ملك عبد المنعم