أمتلكني بألاجبار

السادس عشر

16-------
أمتلكني بألاجبار
بقلم ملك عبد المنعم
ادهم شالها و طلع فوق و حطها على السرير و بص عليها بهدوء . ادهم لنفسه./مش عارف لو كان ده حب و لا شفقه . بس انا مش عايزك تبعدي يا مريم . يمكن معرفش احدد مشاعري دلوقتي. بس مش هسيبك تبعدي . و مش هسمح لأذيتك من اي حد .
ادهم ابتسم و حرك أيده على وشها بهدوء. و نام جمبها.
_______________________________
/ مش معقول نهاية ادهم نصار تكون سعيده بعد اللي عمله.
علي /هنعمل ايه . و نصار بيه مش راضي يعمل اي حاجه. بيقول نصبر عليه شويه.
البنت بقوة/صبرنا كتير يا علي . بقالنا تلت سنين صابرين و مش عارفين نطول اي حاجه.
علي /ناويه على ايه .
البنت اتنهدت بهدوء./ عايزه كل حاجه تخص ادهم و مراته. من يوم ما اتجوز لحد دلوقتي.
علي /تفتكري ممكن تكون حبيبته. او كان في بينهم علاقه قبل الجواز.
البنت بغضب./اللي زي ادهم ميعرفش يحب أبدا . يعرف يأذي و يدمر و ينهي حياة الناس لكل سهوله .
علي بخبث./خلاص اهدي كده مش مستاهله كل ده يا حبيبتي . انا هعملك اللي انتي عايزاه بس عايزين منك فكره حلوه . مش زي المره اللي فاتت .
البنت ./المره اللي فاتت لو كنت اتاكدت أنه شرب العصير اللي في المنوم كام ممكن تضبط و كان زمانه ميت دلوقتي.
علي ./خلينا في دلوقتي. مش عايزين اي غلطه . و انتي بتفكري حطي مراته في خطتك يعني الانتقام من اتنين يا روحي .
________________________________
ادهم ميل علي رقبتها و باسها بهدوء./صباح الخير.
مريم اتنهدت بضيق ./صباح النور.
ادهم /مصحتنيش ليه لما صحيتي .
مريم /قولت اعمل الفطار و بعدين اصحيك .
ادهم /طب يلا اطلعي غيري هدومك عشان هنفطر بره .
مريم/حاضر .
_____________________________
مريم صرخت بخوف و هي بتغمض عينيها.
ادهم ضحك عليها ./فتحي عينك بقي ده انتي فوق المايه.
مريم بغضب./انت ركبتني البتاع ده غصب عني انا بخاف من البحر اصلا يا ادهم.
ادهم  مسك أيديها بهدوء ./مريم حبيبتي ده يخت و ده بحر عادي ملوش لازمه الخوف ده كله . انتي معملتيش كده في الطياره.
مريم/يعني هو كان لازم نفطر هنا .
ادهم /و هنقضي اليوم كله كمان .
مريم بصتله بغضب و سكتت .
__________________________________
نور اتنهدت بضيق./و مريم من سعتها بتحاول تكون كويسه بس انا عارفه إن نظراتها دي مش حقيقيه .
اسر /طب ليه مريم سكتت ليه مبلغتش عنه أو بعدت ليه وافقت على الجواز ده .
نور بهدوء./ مريم كان بقالها شهر مخلصه العلاج النفسي . و لما هو عمل اللي عمله حست قد ايه هي ضعيفه . و شافت أن هو بيضفط عليها و بيعمل نفس اللي باباها كان بيعملو .
اسر /بس تفتكري واحد زي ادهم . ليه يتجوزها رغم أن هو في تفكيره أن هي وقفت قصاده و اتحدته . كان ممكن ياذيها و يعمل اي حاجه غير  أنه يتجوزها.
نور بسخريه./ عشان هو شايف أن ده اسوء انتقام . والله اعلم بيعمل فيها ايه كمان بس مريم مش هتقول اي حاجه حتي لو بيموتها كل يوم . مش هتقدر تحمل حد همها .
اسر /انشاء الله يكون في حل يخلصها منه .
نور ابتسمت بهدوء./اسر ماما متعرفش اي حاجه . ده سر بينا .
اسر ابتسم ./متقلقيش يا حبيبتي اكيد مش هقول لحد.
_________________________________
ادهم اتكلم بهدوء./انتي كنتي بتروحي لدكتور نفسي ليه يا مريم .
مريم اتنهدت بضيق./ عاصم كان جاري . بالصدفه عرفت أنه دكتور نفسي قبل ما اسيب البيت بفترة . نور هي اللي ضغطت عليا عشان اروح لدكتور نفسي . و هو كان أول حد جه في دماغي وقتها . هو نفسه مكنتش يعرف أننا جيران .
ادهم ابتسم بهدوء./بتحكيلي و انتي هاديه المره دي .
مريم /انت قولتلي فرصه تانيه يعني صفحه جديده و كمان قولتلي أن ممكن تحصلك مليون مشكله بسببي من حقك تعرف عشان لو في حاجه ممكن تضر شركتك و شغلك تعرف تتصرف .
ادهم اتنهد بضيق ./لا يا مريم صفحه جديده يعني اي كلام قولته قبل كده ملوش لازمه . و انا سألتك عشان عايز اعرف عنك كل حاجه يا مريم عايز نقرب من بعض مش نبعد .
مريم بصتله بهدوء و اتكلمت./طيب و انت فين أهلك .
ادهم ابتسم بضيق./ لما نرجع القاهره يا مريم هعرفك كل حاجه. بس الاجازه دي ليا انا و انتي .
مريم ابتسمت بهدوء و بصت على البحر .
ادهم /بتخافي منه ليه .
مريم/عشان غدار اوي . في ثانيه ممكن الموج يعلي و الناس تغرق .
ادهم ./ماما كانت دايما بتقولي نفس الكلام ده . بس انا كنت دايما عندي فضول عشان اكتشف البحر . و اتعلمت الغوص و بقيت احب البحر اوي .
مريم ابتسمتله بهدوء و متكلمتش.
________________________________
الايام عدت من غير احداث...حاجات كتير في الماضي ممكن تتقلب عليهم . ممكن المستقبل يكون مبني على ماضي . في كدب و في صدق . حال كل واحد ممكن يتشقلب في لحظه لوجود الماضي . خلينا نشوف ايه ممكن يحصل و ايه الماضي المستخبي...
__________________________________
مريم طلعت اوضتها بهدوء./كاميليا هتيجي امتي .
ادهم ابتسم بهدوء./السواق هيجيبها بعد المدرسه . ده احنا لسه واصلين حتي .
مريم حركت راسها بهدوء .
ادهم قعد جمبها بهدوء و حرك أيده على شعرها./اتبسطتي معايا يا مريم .
مريم اتنهدت بهدوء./معرفش . حسيت اني شوفت شخص تاني قدامي . بس نفس شكل الشخص القديم يا ادهم .
ادهم سحبها ليه بهدوء./الشخص التاني هو الشخص الحقيقي يا مريم . هو نفس الشخص اللي ميعرفش امتي سحرتيه و خليته يحبك .
مريم /حتي دي مش مصدقاها يا ادهم مش قادره أصدقها .
ادهم/عارف انك ممكن تاخدي وقت طويل . و انا كمان محتاج وقت طويل عشان أثبتلك اني مش وحش يا مريم .
مريم ابتسمت بهدوء . و بعدت./انا هنزل اعمل الغداء عقبال ما كاميليا تيجي.
ادهم ابتسم ./ماشي.
________________________________
نصار ابتسم بخبث./متهيقلي الصور دي كفايه اوي .
علي /يعني انفذ.
نصار/ابعتلها الهديه الصغيره دي. لحد ما الهديه الكبيره تجهز .
علي ابتسم بخبث و مشي و اتكلم في التليفون و هو بيقول./هانت خلاص كل حاجه ماشيه زي ما اتفقنا .
البنت ./قولتلك نهاية ادهم هتكون على ايدي انا يا علي ..
البنت قفلت التليفون و هي بتبص على صوره ليها هي و ادهم./انت السبب يا ادهم . انت اللي خلتني اكرهك . خلتني انتقم منك . و بعد كل اللى عملته فيا . عايش حياتك و حبيت و اتجوزت. بس لا يا ادهم . مستحيل اخليك تتهني دقيقه واحد بعد اللي عملته فيا . مبقاش نوران نصار لو مدمرتش حياتك يا ادهم...
وووووو.....
أمتلكني بألاجبار
بقلم ملك عبد المنعم