أمتلكني بألاجبار

الجزء التاني. البارت الرابع

4-----
امتلكني بالاجبار الجزء التاني.
بقلم ملك عبد المنعم .
ادهم ابتسم بهدوء و هو شايف مريم بتتحرك علي المركب من غير خوف . ادهم حضنها من ضهرها بحب ./وحشتيني اوي .
مريم ابتسمت بهدوء ./ما انا معاك علي طول يا ادهم .
ادهم هز راسه و سند دماغه علي كتفه ./معايا بس ولادك كانو وخدينك مني . كنت بنام جمبك و حاسس ان انتي وحشاني لدرجة اني مش قادر اغمض عيني من عليكي .
مريم ابتسمت بكسوف و لفتله بهدوء ./بجد يا ادهم . يعني لسه بتحبني زي زمان .
ادهم اتنهد بهدوء و هز راسه برفض. /كل يوم بكتشف اني بحبك اكتر من اللي قبله . لدرجة اني بقيت اغير من ولادنا عشان حاسس أنهم خدوكي مني. 
مريم ضحكت عليه بهدوء ./محدش يقدر يخدني منك ابدا . بس هما محتجني اكتر الفترة دي . عشان خاطري متزعلش مني. 
ادهم ابتسم عليها بحب و باس راسها بهدوء ./مقدرش ازعل منك ابدا يا حبيبتي. 
مريم غمضت عينيها بهدوء و لفت تبص علي البحر و هي في حضن ادهم .
ادهم حرك شفايفه علي رقبتها بتلذذ ./اول مره تركبي مركب كنتي خايفه و عماله تصوتي. 
مريم ابتسمت بهدوء ./مبقتش اخاف منه بقيت أحبه اوي .
ادهم ابتسم عليها بهدوء و شالها بسرعه . مريم شهقت بخضه و لفت ايديها حوالين رقبته بكسوف .
ادهم دفن رأسه في رقبتها بتوهان ./هنا مفيش عز و لا دنيا عشان تهربي مني .
مريم ابتسمت بهدوء و دخلت في حضنه اكتر . و بعدين ...
________________________________________
كاميليا فتحت الباب و ابتسمت بهدوء . /نوران اتفضلي .
نوران دخلت بهدوء و هي عيونها بتروح يمين و شمال . / مردتش ارن علي مريم و قولت اعملها مفاجأة .
كاميليا ابتسمت بهدوء ./بس مريم مش هنا .
نوران باحراج ./هي في مشوار و هتيجي يعني .
كاميليا هزت راسها بهدوء ./لا مريم سافرت هي و ادهم الصبح .
نوران ابتسمت بتوتر ./ييجو بالسلامه . انا همشي انا بقي.
كاميليا بهدوء ./خليكي شويه.
نوران ./مره تانيه انشاء الله .
و مشت بسرعه .
نوران اتنهدت بضيق و هي في العربيه ./وخدها و مسافر . انا المفروض اللي اكون معاه . انا اللي المفروض اكون مكانها مش هي .
_______________________________________
مريم جريت من ادهم بضيق بسرعه ./قولتلك لا يا ادهم بخاف .
ادهم سحبها من وسطها بخبث ./معقول هتخافي و انا معاكي .
مريم هزت راسها بتوتر ./انزل انت و انا هتفرج عليك .
ادهم هز راسه برفض ./هننزل البحر سواء.
مريم ابتسمت بخبث  ./ طب خلينا نروح . الدنيا بقت ضلمه و احنا لسه في البحر . و الصبح نبقي نيجي تاني .
ادهم ابتسم بخبث و دفن رأسه في رقبتها ./متاكده .
مريم هزت راسها بتوتر و سحبت تليفونها اللي رن .
مريم بهدوء ./دي نوران .
ادهم سحب التليفون بضيق ./احنا قولنا مفيش مكالمات .
مريم سحبت التليفون بسرعه ./لا هرد عليها .
ادهم اتنهد بضيق عشان عارف ان قرب نوران من مريم مش حاجه عاديه .
مريم ردت عليها بهدوء ./نوران ازيك .
نوران بهدوء ./الحمدلله . انا كنت قريبه من البيت و روحت ملقتكيش .
مريم بتوتر ./ انا و ادهم سافرنا الصبح  .
ادهم اتنهد بهدوء و حضنها من ضهرها و هو بيحرك شفايفه علي وشها .
نوران بضيق ./طيب يا حبيبتي تيجو بالسلامه . انتو هتفضلو كتير .
مريم بضيق من حركات ادهم ./لا مش كتير يومين و هنرجع عشان سايبه عز و دنيا .
مريم بهمس علي ودن  ادهم ./بطل بقي .
ادهم هز راسه بخبث . نوران بهدوء ./ طيب يا حبيبتي تيجو بالسلامه . سلام .
مريم قفلت بسرعه و بعدت عن ادهم بضيق ./مش هتبطل حركاتك دي .
ادهم سحبها بضيق ./كانت عايزاكي في ايه. 
مريم بهدوء ./كانت بتسال عليا .
ادهم تتمتم بضيق ./مش شايفه انكم قربتو بسرعه اوي و مكنتاش متفقين علي كده .
مريم بضيق ./هو انا المفروض اخد رايك في علاقتي انا و اصحابي .
ادهم رفع حاجبه باستغراب ./صحابك . و هي نوران بقت من صحابك يا مريم .
مريم ببرود ./اه يا ادهم من صحابي .
ادهم اتنهد بضيق ./مريم حبيبتي . انتي لحد ما خرجت من السجن مكنتيش قبلاها و لا كنتي موافقاني تروحي مقرباها مننا .
مريم بعدت بهدوء ./قربتها مني انا يا ادهم . مش مننا .
ادهم غمض عينه بضيق ./يا مريم انا خايف عليكي . حتي لو هي اتغيرت مش لازم تقربي منها اوي كده و مش لازم تدخليها حياتك اصلا .
مريم ابتسمت بهدوء ./ احنا اديناها فرصه خلاص يا ادهم . و من حقها تاخد فرصتها .
ادهم وقف قدام مريم بغضب ./فرصه لمين يا مريم لـ نوران . نوران اللي اتخنقتي معايا لما عرفتي اني اتنزلت علي القضيه . انتي مصدقه كلامك يا مريم .
مريم اتنهدت بهدوء ./ من تلت سنين و نص انا اديتك فرصه يا ادهم . فرصه واحده غيرت حياتي زي ما انت وعدتني . نوران كمان تستاهل فرصه .
ادهم مسح علي وشه بضيق ./نوران لو خدت الفرصه هتدمرلك حياتك مش هتغيرها .
مريم بسخريه ./و انت عرفت منين . مش يمكن تكون اتغيرت فعلا .
ادهم بغضب ./عشان دمرتلي حياتي . دمرتهالي لما خلت ابوها يكرهني و يبعد عني تلت سنين و يبقي عدوي . و كانت هتدمرها لما خطفت ابني . و دلوقتي هتدمرها عن طريقك يا مريم .
مريم اتنهدت بهدوء و نزلت راسها .
ادهم رفع وشها بحنان ./حبيبتي انا موجود و هكون صاحبك و حبيبك و كل حاجه . بس بلاش نوران يا مريم . خلي حياتنا تكون خاصه بينا . اتفقنا يا حبيبتي .
مريم هزت راسها بهدوء و دخلت في حضنه بهدوء ./ممكن نرجع البيت انا تعبت و المركب شكله يخوف في الضلمه .
ادهم حرك أيده علي شعرها بهدوء ./حاضر يا حبيبتي .
________________________________________
تاني يوم .
ادهم صحي و ابتسم بهدوء علي مريم اللي نايمه من ساعة ما روحه . ادهم حرك أيده علي وشها بهدوء ./مريم ..حبيبتي ... اصحي يلا .
مريم فتحت عينيها بضيق من حركته ./شويه يا ادهم .
ادهم اتنهد بضيق ./شويه ايه احنا من ساعة ما جينا بليل و انتي نايمه . قومي خليكي معايا شويه ده احنا واخدين تلت ايام بالعافيه .
مريم بصتله بنوم ./معلش يا ادهم سبني انام شويه .
ادهم اتنهد بضيق منها و سحب هدومه و دخل الحمام .
________________________________________
بعد شويه مريم فتحت عينيها و صحت . مريم افتكر اللي حصل بضيق و سحبت الروب بتاعها و نزلت .
ادهم كان عمال يشرب سجاير بغضب من اللي حصل .
مريم رفعت ايديها بتوتر و وقفت قصاده ببراءة . ادهم بص عليها بضيق ./نعم .
مريم رفعت عينيها بهدوء. /انت زعلان .
ادهم ابتسم بسخرية ./لا ايه هيزعلني . كملي نومك يا مريم يلا .
مريم نزلت راسها باحراج ./يا ادهم انا مبعرفش انام من عياط دنيا و عز خالص . ما صدقت عرفت انام شويه بس غصب عني والله .
ادهم اتنهد بهدوء و وقفها قصاده./مريم احنا جينا هنا عشان نفصل من كل حاجه . و انا جبتك هنا عشان عارف انك محتاجه ده . و انا كمان محتاج اهتمامك و وجودك معايا اللي مكنتش بحسه و احنا هناك . و عارف ان العيال بيتعبوكي اوي و عشان كده جينا هنا .
مريم هزت راسها بكسوف و دخلت في حضنه ./يعني خلاص مش زعلان .
ادهم ابتسم بهدوء عليها ./ مش زعلان خلاص . اطلعي غيري عشان هنروح مكان هيعجبك اوي .
مريم رفعت راسها بفضول ./هنروح فين .
ادهم ميل باسها برقه و بعد بسرعه ./مفاجأة . فستانك هتلاقيه في الدولاب . و يلا بدل ما اغير رأي و نخلينا في البيت .
مريم ابتسمت بكسوف و مشت بسرعه .
ووو يتبعععع ....
امتلكني بالاجبار .
بقلم ملك عبد المنعم .