23-----
امتلكني بالاجبار الجزء الثاني
بقلم ملك عبد المنعم
مريم كانت بتلبس بتوتر و هي مكسوفه أنها تروح لـ دكتوره بعد كل ده . ادهم كان متابعها بهدوء و هو فاهم هي بتعمل كل ده ليه . ادهم وقف قصادها بهدوء ./مالك .
مريم نزلت عينيها بتوتر و دموع. /مش عايزه اروح يا ادهم .
ادهم حرك أيده علي شعرها بحنان. /ليه بس .
مريم بدموع ./ انا عارفه انك بتعمل كل ده عشاني و عشان تساعدني . بس انا خايفه و حاسه اني مش هقدر اتكلم و لا هقدر...
ادهم قاطعها بهدوء ./يا مريم الموضوع ابسط من كل ده . دي دكتوره يا حبيبتي يعني هتساعدك مش هتضرك . صدقيني يا مريم انتي محتاجاها اكتر من اي حاجه . انا عارف انك بتحاولي بس مش هتقدري و انتي لوحدك . و انا روحتلها و اتكلمت معاها و هي كويسه اوي يا مريم . خلينا نروح انهارده لو مرتحتيش مش هنروح تاني اتفقنا .
مريم هزت راسها بهدوء . ادهم ابتسم بهدوء و باس ايديها بحب ./انا اتكلمت معاها و حكيتلها كل حاجه حصلت معانا . و لازم أنتي كمان تتكلمي معاها بكل صراحه يا مريم .
مريم هزت راسها بكسوف . ادهم مسك ايديها بهدوء و مشيو.
________________________________________
ادهم دخل هو و مريم عند الدكتوره .
ناديه ابتسمت بهدوء ./ازيك يا مدام مريم .
مريم هزت راسها بهدوء ./الحمدلله .
ناديه بصت بهدوء لـ ادهم و فهمت أن مريم متوتره من وجودها . ناديه بهدوء ./معلش يا استاذ ادهم ممكن تستني مدام مريم بره لحد ما تخلص .
ادهم هز رأسه بهدوء و ابتسم لـ مريم ./هستناكي بره ماشي .
مريم هزت راسها بهدوء . ناديه ابتسمت بسرعه ./ ها يا مدام مريم . مش عايزه تحكيلي .
مريم بتوتر ./هو مش ادهم حكالك .
ناديه بهدوء./بس انا عايزه اسمع منك انتي . عايزه اسمك منك كل حاجه من وجهة نظرك . كل حاجه من ساعة ما ابتدي يظهر عليكي رعشة جسمك لما تخافي . عايزين نمسك اول سبب عشان نقدر نبتدي العلاج صح .
مريم هزت راسها بتفكير . و غمضت عينيها بدموع . /كان عندي ست سنين ..كان أول يوم ليا في المدرسه ..كان اول مره اشوف بابا كده ...كان جاي متعصب و مضايق.. زعق مع ماما و صوتهم علي ..ماما دخلتني اوضتي عشان مسمعش . بس كنت سامعه و بحاول اكتم ودني عشان مسمعش . ماما دخلت و هي بتعيط و حضنتني . و هو دخل وراها و هو مصمم يضربها و انا في حضنها . انا فاكره كل اللي حصل . بعد ما خلص ضرب كنت خايفه من كل حاجه . حتي ماما كنت خايفه اقربلها أو خايفه حتي تحضني .
مريم فتحت عينيها و مسحت دموعها بسرعه . /لما ماما ماتت ندمت على كل لحظه مخلتهاش تحضني فيها . بس غصب عني كان وقتها خوفي بيخليني مش قادره حد يلمسني . جسمي كان بيترعش من غير سبب من لمستها ليا .
ناديه اتنهدت بهدوء ./تقدري تحكيلي ازاي انتي و ادهم اتجوزته . و ازاي بعد كل السنين دي رعشة جسمك رجعتلك تاني رغم انك كنتي كويسه .
مريم هزت راسها بهدوء . و ابتدت تحكيلها كل حاجه .
ناديه اتنهدت بهدوء بعد ما مريم خلصت و ابتسمت ./ليه قدرتي تشوفي ادهم ليلة اللي حصل بشكل تاني . ليه خوفتي منه .
مريم دموعها نزلت بكسوف ./ حسيت أن التغيير اللي ظهر في بابا . ظهر عند ادهم . ادهم كان اول مره يتعامل معايا بالشكل ده . حتي في بداية جوازنا عمره ما خدني غصب عني . بالعكس صبر عليا و كان بيساعدني كتير بس...
ناديه بهدوء ./ من كلامك عرفت انك في حملك الاولاني كنتي خايفه علي الطفل أنه يعيش اللي عيشتيه اكتر ما كنتي خايفه تبعدي عن ادهم . ده معناه انك حبيتي ادهم نفسه و لا حبيتي تأسسي حياة كويسه عشان متظلميش الطفل اللي بينك و بينه .
مريم ابتسمت بدموع ./ وقتها فعلا كان ده تفكيري . بس لما حسيت انه ممكن يبعد او ممكن اخسره . مقدرتش و اعترفت لـ نفسي أن فعلا حبيته . انا مكنتش ليا اي حد في الدنيا غير اختي اللي انا مسئوله عنها . فجأة هو ظهر بقي كل حاجه. في البدايه مكنتش قادره اتغلب علي خوفي . بس انا مكنتش بطمن غير معاه . هو كل حاجه في حياتي بس اللي حصل خلاني...
مريم سكتت و هي بتعيط . ناديه اتنهدت بهدوء و ابتسمت ./ في كل اللي حكتيه حسيت أنك طول فترات حياتك كنتي بتهتمي باللي حواليكي و شايله مسئوليتهم . من اول اختك الصغيره لحد دلوقتي و انتي شايله مسئولية عيالك . دلوقتي هما معاهم ادهم . جربي تشوفي نفسك و حياتك و ترمي كل حمولك . شوفي نفسك و راحتك الاول . فكري في نفسك بس .
مريم هزت راسها بتوتر ./بس دول..
ناديه قاطعتها بهدوء ./انا عارفه كل ده .بس انتي كمان من حقك و من حق حياتك انك تعيشيها بكل مراحلها . اعتبري نفسك بتعوضي حياتك القديمه . و انا شايفه في كلامك انك عايزه تكملي حياتك مع ادهم صح . متهيقلي ده داعم كويس ليكي اوي . و كمان انتي مصدقه أن هو عمل كل ده علشانك مش علشان يأذيكي . يعني الحكايه كلها بسيطة خالص مش كده .
مريم ابتسمت بهدوء و هزت راسها بهدوء .
ناديه ابتسمت بهدوء./و في اي وقت تحبي تجيلي قبل جالستك انا موجوده . و مش عايزه اشوف القلق و التوتر اللي شوفته في عينيكي انهارده .
مريم ابتسمت بـ راحه ./حاضر .
و قامت بهدوء و طلعت بره . ادهم قرب منها بهدوء لما لقاها مبتسمه . و ابتسم براحه ./انتي كويسه .
مريم هزت راسها بسرعه . ادهم بهدوء ./طيب استنيني هنا . و انا هسالها علي حاجه و اجيلك .
مريم هزت راسها بهدوء . و ادهم دخل عند ناديه و قعد قصادها بهدوء . ناديه فهمت هو دخل ليه و اتكلمت ./ زي ما قولت لـ حضرتك . مشكلتها الحقيقية طفولتها . في حاجات كتير مريم مقدرتش تعيشها . اي قسوة او اي مصدر خوف بتقابله غصب عنها بتفتكر ده بـ قسوة والدها . ده اللي مخليها لسه خايفه من قربك منها أو من الحاجه اللي بتعملهالها .
ادهم اتنهد بتعب ./طب اعمل ايه .
ناديه بهدوء ./هي محتاجه تحس ان كل حاجه طبيعيه حواليها . يعني محتاجه تعيش حياتها هي الاول . مريم في كل مراحل حياتها كانت دايما شايله مسئولية حد . عمرها ما جربت تفكر بـ نفسها الاول . و ده السبب الرئيسي . محتاجه ترمي كل مسئولياتها و تفكر في نفسها . اما بالنسبة لـ خوفها منك . سيبها تعمل كل حاجه بـ نفسها من غير ما تعمل نفسك مركز معاها . بعدها ابتدي تجبلها الحاجه في وقت متقدرش ترفض أنها تاخدها منك . و قربك منها مش لازم تحسسها انك بتقرب منها عشان عايزها و خلاص . كل حاجه لازم تكون بنفس الاحساس اللي يطمنها مش اللي يخليها تتسرع في العلاج .
ادهم هز رأسه بهدوء . و قام . ناديه اتكلمت قبل ما يخرج ./بعد كده هحتاج اشوفها هي بس . عشان متحسش أنك بتعرف مني كل حاجه .
ادهم اتكلم بهدوء ./حاضر.
و طلع سحب مريم من ايديها و مشيو .
بعد شويه وصلو قدام الفيلا .
ادهم اتكلم بهدوء ./انزلي انتي و انا هعمل كام حاجه و هاجي.
مريم هزت راسها بهدوء و نزلت .
______________________________________
نوران نزلت بتوتر لما عرفت أن ادهم مستنيها تحت . نوران نزلت و قعدت بضيق . عكس ادهم اللي كان قاعد بثقة .
ادهم بهدوء. /اديني جيت اهو شوفي عايزه ايه .
نوران بهدوء./عايزين نصفي حسابات الشركه اللي بينك و بين بابا . عشان اعلان الوراثه و كل واحد ياخد حقه .
ادهم بهدوء ./كل واحد اللي هو انتي و مين .
نوران اتنهدت بتوتر ./علي بردك ليه نصيب مع معني انه هربان هنسي ورثه .
ادهم ابتسم بثقة و حطي الورق قدامها . نوران مسكت الورق بسرعه . ادهم بهدوء ./ده تنازل من نصار عن كل حاجه بـ اسم فريد . اخر ورقه دي ورقة وصايا عن كل أملاك فريد و انا الواصي عليها .
نوران الورق وقع من ايديها بصدمه ./لا اكيد بابا معملش كده .
ادهم بسخرية ./و ميعملش كده ليه هو مش عرف انك علي تواصل مع علي و كمان مدام ليلي اكدتله شكوكه . نسيت اقولك أنه قالي كل حاجه قبل ما يموت بـ كام ساعه .
نوران هزت راسها برفض ./لا كل ده محصلش كل ده كدب .
ادهم قام وقف بهدوء ./معاكي ساعه و تفضيلي الفيلا اصل دي أملاك فريد و انا بحافظ عليها . و ياريت متحاوليش تروحي اي مكان بـ اسم فريد عشان هطردك منه .
نوران بضيق من ادهم ./ بس فريد الواصيه علي مامته أو باباه انت ملكش دعوه بيه .
ادهم ابتسم بسخرية ./هتلاقي ورقه فيها تنازل من اماني .
ادهم سابها و مشي بـ انتصار و هو بيدعي أن كل حاجه مشت زي ما هو عايز .
_________________________________________
علي رمي التليفون بغضب بعد ما نوران قالتله علي اللي حصل .
ليلي بسخرية ./شوفت اخر تفكيرك و خططك ايه .
علي بهيستريه ./مكنتش اعرف ان كل ده هيحصل . كأنه عمل كل حاجه عشان يوصلني لنقطة الصفر تاني و يرجع ادهم حياتنا بعد ما كان خلاص هيخرج منها .
ليلي بهدوء ./ملهاش حل غير أن اماني تعملك انت ورق الوصايه . انت في الاول و الاخر ابوه و اولي من ادهم .
علي بضيق ./ازاي و انا في نظر الناس هربان يعني لو ظهرت اكيد هيتقبض عليا .
ليلي ابتسمت بهدوء ./يبقي تخليها تسجل الوصيه بـ اسمي . لحد ما نخلص من موضوع هروبك و تسافر .
علي بتوتر ./بـ اسمك .
ليلي هزت راسها بهدوء ./اه بـ اسمي لأن مبقاش ينفع ندخل نوران في لعبتنا تاني . و زي ما قولت انا و انت مصلحتنا واحده .
علي هز راسه بسرعه ./صح انتي صح . بس مش قبل ما احرق كارت نوران للأبد .
ووووو ... يتبععععع
امتلكني بالاجبار الجزء الثاني
بقلم ملك عبد المنعم
أنت تقرأ
أمتلكني بألاجبار
Roman d'amourهاديه و جميله كل هدفها سعادة اختها بتقع في طريق شخص عنيد و اناني هدفه فلوسه بس يا تري القدر هيكون ليه رأي تاني؟ ممكن تنجو من اذي أهلها ..بس يا تري هتنجو من أذاه ؟
