أمتلكني بألاجبار

البارت التالت امتلكني بالاجبار الجزء التاني

3----
امتلكني بالاجبار الجزء التاني .
فات اسبوع و كانت علاقة نوران و مريم اتطورت اوي لدرجة انهم كانو بيتقابلو كل يوم و ده كان موتر ادهم عكس مريم اللي كانت مبسوطه خصوصا بعد ما نور سافرت مكنتش عندها صحاب .
____________________________________
ادهم صحي علي صوت عز و هو بيلعب مع مريم .
ادهم ابتسم بهدوء و قرب باسه من خده بحب . و سحب مريم و باسها بسرعه ./صباح الخير يا حبيبتي .
مريم ابتسمت بحب ./صباح النور يا حبيبي . هتنزل الشغل انهارده .
ادهم سحب هدومه بهدوء ./لازم انزل للاسف بس مش هتاخر عليكي متقلقيش .
ادهم غمزلها بسرعه و دخل الحمام . مريم ابتسمت بكسوف و بصت علي عز ./ يلا هات الدبدوب بتاعك قبل العصابه ما تاخده .
عز جاب الدبدوب و حضن مريم بسرعه .
مريم شلته بضحك و هي بتخبيه بدراعها ./حبيب ماما انت .
مريم نزلته علي رجلها بهدوء ./يبقي بعد كده لما دنيا تكون نايمه متصحيهاش و العب في مكان تاني .
عز هز راسه بضيق . مريم ضحكت بحب ./متزعلش . بس هي عيوطه اول و بتفضل تصوت لما تلاقي صوت جمبها و مش بنعرف نلعب انا و انت صح .
عز هز راسه بفرحه و باس خدها بحب . و فضلو يضحكو مع بعض . ادهم طلع و بص عليهم بحب و هو بيكمل لبسه قدام المرايا . ادهم قرب من عز بهدوء ./ عز حبيبى روح العب مع كاميليا .
عز هز راسه بهدوء و باس مريم بسرعه و مشي .
مريم ابتسمت بهدوء و بصت لـ ادهم ./اكيد عايزني في حاجه مهمه .
ادهم مسك ايديها بتوتر ./اه الصراحه و معرفتش اقولك امبارح عشان كنتي نايمه و محبيتش اقلقك .
مريم هزت راسها و ابتسمت بهدوء ./قول بقي في ايه .
ادهم اتنهد بهدوء ./ هما كلموني امبارح من النيابه و قالولي أن المفروض نروح نستلم جثة عمي جلال من المشرحه عشان محاكمة الإعدام كانت امبارح .
مريم غمضت عينيها بدموع . / مات خلاص .
ادهم مسك ايديها بحنان ./ الله يرحمه يا مريم .
مريم كملت بدموع ./كنت عايشه كل ده علي امل ان يكون في حاجه غلط . كان نفسي يطلب يشوفني و يقولي لا كل ده غلط كل ده محصلش . كان امل ضعيف اوي . بس كان نفسي . كان نفسي و كنت هسامحه علي كل حاجه عملها فيا والله .
ادهم حضنها بحنان ./خلاص يا حبيبتي هو خد جزائه و اتعاقب و مات خلاص .
مريم بعدت بدموع ./ادهم انا مبقاش ليا غيرك . اوعي يا ادهم تستغل حبي ليك في يوم او تتخلي عني . مبقاش عندي حد غيرك يا ادهم .
ادهم مسح دموعها بحب ./ ايه اللي انتي بتقوليه ده . انا مقدرش اعيش من غيرك يا مريم . انتي حبيبتي و بنتي و صحبتي و كل حاجه في حياتي . انا دايما معاكي يا حبيبتي .
مريم غمضت عينيها بدموع و دخلت في حضنه .
ادهم اتنهد بحزن عليها . مكنتش متخيل أنها ممكن تزعل عليه بعد اللي عمله . ادهم حرك أيده علي شعرها بحنان و بص قدامه في شرود .
______________________________________
نوران بصت علي تليفونها بتردد بس سحبته بسرعه و كلمت مريم .
مريم ابتسمت بهدوء و ردت عليها ./نوران ازيك .
نوران ابتسمت بهدوء./الحمدلله و انتي عامله ايه و دودي و عز عاملين ايه. 
مريم اتنهدت بتعب ./تعبانه معاهم خالص .
نوران بهدوء. /ربنا معاكي والله .
مريم ابتسمت بهدوء ./مش هتيجي انهارده. 
نوران بتوتر. /يعني مش حابه اتقل عليكي و انتي ربنا معاكي انا قولت اطمن عليكم .
مريم بهدوء ./لا مش هتقلي انتي هتونسيني انا بفضل قاعده مع العيال لوحدي و ادهم مبيرجعش غير بليل .
نوران ابتسمت بخبث ./خلاص هشوف لو قدرت اجي هكلمك .
مريم ابتسمت بهدوء ./هستناكي .
____________________________________
ادهم كان فاتح الكاميرا مع معتز في المكتب  .
ادهم ابتسم بهدوء ./ماصدقت روحت هناك مش راضي ترجع .
معتز ابتسم بهدوء ./بيني و بينك فرع الشركه اللي هنا مريحني جامد في الشغل .و كمان نور ابتدت تتأقلم من ساعة ما مامتها جت . يعني ابتدت تحس أن الدنيا سهله و انا لو عليا افضل هنا .
ادهم ضحك عليه بهدوء ./ما هي غلطتي بعتك تمسكلي الاداره هناك شهرين غطست و مش عارف تنزل عشان اشوفك و كمان عايز تعيش علي طول .
معتز ابتسم بحب ./لا متقلقش هننزلكم في الإجازات . حتي نور عماله تزن عليا عشان حكاية مريم و نوران مش عجباها .
ادهم اتنهد بهدوء ./للاسف حاسس ان الأسبوع ده علاقتهم اتطورت لدرجة أن نوران تقريبا كل يوم عندنا .
معتز اتنهد بهدوء ./يمكن تكون اتغيرت فعلا .
ادهم ضحك بسخرية ./اتمني يا معتز . و انا قولت بردك اخد مريم يومين و نسافر بعيد عن دوشة العيال . بقيت تقريبا كل يوم اروح الاقيها تعبانه و نايمه و مبقتش اشوفها غير قبل ما اروح الشغل .
معتز ضحك عليه ./ ده انت زهقت بدري اوي يا ادهم .
ادهم بضيق ./مش حكاية زهقت . بس حاسس كل طاقتها و اهتمامها بقي للولاد و انا مبقتش حتي تستناني في يوم و انا راجع . بقولك مش بشوفها غير قبل ما انزل و برجع بتكون نامت و طول الليل تصحي علي صوت عياطهم .
معتز ابتسم بهدوء ./معلش يا ادهم ما هو السن بتاعهم ده كده و بعدين ما انت بتكون في الشغل و هي قاعده معاهم طول اليوم اعذرها بردك .
ادهم هز راسه بهدوء و قفل معاه و كمل شغل .
________________________________________
مريم كانت قاعده هي و نوران في جنينة الفيلا .
نوران بصت علي الجنينه بهدوء ./طاقه ايجابيه اوي .
مريم هزت راسها و ابتسمت بهدوء .
نوران بصت علي عز اللي كان بيلعب قدامهم بهدوء ./عز نسخه من ادهم صح .
مريم ضحكت بهدوء ./اه فعلا نسخه منه في كل حاجه .
نوران ابتسمت بهدوء ./هو انتي مبتشتغليش يا مريم .
مريم هزت راسها بهدوء ./من ساعة ما ولدت عز منزلتش شغل خالص و ادهم كمان رافض بيقولي اكون جمبهم احسن و هما فعلا محتجني .
نوران ابتسمت بهدوء ./الصراحه مكنتش متخيله أننا هنبقي مع بعض بالشكل ده .
مريم ضحكت بهدوء ./و لا انا بس عادي بتحصل .
نوران اتنهدت بهدوء ./و انتي مش قلقانه و لا خايفه مني .
مريم هزت راسها برفض./ كلنا نستاهل فرصه تانيه يا نوران بس الشاطر اللي يستغلها صح و لا ايه. 
نوران هزت راسها بهدوء و ابتسمت ./ايوه عندك حق .
مريم ابتسمت بهدوء و بصت بخضه علي الايد اللي شالت عز . بس ابتسمت بحب لما لقته ادهم .
ادهم رفع عز لفوق بايده بضحك ./مش ناوي تكبر و تيجي تشيل الحمل من علي بابا بقي .
ادهم قرب منهم بهدوء و ميل باس مريم بحب ./عامله ايه .
مريم ابتسمت بكسوف و مسكت أيده بحب. 
ادهم بص علي نوران بتقييم ./ازيك يا نوران. 
نوران ابتسمت بتوتر ./ الحمدلله و انت ازيك .
ادهم هز راسه بهدوء ./كويس .
مريم بصت لـ ادهم بتوتر. /جيت بدري يا حبيبي انهارده .
ادهم ابتسم بهدوء ./وحشتوني فقولت الغي مواعيدي انهارده و ابقي معاكم .
مريم ابتسمت بهدوء .
نوران اتكلمت بتوتر ./طيب انا همشي انا .
مريم باحراج ./ ليه خليكي .
نوران بهدوء ./عندي مشوار تاني هبقي اكلمك ماشي .
مريم هزت راسها بهدوء .
و نوران سلمت عليهم و مشت .
ادهم نزل عز بهدوء . و ميل علي ودن مريم بهمس ./ عايزك في موضوع مهم فوق .
ادهم طلع و مريم طلعت وراه بهدوء . ادهم حاصرها بين أيديها وره الباب ./وحشتيني .
مريم ابتسمت بكسوف ./و انت كمان .
ادهم دفن رأسه في رقبتها بتوهان . /ما هو باين .بدليل اني برجع الاقيكي نايمه .
مريم ابتسمت بهدوء ./غصب عني والله عيالك مطلعين عيني طول اليوم .
ادهم رفع رأسه بهدوء ./ما انا عارف يا حبيبتي عشان كده حجزتلنا تذكرتين بكره عشان نسافر يومين .
مريم برفض. /نسافر ازاي و كاميليا و عز و دنيا هنسيبهم ازاي .
ادهم بهدوء ./في ايه يا حبيبتي . هنسبهم مع داده عاليه و ندي . و انا اتفقت مع ندي أن هي هتفضل تلت ايام كاملين عشان تخلي بالها منهم . و كاميليا يا حبيبتي كبرت و السواق هيوديها مدرستها و النادي و هيجيبها .
مريم بصت عليه بتوتر . ادهم قرب منها بهدوء ./مريم احنا بقالنا فترة بعاد عن بعض خلينا نسافر يومين نغير جو .
مريم هزت راسها بهدوء ./يومين بس يا ادهم .
ادهم قرب من وشها بهمس ./يومين بس يا قلب ادهم .
مريم بصت عليه بتوتر . ادهم ابتسم بخبث و ميل باسها بحب . مريم غمضت عينيها باستسلام . ادهم رفع أيده يبعد شعرها عن كتفها بهدوء . مريم مسكت أيده بضعف ./عز ممكن يدخل .
ادهم اتنهد بهدوء و ميل باسها بسرعه ./ماشي يا حبيبتي .
مريم ابتسمت بهدوء و باسته من خده بحب ./بحبك يا ادهم .
و سابته و مشت تشوف عز . ادهم ابتسم عليها بهدوء و قال بهمس ./بحبك اكتر يا حياة ادهم .
ادهم خد هدومه من الدولاب و دخل الحمام.....
ووووو يتبع ....
امتلكني بالاجبار الجزء التاني.
بقلم ملك عبد المنعم.