أمتلكني بألاجبار

الجزء الثاني . البارت الواحد و عشرون

21----------
امتلكني بالاجبار الجزء التاني .
بقلم ملك عبد المنعم .
بعد كام يوم كانت الأوضاع مستمره زي ما كانت .
ادهم دخل المطبخ عند مريم بعصبيه و هو ماسك شريط البرشام في ايده . /مريم .
مريم لفتله بخضه من صوته ./في ايه ي...
ادهم قرب منها بعصبية ./في الدواء بقالك خمس ايام مش بتاخديه . و لو انا مفكرتكيش انتي بتنسي . و انتي عارفه انك مش المفروض تنسي حاجه زي كده لحد ما نروح للدكتور .
مريم فركت بأيديها بتوتر و هي بتفتكر أنها بتكون فاكره بس خايفه تاخده . ادهم جاب كوبايه المايه بضيق و وقف قدامها ./يلا خديه .
مريم بصت علي أيده بتوتر ./خلاص سيبهم و انا هبق..
ادهم بضيق ./زي المره اللي فات و تنسي صح .
مريم هزت راسها برفض .ادهم بضيق . /يبقي يلا و انا قدامك اهو .
مريم بصتله بتوتر . و خدت الكوبايه من أيده بخوف . مريم فضلت تبص للكوبايه بخوف و جسمها ابتدي يترعش . ادهم بص عليها بقلق ./مريم انتي كويسه فيكي حاجه .
مريم هزت راسها برفض و دموعها بتنزل في صمت . ادهم خاف عليها و فهم أنه كان علي الاقل اتعامل معاها من غير عصبيه ./هاتي الكوبايه يا مر..
بس مريم صرخت و رجعت لوره بخوف لما الكوبايه وقعت من ايديها و اتكسرت .
ادهم قرب من مريم بقلق ./مريم . مريم حبيبتي انا اسف مكنتش قصدي اضغط عليكي . مريم ردي عليا متسكتيش .
مريم نزلت راسها بتوتر . / انا هطلع فوق هطلع .
و سابت ادهم و طلعت بسرعه  . ادهم بص علي الازاز بضيق و خبط بأيده في الحيطه بغضب ./غبي يا ادهم غبي .
مريم طلعت فوق و مسكت دماغها بين ايديها بتعب و هي بتاخد نفسها بسرعه . ادهم دخل و قفل باب الأوضه وراه . و قرب منها بتوتر ./مريم انا اسف والله . انا كنت خايف عليكي بس مكنتش قصدي اتعصب عليكي .
مريم غمضت عينيها بتعب . /مش قادره يا ادهم . مش قادره اتخطي كل اللي حصل . حتي لو كان غصب عنك بس انا مش قادره . انا بخاف كل ما بشوفك جايبلي حاجه . مبقتش اثق غير و انا عامله الحاجه بنفسي .
ادهم مسك وشها بين أيديه بحب ./انا عارف ان كل اللي بيحصل خارج إرادتك . و مش محتاج منك انك تتقبلي و تتخطي كل اللي حصل دلوقتي . و من بكره هنروح للدكتور . و واحده واحده هنقدر نتخطي كل ده مع بعض . زي ما بنتخطي كل حاجه مع بعض يا مريم صح .
مريم هزت راسها بدموع .و دخلت في حضنه . ادهم حضنها بهدوء و هو بيحاول يتجاهل رعشة جسمها زي ما هي بتعمل .
_________________________________________
علي قعد قصاد نوران بهدوء ./اهدي و عرفيني ايه اللي حصل عشان نعرف نعمل معاها ايه .
نوران دموعها نزلت و هي بتتكلم . / جت و حكت لـ بابا كل حاجه . قالتله علي كل حاجه يا علي كل حاجه . بابا اتعصب بعد ما عرف اللي عملناه . و قالي انه هيقول لـ ادهم كل حاجه . و انا خوفت يا علي . ادهم كان هيبلغ عننا اكيد . و عمرنا كان هيضيع تاني .
علي بشك ./كملي ايه اللي حصل .
نوران بانهيار ./ زودتله جرعة الأنسولين .
علي ابتسم بخبث ./قتلتيه يعني .
نوران هزت راسها برفض ./لا لا . ليلي اللي قتلته . ادهم و مريم هما السبب . هما السبب مش انا . كنا هنروح في داهيه يا علي هنروح في داهيه .
علي خدها في حضنه بحنان مصتنع ./خلاص يا نوران كفايه . اللي حصل حصل . و الموضوع ده هيفضل سر بينا لحد ما ننهي عليهم .
نوران بعدت بغضب ./ ليلي اكيد هربت . احنا لازم نوصلها يا علي لازم .
علي اتنهد بخبث ./ كل حاجه و ليها وقتها احنا لازم نكون هاديين الفترة دي . عشان ادهم ميشكش فيكي .
نوران هزت راسها بدموع .
________________________________________
اماني كانت قاعده هي و مريم بهدوء و مستنيين ادهم . بعد ما ادهم طلب يشوف اماني .
ادهم قرب منهم بهدوء . اماني بإحراج ./البقاء لله . انا معرفتش اجي العزاء عشان نوران .
ادهم هز راسه بتفهم ./انا فاهم . بس هو انا عايزك في موضوع تاني خالص .
اماني باستغراب ./موضوع ايه .
ادهم حط الورق قدامها بهدوء ./نصار قبل ما يموت كتب كل حاجه بـ اسم فريد . و عشان انتي مامته فـ انتي هتكوني واصيه علي كل املاكه .
اماني بصت بصدمه . /ازاي . ازاي يعمل كده .
ادهم اتنهد بهدوء ./ده المفروض يحصل . مبقاش فاضل حد من العيله غير فريد . و علي حتي لو رجع هيتحبس و نوران هتحصله . و الوريث الوحيد هو فريد .
اماني قامت بسرعه ./انا مش عايزه حاجه من كل ده . انا عايزه اعيش انا و ابني في امان .
ادهم اتنهد بضيق ./اماني لو سمحت اقعدي .
اماني قعدت بضيق . ادهم بهدوء ./علي مش هيقدر يأذيكي و ده حقك و حق ابنك . مينفعش تتنازلي عنه .
اماني اتنهدت بتعب ./انا مش عايزه حاجه غير ابني . انا مش هعرف اشيل مسؤوليه زي دي . انا ممكن اتنازلك عليهم عشان انت اكتر حد هتعرف تحافظ علي كل ده . بس انا مش عايزه اي حاجه عن اذنكم .
و سبتهم و مشت .
مريم بصت عليها بشرود . و ادهم اتنهد بتعب .
______________________________________
فات ايام و اسبوعين و ادهم صمم أن مريم تروح للدكتور اللي ابتدي معاها بالعلاج لما حس أن حالتها الصحية مش مستدعيه لـ عمليه . و ادهم اللي كل شويه يفكر يوديها لـ دكتور نفسي بس خايف من رد فعلها و في نفس الوقت مش قادر يشوفها خايفه منه .
ادهم كان واقف بيبص علي مريم اللي بتتحرك في المطبخ بهدوء . ادهم قرب منها بهدوء و سحبها لحضنه بحب ./ مش كفايه هروب مني لحد كده .
مريم نزلت عينيها بتوتر ./و انا هتهرب منك ليه .
ادهم ابتسم بخبث ./ اومال اللي بيحصل ده اسمه ايه .
مريم فركت في ايديها بتوتر ./انا بس ماصدقت العيال نامو و قولت اخلص كام حاجه .
ادهم ابتسم بزعل مصتنع ./طب و ابو العيال ملوش وقت عندك .
مريم ابتسمت بهدوء ./لا طبعا ليه وقتي كله .
ادهم ابتسم بحب و حاوطها اكتر ./ طب مش هنستغل الفرصه بقي و لا ايه .
مريم بعدت أيده عنها و رجعت لوره و ابتسمت ./مره تانيه بقي .
مريم ابتسمت بخبث و مشت من قدامه بسرعه . ادهم غمض عينه بضيق . و طلع وراها . ادهم ابتسم بخبث و دخل وراها بسرعه ./دايما بتفهميني صح يا يا حبيبتي .
مريم بصت علي الباب بتوتر. /ادهم خلي الباب مفتوح . ممكن حد من العيال يصحي .
ادهم سحبها لحضنه بخبث ./ الناني موجوده . خلينا نكمل كلامنا .
مريم كانت بتحاول تتجاهل رعشة جسمها كل ما بتحس بقرب ادهم . و ادهم كان بيفكر ازاي يخليها تتخطي ده .
ادهم لاحظ سكوتها بين ايديه  و اتجاهل رعشة جسمها . و ميل باسها بشغف و حب . مريم غمضت عينيها بضعف . ادهم بعد بضيق و هو بياخد نفسه بالعافيه لما حس برعشة جسمها زادت . ادهم همس بحب ./مريم .
مريم غمضت عينيها بضعف و هي بتحاول تتجاهل اللي بيحصل ./ متبعدش يا ادهم .
ادهم ابتسم بهدوء و ميل باسها بحب . و شالها بهدوء و نزلها علي السرير بحرص . ادهم غمض عينه بضعف بس مقدرش يقرب منها و هو حاسس برعشة جسمها بتزيد . ادهم اتنهد بهدوء . /فتحي عينك يا مريم . انا مش هقرب منك و انا حاسس برعشة جسمك بين أيدي .
مريم نزلت راسها لتحت بدموع . /انا اسفه ...بس ..
ادهم رفع راسها لفوق بحب و مسح دموعها بـ ايديه ./عارف يا حبيبتي أنه غصب عنك و مش عايز منك اي حاجه دلوقتي .
مريم ابتسمت براحه و حب .
ادهم ابتسم بحب . و اتنهد بهدوء ./مريم . ايه رأيك تروحي لدكتوره نفسيه .
مريم بتوتر ./دكتوره نفسيه .
ادهم هز راسه بهدوء ./اه يا حبيبتي . مريم انا و انتي عارفين انك مش هتقدري تتخطي اللي حصل بسببي . انا عارف انك بتحاولي تتجاهلي خوفك و رعشة جسمك كل ما اقربلك بس ده مش حل . الدكتوره هتفيدك جدا و هتساعدك كمان .
مريم فضلت تبص قدامها بشرود  . و فاقت علي ادهم اللي مسك ايديها بدعم ./ خلينا نحاول يا مريم .
مريم هزت راسها بهدوء .
_____________________________________
ادهم ركب عربيته بهدوء . و عمل مكالمه بسرعه .
ادهم اتنهد بهدوء ./لقيته .
.../قاعد في شقه لوحده . و بيتردد علي مكان تاني كتير . و كان عند انسه نوران انهارده .
ادهم اتنهد بضيق ./خليك وراه و اعرفلي مين صاحب الشقه دي . و صورلي كل حاجه .
..../ حاضر . مصطفي بقاله كام يوم تعبان و من غير اكل و لا شرب . كفايه كده عليه و لا ايه يا باشا .
ادهم اتنهد بهدوء ./اعمل اللي هقولك عليه و بعدين ارميه .
وووو يتبع...
امتلكني بالاجبار الجزء الثاني
بقلم ملك عبد المنعم