أمتلكني بألاجبار

البارت الثاني عشر

12-------
أمتلكني بألاجبار
بقلم ملك عبد المنعم
ادهم نفخ بضيق .و هو بيبص على مريم اللي واقفه قدام المرايا و مش مدياله اي اهتمام.
مريم وقفت قصاده بهدوء/انا جاهزه .
ادهم بص عليها بتقييم و اتكلم بضيق/يلا .
___________________________
فاطمه/يعني ارد عليهم و اقولهم انك موافقه.
نور بفرحه/اه يا ماما .
فاطمه حضنتها بحب /نور اوعي تكوني بتوافقي عشان أنا ضغطت عليكي . انا لو عليا عايزه اخليكي جمبي بس عايزه اطمن عليكي بردك . لو مش مرتاحه خلاص بلاش .
نور برفض/لا يا ماما انا مرتاحه و موافقه عليه .
فاطمه /ريحتي قلبي يا حبيبتي. متنسيش تعرفي مريم و تخليها تيجي هي و جوزها .
نور بهدوء/حاضر يا ماما .
__________________________________
ادهم دخل المكتب و هو ماسك ايد مريم .
مريم بصت حواليها بهدوء و هي بتغمض عينيها و بتفتكر اول مره جت هنا .
ادهم /طب اقعدي عشان تعرفي تفهمي الشغل .
مريم قعدت قصاده بهدوء .
ادهم /انتي اكيد مش عارفه حاجه في الشغل بتاعنا . عشان كده انا هخليكي السكرتيره و اهو تكوني معايا عشان لو في حاجه معرفتيهاش.
مريم اتكلمت بصوت واطي/يعني عايزه اخلص منك في البيت تخليني في وشك في الشغل .
ادهم بضيق/بتقولي حاجه يا مريم .
مريم بتوتر /لا . بس يعني انا مش بفهم في الشغل بتاعك ده . كان ممكن تخليني اشتغل في اي حاجه تاني .
ادهم /متخفيش هتتعلمي و لو متعلمتيش يبقي خليكي في البيت احسن و ملوش لازمه الشغل .
مريم بضيق/ماشي .
ادهم /تعالي اوريكي كام حاجه تعمليهم .
______________________________
نصار/اللي اسمو عاصم ده لازم يكون معانا . تتصرف و تجبهولي انهارده قبل بكره .
علي /اللي تأمر بيه. بس انا شايف أننا لازم نخليها هي اللي معانا مش هو.
نصار /البنت دي وراها حاجه و عاصم هو الحاجه دي .عشان كده احنا عايزينه هو الأول .
_________________________________
جلال بغضب/فين البضاعه يا ناديه .
ناديه/بضاعة ايه انا معرفش حاجه.
جلال مسكها بغضب/ناديه لو مرجعتيش البضاعه . انا ممكن اقتلك . انا ممكن اروح في ستين داهيه.
ناديه بعدته بغضب/ما تروح في داهيه هو حد قالك تشيل بضاعه زي كده في اي داهيه .
جلال/البضاعه كانت هنا في البيت . و محدش غيرنا هنا في البيت يبقي مين هيخدها .
ناديه /يبقي روح شوف مين اللي سرقك و غفلك .
جلال بصلها بغضب / انا همشي دلوقتي بس لو عرفت أن انتي وره اللي حصل . متلومنيش ايه ممكن يحصل .
___________________________________
معتز حط الملف قدام ادهم و قعد قدامه بهدوء .
ادهم بصله بتركيز/اللي في دماغك ده ياريت تشيله.
معتز /انا اللي هموت و اعرف ايه بيدور في دماغك يا ادهم . و ناوي علي ايه مع البنت اللي مبهدلها معاك دي .
ادهم/البنت دي مراتي يا ادهم اكيد مش هعمل فيها حاجه.
معتز بغضب/ لا بتعمل انت متجوزها غصب ليه مصمم تكدب على نفسك . لازم تفوق من اللي انت فيه .
ادهم بغضب/لا مريم مراتي و مفيش حد يقدر يقول عكس كده . مش مهم انا اتجوزتها ازاي المهم أن هي مراتي دلوقتي .
معتز /مراتك ازاي . انت بتستغل ضعفها يا ادهم . ادهم انت بتعمل زي اللي عمله فيها ابوها . و في الاخر عايزها تكون معاك و هي راضيه كمان .
ادهم بغضب/ هي ملهاش حد غيري . هترجع لابوها اللي مبهدل فيها . و لا هتعيش وحدها بعد ما اترفضت من شغلها و سيرتها اللي هتبقي على كل لسان بعد ما الناس كلها عرفه أن هي مراتي .
مريم فتحت الباب تحت صدمتهم و هي بتبص على ادهم بهدوء .
ادهم بصلها بتوتر/في حاجه يا مريم .
مريم /كنت جيت عشان اقولك اني خلصت و عايزه امشي .
ادهم حرك راسه بهدوء و خدها و مشي .
________________________________
مريم دخلت اوضتها بهدوء ..و ادهم وقف وراها و هو بيبص على انعكاس ملامحها في المرايا اللي مكنتش عليه أي رد فعل .
ادهم بتوتر/مريم ..هو في حاجة حصلت .
مريم بهدوء/لا . هيكون في ايه يعني .
ادهم حرك راسه بنفاذ صبر و مشي .
مريم بصت على أثره بدموع و حطت ايديها على بوقها. و هي بتكتم صوت شهقاتها . وووووو. 
أمتلكني بألاجبار
بقلم ملك عبد المنعم