7-----
أمتلكني بألاجبار
بقلم ملك عبد المنعم
ادهم همس جنب ودنها/شوفي هتبقي جاهز امتي تديني حقي الشرعي
مريم بصتله بصدمه/لا .انت اكيد اتجننت .
ادهم ببرود/فعلا اتجننت عشان بطلب حقوقي . هو انتي مش المفروض مراتي و لا ايه
مريم بغضب/مش عايزه اكون مراتك . انا و انت عارفين انت اتجوزتني ازاي و ليه .بلاش بقي التمثيليه دي .
ادهم /صوتك ابتدي يعلي . و بعدين كل اللي قولتيه مش مهم عندي المهم اني دلوقتي انا جوزك و ليا حقوق عندك و هخدها حتي لو بالغصب . بس انا هخليها تيجي بمزاجك احسن
قال كلامه و هو بيديها ضهره و ينام.
و هي بصت عليه بملل لحد ما النوم غلبها.
___________________________
فات اسبوع عليهم من غير اي احداث
___________________________
ادهم رمي القلم بغضب/ازاي الشحنه موصلتش انت مش مأكد عليها بنفسك
معتز /انا موصلها للمينا بنفسي بس الشركه بعتت ايميل أن الشحنه موصلتش في ميعادها
ادهم حط دماغه بين أيديه بنفاذ صبر/طلع شحنه غيرها و توصلهم بنفسك يا معتز . لغاية ما اعرف الشحنه راحت فين
معتز خد الملف من قدامه/حاضر يا ادهم
_________________________
اماني بغضب/يعني هو يقفلنا الجرنال و يوقف شغلنا و هي تتجوزه
علي بخبث/انا قولت اجي اعرفك قولت اكيد هي مقلتلكيش مع انك اعز أصحابها
اماني/ما هي اكيد مش هتقولي هي غرقانه في العز لوحدها و سيباني انا عماله الف علي شغل بعد ما الجرنال أتوقف بسببها
علي /لا حكاية الشغل دي متقلقيش منها خالص انا هجبلك شغل في احسن جرنال
اماني بفرحه/بجد ..بس لا اكيد مش هسيبها تتهني بكل حاجه لوحدها كده
علي بخبث/و هو ده المطلوب انتي احكيلي حكايتها و انا هخليكي تتفرجي عليها من بعيد
علي ابتسم بخبث ..علي لنفسه/خلاص كل حاجه ماشيه زي ما احنا عايزين
_______________________
ادهم طلع اوضته و هو بيبص ببرود على اللي قاعده على السرير بتفكر في حاجه بس اتشجعت و وقفت قدامه
مريم/خالتي جايه انهارده
ادهم بضيق /حاضر هكون موجود في استقبالها و اتعامل كأن مفيش حاجه
مريم برجاء/خالتي متعرفش اي حاجه عشان خاطر اي حاجه بتحبها متبينش اي حاجه حصلت
ادهم حرك أيده على ايديها بهدوء/ممكن تقوليلها ان ايدك اتخبطت أو وقع عليها حاجه.شايف انك اتحسنتي و مفيش داعي تقوليلها حاجه كبيره
مريم/هو . هو انت كويس
ادهم اتحرك بعيد عنها /شوية مشاكل في الشغل
مريم بلعت ريقها بتوتر/ده بسبب المقال بتاعي
ادهم /لا يا مريم و مفيش داعي تفكريني كل شويه و تخليني اقلب عليكي
______________________
مريم دموعها نزلت و هي بتحضن فاطمه بحب
فاطمه بصتلها بشك/مريم حبيبتي انتي كويسه
مريم خرجت من حضنها و هي بتمسح دموعها/اه انا كويسه يا خالتي بس انتي كنتي وحشاني اوي
ادهم قرب منها بمرح و هو بيسحب مريم لحضنه/معلش بقي هي مريم على طول نكديه
مريم بصتله بتوتر بس قطعته خالتها/معلش استحملها بقي
ادهم /طب اتفضلو اقعدو واقفين ليه
كاميليا حضنت نور /انتي مش قولتي انك هتيجي حتي لما مريم تتجوز مجتيش ليه
نور بصتلها ببراءة/معلش بقي كان عندي حاجات كتير خلصتها و جيتلك اهو
فاطمه بصت لمريم بابتسامه/صحيح يا مريم ازاي تتجوزي كده من غير ما تقولي لخالتك و لا نستييني خلاص
مريم بتوتر /اصل..اللي حصل...
قاطعها ادهم بهدوء/هي مريم نفسها اتفجأت يا طنط انا جبت المؤذون و روحت كتبنا الكتاب و سافرنا على طول حتي ملحقناش نعمل فرح و نقول لحد
فاطمه بصتلهم بحب و هي بتدعي من جواها يكون زوج صالح ليها/ربنا يهنيكم يحبايبي. اومال انت أهلك فين و بتشتغل ايه يعني التفاصيل دي اصلي مستغربه جوزاكم اللي حصل بسرعه
ادهم بص لمريم اللي كانت بتفرك ايديها بتوتر و كمل بهدوء/انا اهلي عايشين بره و انا كنت عايش هنا مع جدتي الله يرحمها و عندي شركات استيراد و تصدير في جميع أنحاء العالم..كمل و هو بيبص على مريم..و مريم كانت صحفيه جايه تعمل لقاء معايا في الجرنال اللي كانت شغاله فيه و اتعرفنا على بعض و كل حاجه جت بسرعه
نور بصتله باحتقار و قد ايه بني ادم مخادع
فاطمه/ربنا يسعدكم و يهنيكم
مريم ابتسمت بهدوء و هي بتبص على ادهم اللي مركز معاها
ادهم/طب أنا هسيبكم لوحدكم .. يلا يا كاميليا نلعب في الجنينه
كاميليا ابتسمت بفرحه و هي بتمشي معاه
فاطمه بفرحه/جوزك باين عليه ابن حلال ربنا يخليكم لبعض يا حبيبتي
مريم /يارب يا خالتي
فاطمه بشك/مريم هي ايدك مش بتحركيها ليه
مريم بتوتر /لا أصلي وقعت من على السلم امبارح ايدي أنجزعت بس كويسه هي يومين و هترجع عادي
فاطمه /ابقي خلي بالك يا حبيبتي المره الجايه.. صحيح ابوكي عرف انك اتجوزتي
مريم بهدوء/ايوه يا خالتي و كان عايز ياخد كاميليا ..و كملت بسخرية..بس خد فلوس زي كل مره و من ساعتها مجاش تاني
فاطمه بقرف/ربنا يبعده عنك يبنتي مش عارفه امك اخترته على ايه و ناديه اللى قولنا هتصلح حاله اهي بهدلته اكتر
مريم /خلاص يا خالتي اللي حصل حصل
نور كانت باصه على ادهم و كاميليا من بعيد
نور /كاميليا شكلها اتعودت علي ادهم أوي يا مريم
مريم بصت عليهم و ابتسمت
فاطمه /انا هروح عندهم و اسيبكم شويه
نور قربت من مريم و قعدت جمبها
نور/مالك خايفه كده ليه هو عملك حاجه تاني
مريم اتنهدت بهدوء/لا يا نور انا كويسه و هو كويس معايا
نور /ادهم بيلعب علي الطرفين يا مريم باين عليه مش سهل ده بصي قدام ماما و كاميليا عامل ازاي ملاك بجناحات
مريم افتكرت معاملته مع كاميليا اليومين اللي فاته و هي بتبص عليهم بهدوء
__________________________
فاطمه/مريم دي بنتي التانيه و لو عليا كنت خدتها و ربيتها معايا بعد ما أمها اتوفت بس ابوها بقي مرديش يسبهالي
ادهم /تعرفي يا طنط أن مريم مقالتليش حكايتها و لا اعرف اي حاجه عن أهلها
فاطمه بهدوء/و لا هتقولك مريم طول عمرها كده واهمه نفسها أن الماضي مطلاما عدي اتنسي مع أن حياتها كلها دلوقتي مبنيه علي الماضي
ادهم/هي مريم ليه عايشه مع اختها لوحدهم ليه مفضلتش مع ابوها أو عاشت مع حضرتك
فاطمه /بعد ما أمها ماتت من قهرتها على نفسها ابوها اتجوز اختي خالتها بردك و قولنا أن حاله هيتصلح بس بالعكس الوضع اتغير للاوحش و اللي هو كان بيعمله في امهم بقي بيعمله في البنات
ادهم بعدم فهم/هو كان بيعمل فيهم ايه . بس ايه اللي ممكن يعمله اب لدرجة أن بنته تسيبه و تعيش لوحدها . انا اسف طبعا اني بسأل كده بس مريم مبتتكلمش و الصراحه نظرة خوفها من باباها غريبه
فاطمه/مريم شافت اللي محدش شافه .كفايه أنها شافت أنها و هي بتموت من قهرتها على نفسها و على بناتها . ابوها كان كل يوم ضرب و اهانه ليهم و لما كانت مريم بتتكلم كان بيحرمها من المدرسه. كاميليا دي تربية مريم عشان كده دايما متعلقين ببعض امهم لما ماتت كانت كاميليا دي لسه عندها كام شهر. مريم اللي ربتها عشان كده اول حاجه فكرت فيها من أول ما تمت ٢٠ سنه. خدتها و عاشو لوحدهم حتي انا كانت رافضه تعيش معايا عشان ابوها ميعمليش مشاكل .
فاطمه بصت على ادهم اللي كان في عالم تاني مكنتش عارف يلوم نفسه و لا يلوم القدر اللي خلاها تقع في طريقه
فاطمه بصتله و هي بتمدله ايديها/عشان كده انا عايزاك توعدني انك متأذيش مريم مهما حصل و تحميها من ابوها لو حاول يتعرضلها . مريم دي بنتي و انا مش هسكت علي أذيتها مهما حصل .
ادهم ابتسم و هو بيمسك ايديها /انا بوعدك أني مش هسمح لحاجه تحصلها و لا ليها و لا لكاميليا.
فاطمه ابتسمت بفرحه و هو بادلها الابتسامه و هو شارد في التفكير
____________________________
علي /زي ما اتفقنا زمان الجرنال و الصحافه كلها دلوقتي بيتكلمه عن خبر زواج ادهم نصار سراً
نصار ابتسم بهدوء/كده مش هيبقي قدامه غير حاجتين يا اما هيعترف بجوازه قدام الناس كلها و كلهم يعرفه اتجوز مين . يا اما هينفي جوازه و ساعتها احنا هنتدخل
علي /والله دماغك تتاقل بالدهب
نصار /بس المهم دلوقتي سكتلي البت اللي اسمها اماني دي بأي حاجه
علي/لا دي متقلقش عليها انا دلوقتي فارس أحلامها
نصار ضحك و هو بيفكر بخبث
____________________________
مريم قعدت قدام ادهم اللي كان حاطط اللاب توب على رجله و بيشتغل
مريم اتنهدت و هي بتغمض عينيها/لو حقك الشرعي هو اللي هيخليك تطلقني اتفضل خده و طلقني
ادهم بصلها بهدوء و هو بيبعد اللاب توب و بيقربها منه وووو...
يتبع..
أمتلكني بألاجبار
بقلم ملك عبد المنعم
أنت تقرأ
أمتلكني بألاجبار
Romantizmهاديه و جميله كل هدفها سعادة اختها بتقع في طريق شخص عنيد و اناني هدفه فلوسه بس يا تري القدر هيكون ليه رأي تاني؟ ممكن تنجو من اذي أهلها ..بس يا تري هتنجو من أذاه ؟
