أمتلكني بألاجبار

البارت الحادي عشر

11-------
أمتلكني بألاجبار
بقلم ملك عبد المنعم
بعد شويه فاطمه استأذنت هي و مامت العريس . عشان يسيبه نور و العريس لوحدهم .
نور طول الوقت كانت باصه في الأرض . مكنتش عارفه تقول ايه و تتكلم في ايه . لحد ما هو اتكلم .
اسر /طب ارفعي وشك عشان اعرف اكلمك .
نور رفعت وشها و اتكلمت بتوتر/اس.اسر .
اسر ابتسم/كنتي فاكره مش عارفه اوصلك و لا فكراني هنساكي.
نور اتكلمت بفرحه/بس . انت جيت امتي . و عرفت مكاني ازاي. 
اسر/رجعت من لندن بقالي شهر و طبعا طول الشهر ده كنت بدور على عنوانك لحد ما وصلتلك .
نور ابتسمت بدموع . اسر قرب و قعد جمبها/انا منستش يا نور منستش ايام الجامعه. و منستش دموعك و انتي فكراني هنساكي. و رجعت عشان أثبتلك اني كنت قد كلامي لما قولتلك اني هرجعلك .
نور/انا لحد دلوقتي مش مصدقه يا أسر . مش مصدقه انك رجعت تاني .
اسر/بس دي الحقيقه يا عيون اسر انا رجعت و معاكي. انا هستني ردك رغم أنه باين في عيونك .بس انا هسيبك تفكري .
نور ابتسمت و هي بتمسح دموعها.
______________________________
كاميليا دخلت اوضة مريم عشان تصحيها .
مريم صحيت بخضه و حضنت كاميليا/انتي كويسه . في حاجه بتوجعك .
كاميليا خرجت من حضنها بهدوء/لا انا كويسه . عمو ادهم جه صحاني و اداني الدواء بتاع الدكتور الجديد .
مريم بحنان/ماشي يا حبيبتي . انزلي و انا هغير هدومي و انزل وراكي .
كاميليا/ينفع متزعليش مني . انا اسفه . انا زعلت لما بابا قالي انك هتسبيني . مريم انا مش عايزه اعيش معاه . مش عايزاه يضربني زي ما كان بيضربك .
مريم حضنتها بدموع/انتي هتفضلي معايا انا .محدش هيخدك مني. و انا عمري ما هسيبك.
كاميليا/عمو ادهم قالي أن انتي فضلتي تعيطي كتير اوي . ينفع متعيطيش تاني . لما بتعيطي بفتكر بابا لما كان بيضربك .
مريم مسحت دموعها/حاضر مش هعيط تاني . بس انتي توعديني متسمعيش كلام اي حد غيري . و لو شوفتي بابا تاني تبعدي عنه .
كاميليا/حاضر هوعدك .
ادهم دخل عليهم بابتسامة/يلا يا كاميليا قولي لداده عاليه تحضر الفطار على بال ما ننزل .
كاميليا حركت رأسها بهدوء و نزلت .
ادهم قعد قدام مريم و هو بيركز في ملامحها بتقييم .
مريم /شكراً على اللي عملته مع كاميليا .
ادهم بصلها بهدوء/اوقات بغير من حبك ليها . بقول يبختها عندها حد بيحبها زيك . بقيت اتمني ربع حبك ليها يكون ليا .
مريم بصتله بتوتر و هي بتهرب بعيونها بعيد عنه.
ادهم /منظرك و انتي بتعيطي امبارح مفرقش خيالي طول الليل . لما قربتي مني امبارح كانت أول مره احس انك مش خايفه مني . بس لما رجعت شوفت نظرة الخوف في عينيكي دلوقتي كرهت نفسي اوي يا مريم.
مريم بتوتر/ادهم . احنا ممكن . كل واحد فينا يروح لحاله. و انا مش هعمل حاجه تاني صدقني و مش هحاول اضايقك تاني.
ادهم/بس انا مش عايز يا مريم . مش عايز ابعدك . انا بقيت خايف اخليكي بعيده. و لما شوفتك امبارح خوفت اكتر .
مريم /ادهم انا مش قادره اعيش معاك . انا دايما خايفه منك . انت في يوم و ليله عايزني اتقبل جوازنا . انا مش عايزه كده يا ادهم ارجوك . انت اتجوزتني عشان تعمل اللى انت عايزه . اعمل اللي انت عايزه و طلقني يا ادهم .
ادهم سحبها ليه و هو كل تركيزه في عينيها/بس انتي اللي انا عايزه يا مريم .
مريم بصتله بخوف و دموع . و هو ميل باسها بشغف و ماسك ايديها الاتنين بايده . مريم فضلت تقاوم لحد ما استسلمت و هو بعد عنها بهدوء و فتح عينه و قال بهمس/مريم .
مريم دموعها نزلت و اتكلمت بعياط/قولتلك مش عايزه انت ليه عايز تعمل كده . انت بتستغلني بتستغل ضعفي يا ادهم. 
ادهم بص عليها بهدوء و سبها و مشي .
__________________________________
معتز صحي على صوت خبط الباب المزعج .
معتز بغضب/الواحد ميعرفش ينام أبداً.
معتز فتح الباب و دخل ادهم اللي بصله بغضب/ساعه عشان تفتح.
معتز مسح على وشه بضيق/ادهم انت مصدقت اعرف اخد يوم اجازه عشان انام كويس .
ادهم بص للشقه اللي كانت متبهدله بهدوم حريمي/تنام كويس بردك .
معتز ولع السيجاره بضيق/ خير يا ادهم جيت ليه .
ادهم /مش عارف مقدرتش اقعد في البيت . و مقدرتش اروح الشركه.
معتز /اممم . عملتلك حاجه.
ادهم بضيق/ما هي دي المشكله . مبتعملش حاجه. دايما ساكته . مش بتتكلم مش بتحكيلي حاجه. حاسس انها بتكرهني يا معتز .
معتز /و انت منتظر بعد اللي عملته ده أن هي تحبك مثلا . انت ليه مش شايف نفسك غلطان .
ادهم /مش عايزها تحبني بس .. ادهم نفخ بضيق .
معتز /لو عشان هي رافضه تقرب منها . البنات ماليه البلد و انت اكتر حد عارف كده . شوف غيرها و اعمل اللي انت عايزه .
ادهم /بس انا عايزها هي .
معتز بخبث/ لو عايزها هي بالذات يبقي دي اجابتها عندك انت .
ادهم بصله بضيق /مش عارف انا متلغبط مش عارف احدد عايز ايه .
معتز /انت مش قادر تتصور أن في بنت ممكن ترفض ادهم نصار . بس هي رفضتك . و مش قادر تتصور انك لما عرضت عليها الجواز رفضته و بكل بجاحه و كمان رافضاك و عايشه معاك بالعافيه. مش عارف تتصور أن هي مزغللش عينيها فلوسك يا ادهم .
ادهم بعصبية/لا هي ضعيفه يا معتز و اكيد محتاجاني عشان اقف معاها قدام ابوها . هي لوحدها اكيد محتاجاني.
معتز بسخريه/هي مش محتاجاك يا ادهم . هي عايزه تبعد عنك . و انت عايزها تكون موجوده عشان انت عايزها . مش عشان تكسر عينيها اللى رفعتها قصادك و اتحدتك .
ادهم بصله بغضب و سابه و مشي
_________________________________
نادية نزلت بحرص و هي بتبص حواليها بخوف .
ناديه وقف مع شاب و هي بتديله الفلوس/خد الفلوس اهي تعمل اللي قولتلك عليه بالحرف الواحد .
الشاب /حاضر بس لو عرف حاجه.
ناديه/و ايه اللي هيعرفه . اسمع اللي بقولك عليه لو نفذت اللي بقولك عليه . طاقة القدر هتتفتحلنا . و جلال مش هيبقي قدامه غير الحل ده .
الشاب/بس انا خايف تحصلي حاجه.
ناديه/لا متخفش امشي انت بس . و بكره تيجي في نفس الوقت اديك باقي الفلوس و البضاعه تصرفها بمعرفتك.
________________________________
ادهم دخل الاوضه و هو بيبص على مريم بهدوء .
مريم وقفت قدامه و اتكلم بجراءة/ادهم انا عايزه انزل شغل.
ادهم /امم . اشمعنا.
مريم/هو ايه اللي اشمعنا . انا زهقت من البيت . و بعدين انا من حقي انزل شغل .
ادهم اتكلم بضيق/صوتك يا مريم .
مريم اتنهدت بهدوء/ادهم عشان خاطري . انا عايزه انزل شغل . مستعده اشتغل اي حاجه غير صحفيه لو انت خايف اعمل حاجه تاني . بس عشان خاطري خليني انزل .
ادهم حرك أيده على خدها بهدوء/لا ما انتي كده كده مش هتقدري تعملي حاجه تاني يا مريم . انا ممكن اسمحلك تنزلي تشتغلي بس تكوني معايا .
مريم /معاك ازاي يعني .
ادهم /يعني هتنزلي معايا الشركه .
مريم/ لا اكيد . ادهم انا عايزه انزل الشغل عشان اكون بعيده عنك . يبقي ازاي عايز تخليني موجوده معاك في نفس المكان .
ادهم غمض عينه و هي بيفتكر كلام معتز .
ادهم/هو ده اللي عندي يا مريم مش عايزه خليكي هنا.
مريم بصتله بغضب/ماشي يا ادهم . هنزل و امري لله .
ادهم غمض عينه بتعب و هو بيرجع دماغه لوره .
وووووو....
أمتلكني بألاجبار
بقلم ملك عبد المنعم